2Samuel 7:22 - Matu Bible

²² Te dongah ka Boeipa Yahovah na len pai. Kaimih hna neh boeih ka yaak uh vanbangla namah phoeiah tah namah bangla aka om om pawh, Pathen tloe khaw om pawh.

2Samuel 7:22 Iomraidhean Croise

2Samuel 22:32

BOEIPA phoeikah Pathen te unim? Mamih kah Pathen phoeiah tah unim lungpang bal?

1Manghai 8:23

Te phoeiah, “Israel Pathen BOEIPA aw, namah bang Pathen a so kah vaan ah khaw, a dang kah diklai ah khaw a om moenih. Na mikhmuh ah a lungbuei boeih neh aka pongpa na sal rhoek taengah paipi neh sitlohnah na ngaithuen coeng.

1Khokhuen 16:25

BOEIPA tah len tih muep thangthen pai saeh. Pathen boeih lakah amah a rhih om pai.

2Khokhuen 2:5

Kaimih kah Pathen tah pathen boeih lakah a len dongah ni im te khaw a len la ka sak.

Tingtoeng 135:5

Kai loh YAHWEH neh mamih Boeipa tah Pathen boeih lakah len tila ka ming.

Tingtoeng 145:3

BOEIPA tah len tih muep thangthen pai saeh. A lennah te khenah om pawh.

Tingtoeng 44:1

Pathen aw, hlamat kum kah amamih tue ah na saii khoboe te, a pa rhoek loh kaimih ham a tae uh tih, kaimih hna neh ka yaak uh coeng.

Tingtoeng 48:1

BOEIPA tah len tih a tlang cim kah Pathen khopuei ah a sang la thangthen ham tueng.

Tingtoeng 86:10

Namah te na tanglue coeng dongah khobaerhambae aka saii khaw Pathen namah bueng ni na om.

Tingtoeng 86:8

Pathen rhoek khuiah ka Boeipa namah bang he om pawt tih namah kah bibi bang khaw om pawh.

Tingtoeng 89:6

BOEIPA neh khomong dongah unim aka tluk tih vaan hlang khuiah BOEIPA te u long nim a puet?

Tingtoeng 89:8

Caempuei Pathen, BOEIPA namah bangla unim aka om? BOEIPA tah na tlung tih na kaepvai ah na uepomnah om.

Tingtoeng 96:4

BOEIPA tah len tih thangthen ham khaw bahoeng tueng pai. A tloe pathen rhoek boeih lakah amah ni rhih ham aka om.

Sunglat 10:2

Te daengah ni na ca rhoek neh na ca kah a ca hna dongah Egypt te ka poelyoe tih amih taengah ka miknoek ka khueh te na tae uh vetih kai he YAHWEH la nan ming uh eh,” a ti nah.

Sunglat 15:11

Namah bangla pathen rhoek lakli ah unim aka om? BOEIPA aw, namah bangla hmuencim ah unim a thangpom? Khobaerhambae a saii bangla koehnah khaw rhih om pai.

Sunglat 8:10

“Thangvuen ah,” a ti nah dongah, “Na ol bangla kaimih kah Pathen YAHWEH bang a om pawt khaw na ming van bitni.

Sunglat 8:6

Te dongah Aaron loh a kut te Egypt tui soah a thueng. Te vaengah bukak ha luei tih Egypt khohmuen te a khuk.

Sunglat 9:14

Tahae voei khat la kai kah lucik cungkuem te na lungbuei neh na sal rhoek taengah, na pilnam taengah kan tueih. Te nen ni diklai pum ah kamah bang a om pawt te na ming eh.

Isaiah 40:18

Te dongah Pathen te u taengah nim na lutlat sak vetih amah te mebang nen nim phek na tluk sak uh eh?

Isaiah 40:25

Te dongah kai naka puet tih A Cim neh ka vanat aka ti te unim?

Isaiah 45:18

He khaw vaan aka suen BOEIPA long ni a thui. Pathen amah loh diklai a hlom tih a saii. Diklai he a hinghong pawt ham a soepsoei phoeiah khosa rhoek ham a suen tih a hlinsai pah. BOEIPA kamah phoeiah a tloe a om moenih.

Isaiah 45:22

Diklai khobawt boeih loh kai taengla ha mael uh lamtah khang la om uh lah. Kai Pathen phoeiah Pathen koep a om moenih.

Isaiah 45:5

Kai he Yahovah ni. Kai kah a voelah a tloe a om moenih, pathen tloe khaw a om moenih. Nang te kam poeh mai cakhaw kai nan ming hae moenih.

Ezekiel 36:22

Te dongah ka Boeipa Yahovah a thui he Israel imkhui taengah thui pah. Israel imkhui ka saii te nangmih ham moenih. Tedae pahoi na caeh nah ah ka cimcaihnah ming te namtom taengah na poeih dongah ni.

Ezekiel 36:32

Nangmih ham ka saii hlan. He tah ka Boeipa Yahovah kah olphong ni. Nangmih te m'ming kuekluek saeh. Israel imkhui aw na lungbuei ah yahpok neh hmaithae sak laeh.

Maikah 7:18

Pathen namah bangla thaesainah aka phuei tih a rho a meet ham boekoeknah aka hmil he unim aka om? A thintoek te a yoeyah la pom pawt vetih a sitlohnah ni a omtoem eh.

Olrhaepnah 3:24

'Aw Boeipa, Yahovah nang loh na boeilennah neh na tlungluen kut te na sal taengah tueng sak hamla na tawn coeng. Nang kah bibi neh na thayung thamal bangla vaan neh diklai dongah mebang pathen long nim a saii thai bal.

Olrhaepnah 32:39

Kai kamah tah amah moek la ka om tih, kai phoeiah pathen tloe a om pawt he hmu uh lah. Kai loh ka duek sak tih ka hing sak. Ka phop tih kamah loh ka hoeih sak. Te dongah kai kut dong lamloh aka lat thai u pakhat khaw a om moenih.

Olrhaepnah 4:35

BOEIPA Pathen amah phoeiah a tloe Pathen om pawh tila ming sak ham nang n'tueng coeng.

Olrhaepnah 4:39

Te dongah tihnin ah ming lamtah na thinko khui ah dueh laeh. BOEIPA Pathen amah bang he vaan so ah khaw, diklai hman neh a khui ah khaw a om bal moenih.

1Samuel 2:2

BOEIPA bangla aka cim om pawh. Nang aka puet khaw om pawt tih, lungpang khaw kaimih kah Pathen bangla a om moenih.