Johan 10:10 - Matu Bible

¹⁰ Hlanghuen tah huen ham, ngawn ham neh poci sak ham pawt atah ha pawk moenih. Kai tah hingnah a khueh uh phoeiah a puehsoi dang sak ham ka pawk.

Matu Chin New Testament 2006

¹⁰ Thlaanghuuen lawngtah huuen ham, ngawn ham oen ah phe ham bueng ni a law. Kai tah nangmi lawng hingna te na khueh thaina hamla, asoepbir hingna te na khuehna u thai ham ni ka law.

Johan 10:10 Iomraidhean Croise

Isaiah 56:11

Hinglu ui tlung rhoek te a cungnah a ming uh moenih. Amih aka dawn loh a pum la thuicaih ham ming uh pawh. A bawtnah ah hlang loh a longpuei te a mueluemnah la a hooi uh.

Hosea 7:1

Israel te ka hoeih sak vaengah tah Ephraim kah thaesainah neh Samaria kah boethae khaw phoe. A honghi a saii uh dongah hlanghuen loh a muk tih vongvoel ah caem a capit thil.

Mathai 18:10

He camoe rhoek khuikah pakhat khaw na hnaep uh pawt ham ngaithuen uh. Nangmih ham kan thui, vaan ah amih kah puencawn rhoek loh vaan kah a pa maelhmai te a hmuh uh taitu lah ko.

Mathai 18:11

Hlang capa tah aka hma rhoek khang ham ni a ha pawk.

Mathai 20:28

Hlang Capa tah hlang thohtat sak ham pawt tih thohtat pah ham neh a hinglu te ping kah tlansum la paek ham ni halo,” a ti nah.

Mathai 21:13

Te phoeiah amih te, “Ka im tah, 'Thangthuinah im la khue saeh,' tila a daek coeng. Tedae nangmih loh dingca rhoek kah a khuirhung la na khueh uh,” a ti nah.

Mathai 23:13

Anunae nangmih cadaek rhoek neh Pharisee hlangthai palat rhoek, hlang kah hmaiah vaan ram te na khaih uh tih, namamih khaw na kun uh pawh, aka kun rhoek te khaw kun ham na hlah pa uh pawh.

Marku 11:17

Te phoeiah amih te a thuituen tih, “Kai im tah namtom boeih ham thangthuinah im la a khue ni tila a daek moenih a? Tedae nangmih loh dingca rhoek kah khuirhung la na saii uh,” a ti nah.

Luka 19:10

Hlang Capa ha pawk he aka poci te toem ham neh khang ham rhoe pai ni,” a ti.

Johan 10:1

“Nangmih taengah rhep rhep kan thui, thohka lamloh tu vongup khuila kun pawt tih a hloeh la aka yoeng tah hlanghuen neh dingca ni.

Johan 10:11

Kai tah tudawn then la ka om. Tudawn then loh a hinglu te tu rhoek ham a hmoel.

Johan 12:47

Pakhat long khaw ka ol te a yaak lalah kuem pawt cakhaw diklai kai loh anih lai ka tloek thil mahpawh. Diklai he laitloek thil ham pawt tih diklai khang ham ni ka pawk.

Johan 12:6

Tedae anih te khodaeng ham a ngaihuet dongah pawt tih hlanghuen la a om neh, tangkacun ah a sang uh tih aka om te a yueh dongah ni a thui.

Johan 3:17

Pathen loh diklai te laitloek a thil hamla diklai ah capa a tueih moenih. Tedae anih lamloh diklai te khang ham ni a tueih.

Johan 5:40

Te phoeiah hingnah dang ham kai taengla na lo ngaih uh moenih.

Johan 6:33

Pathen kah vaidam tah vaan lamkah aka rhum la om tih diklai ah hingnah a paek,” a ti nah.

Johan 6:51

Kai tah vaan lamkah aka suntla tih aka hing vaidam ni. Khat khat long ni he kah vaidam he a caak atah yoeyah la hing ni. Kai tah diklai hingnah la aka om ka pumsa ni vaidam la kam paek eh,” a ti nah.

Rom 2:21

Hlang tloe aka thuituen tangloeng loh namah na thuituen uh mahnim? Huen pawt ham aka hoe loh na huen nama?

1Timothy 1:15

Ol tah uepom neh hlang boeih kah a doe tueng la om. Te dongah ni Khrih Jesuh tah hlangtholh khang ham diklai la ha pawk. Amih khuiah kai tah tanglue la ka om coeng.

Hebrew 6:17

Te khuiah Pathen loh olkhueh dongkah rhopangkung taengah amah kah mangtaengnah olhlo neh khangmai la rhi a khang te muep tueng a ngaih.

Hebrew 7:25

Te dongah anih lamloh Pathen aka paan rhoek khuek a khang thai bal. A yoeyah la hing ham te amih yueng la huithui coeng.

2Peter 1:11

Te daengah ni mamih Boeipa neh Khangkung Jesuh Khrih kah dungyan ram la kunnah te nangmih ham kodam la han thap eh.