Laitloek 5:2 - Matu Bible

² Pilnam loh a puhlu vaengah, Israel khuiah tawnlo rhoek khaw lim hamla, BOEIPA tah a yoethen pai saeh!

Laitloek 5:2 Iomraidhean Croise

2Khokhuen 17:16

Anih kut ah BOEIPA ham aka puhlu Zikhri capa Amasiah neh a taengkah tatthai hlangrhalh he thawng yahnih lo.

Nehemiah 11:2

Jerusalem kah khosa la aka puhlu hlang boeih te pilnam loh yoethen a paek.

Tingtoeng 103:2

Aw ka hinglu, BOEIPA te uem lamtah amah kah a thaphu paek boeih te hnilh boeh.

Tingtoeng 110:3

Na khuehtawn tue vaengah na pilnam loh rhuepomnah hmuencim ah kothoh a khueh vetih, nang kah buemtui oila khaw khopo bung khui lamkah nang taengla ha pawk ni.

Tingtoeng 136:15

A sitlohnah kumhal duela a cak dongah Pharaoh neh a thadueng tah Carhaek tuili la a khoek.

Tingtoeng 18:47

Pathen loh kai hamla tawnlohnah a paek dongah kai dangah ni pilnam a voek.

Tingtoeng 48:11

Namah kah laitloeknah dongah Zion tlang loh a kohoe tih Judah nu rhoek khaw omngaih uh.

Tingtoeng 94:1

Tawnlohnah Pathen BOEIPA aw, tawnlohnah Pathen nang ha sae lah.

Tingtoeng 97:8

BOEIPA nang kah laitloeknah te a yaak vaengah Zion loh a kohoe tih Judah nu rhoek khaw omngaih uh.

1Korin 9:17

He he thahlue la ka saii atah thapang ka dang. Tedae ka ngaihak akhaw hnokhoemnah he kai n'kungsut coeng.

2Korin 8:12

Khalanah loh a tawn uh atah aka om pawt rhi ah pawt tih aka khueh dongah te a uem.

2Korin 9:7

Hlang boeih loh a thinko ah a hmoel bangla pae saeh. Kothaenah neh kueknah lam moenih. Omngaih cangtloeng la aka pae-hlang ni Pathen loh a lungnah.

Olrhaepnah 32:43

A pilnam te namtom rhoek loh tamhoe puei saeh. A sal rhoek kah thii phu te loh vaengah, phulohnah neh a rhal rhoek te a thun vetih, a pilnam khohmuen te a dawth pah ni.

Olrhaepnah 33:21

A tanglue te amah ham a sawt tih, pilnam kah a lu rhoek halo uh vaengah, khamyai aka taem te sul a bung thil. BOEIPA kah duengnah neh Israel taengah, laitloeknah a saii,” a ti.

Philipi 2:13

A kolonah bangla ngaih sak ham neh tueng sak ham khaw nangmih khuiah aka tueng tah Pathen amah ni.

Philemon 1:14

Tedae nang kah mingpueinah pawt atah saii ka ngaih moenih. Te daengah ni nang a then loh kueknah lam pawt tih, namah kongaih ning la a om eh.

Olphong 18:20

Vaan neh hlangcim rhoek neh caeltueih rhoek neh tonghma rhoek aw anih te uum laeh. Nangmih kah laitloeknah te anih soah Pathen loh lai a tloek coeng.

Olphong 19:2

A laitloeknah tah thuem tih dueng. A cukhalhnah neh diklai aka poeih hlanghalh koek te lai a tloek thil. A sal rhoek kah thii te hlanghalh kut lamloh a suk coeng.

Laitloek 5:9

Ka lungbuei loh, Israel aka taem taeng neh pilnam taengah aka puhlu rhoek, BOEIPA tah a yoethen pai saeh.