Johan 5:42 - Matu Bible

⁴² Tedae nangmih loh namamih khuiah Pathen kah lungnah na khueh uh pawt te ka ming.

Matu Chin New Testament 2006

⁴² Tede nangmi he me ang thlaang tite kan ming u tih nangmi lawng thinkaw lungbui oen Pathen na lungna u nawh ti khaw ka ming.

Johan 5:42 Iomraidhean Croise

Luka 16:15

Te dongah amih te, “Nangmih loh hlang hmaiah aka tang la na om uh. Tedae Pathen loh nangmih thinko te a ming. Hlang soah aka sang te Pathen hmaiah tueilaehnah la om.

Johan 2:25

Hlang kawng te pakhat khaw phong ham a ngoe moenih, amah loh hlang khuikah aka om te a ming.

Johan 21:17

A pathum ah Peter te, “Johan capa Simon. kai nan lungnah a?” a ti nah. Anih te, “Kai nan lungnah a?” tila voeithum a dawt dongah Peter tah a kothae tih, “Boeipa, namah loh boeih na ming. Nang kan lungnah te namah loh na ming,” a ti nah. Jesuh loh, “Kai kah tu rhoek te cuncah ne.

Johan 5:41

Hlang lamkah thangpomnah te ka doe moenih.

Johan 5:43

A pa kah ming neh kai ka pawk dae kai nan doe uh moenih. Hlang tloe te amah ming neh amah ngaih la ha pawk koinih anih te na doe uh suidae.

Johan 5:44

Nangmih loh metlam na tangnah uh thai eh. Khat khat lamkah thangpomnah te na doe uh vaengah Pathen bueng lamkah thangpomnah te na toem uh moenih.

Johan 8:42

Jesuh loh amih te, “Pathen te na pa la om koinih kai loh Pathen taeng lamkah ka lo tih ka pawk coeng dongah kai nan lungnah uh ham om. Kai kamah lamloh ah ka pawk pawt tih anih long ni kai n'tueih.

Johan 8:47

Pathen taeng lamkah aka om loh Pathen kah olka te a hnatun. Te dongah na hnatun uh pawt khaw Pathen kah hut la na om uh pawt dongah ni,” a ti nah.

Johan 8:55

Amah te na ming uh pawt cakhaw kai tah amah te ka ming. Amah ka ming pawh te ka thui koinih nangmih phek la laithae la ka om ni. Tedae amah te ka ming tih a ol te ka kuem coeng.

Rom 8:7

Pumsa kah poeknah loh Pathen kah olkhueng taengah boengai pawt tih a coeng thai pawt dongah Pathen taengah thunkha la om.

1Johan 2:15

Diklai te neh diklai dongkah te lungnah boeh boeh. Khat khat loh diklai te a lungnah atah a khuiah pa kah lungnah om pawh.

1Johan 3:17

Khat khat loh diklai kah khosaknah he a khueh coeng. Tedae a manuca kah a ngoe te a hmuh lalah anih lamkah a kotak te bing koinih Pathen kah lungnah loh a khuiah metlam a naeh eh?

1Johan 4:20

Khat khat loh Pathen te ka lungnah tila a thui tih a manuca te a hmuhuet atah laithae la om coeng. A hmuh nawn a manuca te aka lungnah pawt loh hmuh mueh Pathen te lungnah thai pawh.

Olphong 2:23

A ca rhoek te khaw dueknah neh ka ngawn vetih a kuel neh a thin aka khe te kai ni tila hlangboel rhoek loh boeih a ming uh ni. Nangmih khaw namamih kah khoboe tarhing la rhip kan paek ni.