Joel 1:12 - Matu Bible

¹² Misur neh thaibu te rhae coeng. Tale, rhophoe neh thaihthawn khaw huum tih khohmuen thingkung boeih koh. Hlang ca rhoek lamkah omngaihnah khaw tah daeh coeng.

Joel 1:12 Iomraidhean Croise

Tingtoeng 4:7

Cangpai neh misur thai a thawt tue vaengkah lakah ka lungbuei ah kohoenah nan paek.

Tingtoeng 92:12

Aka dueng tah rhophoe bangla cawn vetih Lebanon kah lamphai bangla rhoeng ni.

Solomon 2:3

Duup thing lakli thaihthawn kah bangla tongpa lakli ah tah kamah hlo van pawn ni. A hlipkhup ah ka naep tih ka ngol vaengah a thaih khaw ka dang dongah didip mai.

Solomon 4:13

Khotu tale neh, thaihtae cangtham neh, tlansum rhai-ul neh na pumcumnah.

Isaiah 16:10

Cangthai dong lamkah kohoenah neh omngaihnah khaw khum coeng. Misurdum ah khaw tamhoe voel pawh. Misurtui te yuhui thil voel pawh. Va-am te a mael khaw a mael thil voel pawt dongah tamlung khaw ka bawt sak coeng.

Isaiah 24:11

Misurtui ham te kawtpoeng tom ah henah om, kohoenah loh boeih hmuep tih diklai omthennah khaw khum.

Isaiah 24:7

misur thai khaw nguekcoi tih misur kung huum, lungbuei ko aka hoe khaw boeih huei uh.

Isaiah 9:3

Namtom te amah taengah na ping sak tih kohoenah neh na puel sak. Te dongah cangah vaengkah a kohoenah bangla, kutbuem a tael uh vaengkah a omngaih uh bangla na mikhmuh ah a kohoe uh.

Jeremiah 48:3

Horonaim lamkah rhoelrhanah pangngawlnah ol neh pocinah tanglue aih te.

Jeremiah 48:33

Kohoenah neh omngaihnah he cangphil cangngol lamkah, Moab khohmuen lamkah ni. Tedae khum coeng tih, va-am dongkah misurtui ka kak sak. Tamlung khaw tamlung pawt ah, tamlung neh neet boel saeh.

Joel 1:10

Khohmuen a rhoelrhak tih diklai nguekcoi coeng. Cangpai a rhoelrhak pah tih misur thai khaw kak. Situi khaw ha.

Joel 1:16

Buh he mamih mikhmuh kah moenih a? Mamih Pathen im lamloh kohoenah neh omngaihnah khaw pat coeng.

Jonah 4:7

Tedae a vuen mincang a pha vaengah Pathen loh phol a khueh pah tih tah tuikung te a ngawn pah tih a koh pah.

Haggai 2:19

Cangpup khuiah cangti khaw om dae nim? Misur neh thaibu khaw, tale neh olive thing khaw cuen pawh. Tahae khohnin lamlong tah yoethen kam paek pawn ni,” a ti nah.

Malakhi 3:11

“Nangmih ham tah yoop te ka tluung vetih na khohmuen thaihtae te porhak sak mahpawh. Khohmuen ah na misur khaw hul mahpawh,” tila caempuei BOEIPA loh a thui.

Lampah 13:23

Eshkol soklong la a pawk uh vaengah thingluei te a saih uh tih misur a su pakhat te panit loh cunghloeng dongah a koh. Te vaengah tale thaih neh thaibu thaih te a khuen uh.