Johan 5:10 - Matu Bible

¹⁰ Te dongah aka hoeih tangtae te Judah rhoek loh, “Sabbath a om vaengah nang tah na phakdoeng te n'koh sak moenih,” a ti na uh.

Matu Chin New Testament 2006

¹⁰ tedawngah aana khuehkung Judah thlaang thli lawng aka hoeih thlaangtlo nala te, “Tihin he Sabbath khawhin la awm tih ihphah na kawh te mami kah Phungawl lawng ngaih nawh.” a tina u.

Johan 5:10 Iomraidhean Croise

Isaiah 58:13

Kai kah khohnin cim ah na kongaih saii hamla namah kho neh Sabbath te na mael tak atah, Sabbath tah BOEIPA kah a thangpom neh aka cim pangdoknah la na thui atah, na longpuei na saii nen khaw, na sanaep na hmuh nen khaw, olka na thui nen khaw, na thangpom atah,

Jeremiah 17:21

BOEIPA loh he ni a thui. Sabbath hnin ah hnorhih na phueih tih Jerusalem vongka ah na khuen pawt ham na sal rhoek te ngaithuen uh.

Jeremiah 17:27

Tedae Sabbath hnin te ciim ham, hnorhih phueih pawt ham, Sabbath hnin ah Jerusalem vongka longah ael pawt ham kai ol he na hnatun uh pawt atah, a vongka te hmai ka hlup thil ni. Te vaengah Jerusalem kah impuei te a hlawp vetih thi voel mahpawh.

Mathai 12:10

Te vaengah kut khaem hlang pakhat khoem om. Te dongah anih a paelnaeh ham te a dawt uh tih, “Sabbath ah hoeih sak ham tueng a?” a ti nah.

Marku 2:24

Te vaengah Pharisee rhoek loh Jesuh taengah, “Sabbath ah saii tueng pawt te balae tih a saii ke,” a ti na uh.

Marku 3:4

Te phoeiah amih te, “Sabbath ah hno then saii ham pawt atah thae ham, hinglu hlawt ham pawt atah ngawn ham a ngaih?” a ti nah. Tedae amih loh a hil a phah uh.

Luka 13:14

Tedae Jesuh loh Sabbath vaengah a hoeih sak te tamtaeng loh a yakdam. Te dongah hlangping te a doo tih, “Hnin rhuk a om khuiah a saii ham te a kuek, te vaengah ha pawk kanoek vetih na hoeih uh mako, Sabbath hnin ah pawt mako,” a ti nah.

Luka 23:56

A bal uh vaengah bo-ul neh botui te a hmoel uh. Tedae Sabbath vaengah tah olpaek vanbangla duem uh.

Luka 6:2

Te dongah Pharisee rhoek khuikah hlangvang loh, “Sabbath vaengah a ngaih pawt te balae tih na saii uh?” a ti nah.

Johan 1:19

Jerusalem kah Judah rhoek loh khosoih rhoek neh Levi rhoek te Johan taengah a tueih uh tih, “Nang ulae?” tila a dawt uh. Te vaengah Johan kah a phong tah he coeng ni.

Johan 5:11

Te long khaw amih te a doo tih, “Kai sading la aka om sak loh kai taengah, “Namah kah phakdoeng te kawt lamtah cet laeh.' a ti,” a ti nah.

Johan 5:15

Tekah hlang te cet tih amah sading la aka om sak te Jesuh ni tila Judah rhoek taengah puen.

Johan 5:16

Hekah he Sabbath ah a saii dongah Judah rhoek loh Jesuh te a hnaemtaek uh.

Johan 7:23

Yahvinrhetnah he hlang loh Sabbath ah a dang daengah Moses kah olkhueng te phae pawt atah Sabbath ah hlang pum pakhat sading la ka khueh dongah nim kai taengah na thintoek nama?

Johan 9:16

Te dongah Pharisee rhoek khuikah hlangvang loh, “Sabbath te a tuem pawt dongah anih te Pathen taeng lamkah hlang moenih,” a ti uh. Tedae a tloe rhoek loh, “Hlang tholh loh hebang miknoek metlam a saii thai eh?” a ti uh tih amamih ah paekboenah la om.