Johan 4:23 - Matu Bible

²³ Tedae a tue ha pai tih om coeng. Bawkkung taktak rhoek long tah pa te Mueihla neh oltak dongah a bawk uh ni. Amah aka bawk rhoek van te ni pa loh a toem.

Matu Chin New Testament 2006

²³ Tede Pa tah ataktangla a awm van angla aka bok thlaang thli lawngkhaw Pathen kah Muithla tharana oen awltak oen ah a bokna atue te avan pha poen tih he ah he awm poen. Te tila aka bok te ni Pathen lawngah a ngaih.

Johan 4:23 Iomraidhean Croise

1Khokhuen 29:17

Kai kah Pathen namah loh thinko na loepdak tih a vanatnah na ngaingaih te ka ming. Kai loh ka thinko dueng neh ni a cungkuem he ka puhlu coeng. Te dongah na pilnam pahoi a hmuh tih namah taengah a puhlu ham kohoenah neh ka hmuh coeng.

Tingtoeng 147:11

Amah aka rhih so neh a sitlohnah dongah aka ngaiuep ni BOEIPA loh a ngaingaih.

Tingtoeng 17:1

Duengnah he han ya lah BOEIPA! ka tamlung he hnatung lamtah ka ka ah hlangthai palat om kolla ka thangthuinah he na hna han kaeng lah.

Tingtoeng 32:2

BOEIPA loh anih taengah thaesainah te poek pah pawt tih a mueihla te vuelvaeknah dongah aka om pawt hlang tah a yoethen.

Tingtoeng 51:6

Kodang khuikah oltak te na ngaih dongah cueihnah na kael neh kai nan tuk nan kil.

Olcueih 15:8

Halang kah hmueih te BOEIPA kah a tueilaehkoi tih, aka thuem kah thangthuinah te a kolonah la a khueh.

Solomon 2:14

Ka vahui aw, thaelpang thaelrhaep ah khaw, longpoeng huephael ah khaw na mueimae te kai n'tueng lah. Na ol te tui tih na mueimae a rhoeprhui dongah na ol te ka yaak lah mako.

Isaiah 10:20

Te khohnin a pha vaengah Israel aka sueng khaw thap voel pawt vetih Jakob imkhui kah aka rhalyong long khaw amah aka ngawn soah hangdang voel mahpawh. Tedae Israel kah BOEIPA cim dongah ni oltak la a hangdang eh.

Isaiah 29:13

Te dongah ka Boeipa loh, “Pilnam long he a ka kak neh ha mop tih a hmui kak neh kai n'thangpom uh. A lungbuei tah kai lamloh a lakhla sak. Hlang kah olpaek a cang neh kai aka rhih bangla om.

Isaiah 43:21

Kamah ham ka hlom pilnam loh kai koehnah mah tae uh saeh.

Isaiah 58:2

A hnin, hnin ah kai n'toem uh tih duengnah aka saii namtom bangla ka longpuei mingnah dongah hmae uh. A Pathen kah laitloeknah te hnoo pawt uh tih laitloeknah te kai n'dawt uh. Duengnah dongah Pathen vang a kai uh.

Jeremiah 3:10

Te boeih nen khaw a tanu hlangrhong Judah loh a lungbuei boeih neh te kai taengla ha mael pawt tih a honghi bueng la om. He tah BOEIPA kah olphong ni.

Jeremiah 4:2

Hingnah BOEIPA taengah oltak neh, tiktamnah neh, duengnah neh toemngam saeh. Amah dongah namtom rhoek a yoethen uh vetih amah ming neh a thangthen uh ni.

Ezekiel 22:30

Vongtung biing tih khohmuen phae pawt ham a yueng la ka mikhmuh kah a puut ah aka pai hlang khaw amih lakli ah ka tlap dae ka hmu pawh.

Johan 1:17

Moses lamloh olkhueng m'paek tih, lungvatnah neh oltak tah Khrih Jesuh lamloh ha thoeng.

Johan 12:23

Te vaengah Jesuh loh amih te a doo tih, “Hlang capa thangpom ham a tue loh ha pai coeng.

Johan 16:2

Nangmih te a hael la n'haek uh ni. A tue ha pawk vaengah hlang boeih loh nangmih n'ngawn te Pathen taengkah thothuengnah a khueh la a ngai uh ni.

Johan 16:32

A tue ha pawk coeng ke, pakhat rhip loh amah amah ah na taekyak uh tih kamah bueng nan hlah uh ham ni ha pawk coeng, Tedae a pa he kai taengah om tih kamah bueng ka om moenih.

Johan 4:21

Jesuh loh anih te, Jesuh loh anih te, “Huta aw, kai he n'tangnah lah. Tekah a tue ha pawk vaengah hekah tlang pawt ah khaw, Jerusalem pawt ah khaw pa te na bawk uh bitni.

Johan 5:25

Nangmih taengah rhep rhep kan thui, a tue ha pawk tih om coeng. Aka duek rhoek khaw Pathen capa kah ol te a hnatun tih aka ya rhoek tah hing uh ni.

Johan 5:28

A tue ha pawk coeng dongah phuel khuikah rhoek boeih loh a ol te a khuiah a yaak uh vetih ha moe uh ni.

Rom 1:9

Pathen tah kai ham laipai la om. Amah te a capa kah olthangthen dongah ka mueihla neh tho ka thueng. Te vanbangla nangmih poekkoepnah te ka thangthuinah dongah phat ka khueh yoeyah.

Rom 8:15

Te dongah rhihnah la koep aka thak sal kah mueihla na dang uh pawt tih cacah kah Mueihla na dang uh. Te nen ni pa te Abba la n'khue uh.

Rom 8:26

Te banghui la mamih kah vawtthoeknah dongah mueihla loh m'bom van. Thangthui ham a kuek te m'ming uh moenih. Tedae Mueihla amah loh thuilek pawt hil hueinah neh rhi a khang.

Galati 4:6

Te dongah ca rhoek la na om uh coeng. Abba a pa tila aka pang a capa kah Mueihla te Pathen loh mamih thinko ah han tueih.

Ephesa 6:18

Thangthuinah cungkuem neh rhenbihnah dongah a tue takuem ah Mueihla neh thangthui uh. He ham he khuituknah cungkuem nen khaw, hlangcim boeih ham rhenbihnah nen khaw hak uh.

Philipi 3:3

Mamih tah yahvinrhetnah neh n'om uh. Pathen kah Mueihla neh tho aka thueng uh tih Khrih Jesuh ah aka pomsang uh neh pumsa ah aka pangtung pawt rhoek ni.

Joshua 24:14

Te dongah BOEIPA te rhih uh lamtah a taengah oltak neh cuemthuek la thothueng uh. Tuiva rhalvangan neh Egypt ah na pa rhoek loh tho a thueng thil pathen rhoek te phil uh lamtah BOEIPA taengah thothueng uh.

1Peter 2:9

Tedae nangmih tah a coelh namtu, mangpa khosoih, namtu cim, dangnah dongkah pilnam ni. Te daengah ni yinnah lamkah nangmih te amah kah aka khuet vangnah khuila aka khue taengah boethen na tueng eh.

1Samuel 12:24

BOEIPA te rhih uh lamtah na thinko boeih neh oltak dongah amah te thothueng thil uh. Nangmih te n'pantai sak te khaw hmu uh.