2Johan 1:4 - Matu Bible

⁴ Pa taengkah olpaek n'dang uh vanbangla, na ca rhoek lamloh oltak dongah pongpa uh tila ka hmuh vaengah bahoeng ka omngaih.

Matu Chin New Testament 2006

⁴ Pa lawngah mami awl m'peek angla na ca thli khatsut tah awltak dawngah a hing u te ka huh vengah ka awmngaih tangkiik.

2Johan 1:4 Iomraidhean Croise

Hosea 14:9

Unim aka cueih tih he he a yakming lah ve? A yakming daengah ni BOEIPA kah a thuem longpuei te a ming eh. Aka dueng rhoek te a khuiah pongpa uh dae boekoek rhoek tah a khuiah paloe uh.

Malakhi 2:6

Olkhueng oltak he anih ka dongah om tih a hmuilai ah dumlai a thoeng moenih. Rhoepnah nen ni ka taengah tlangtlae la a caeh dongah thaesainah lamloh muep a mael puei.

1Korin 13:6

Boethae te omngaih thil pawh. Oltak dongah ni a omngaih.

Galati 2:14

Tedae olthangthen kah oltak bangla a caeh a thuem pawt te ka hmuh. Te dongah Kephas te hlang boeih hmaiah, “Nang Judah loh namtom bangla na om tih Judah bangla hing pawt atah, balae tih namtom te Judah bangla na tanolh,” ka ti nah.

Ephesa 5:2

Khrih loh mamih n'lungnah dongah mamih yueng la nawnnah neh Pathen taengah hmueih botui kah a bova la amah a tloeng uh bangla lungnah dongah pongpa uh.

Ephesa 5:8

Hnukbuet ah yinnah neh na om uh. Tedae Boeipa dongkah vangnah dongah vangnah kah ca rhoek bangla pongpa laeh.

Philipi 4:10

Te dongah a hnukbuet kah ka poek te nan cuen sak coeng dongah Boeipa ah omngaih tangkik. Amah te na ngaihlih uh ngawn dae na hloo uh.

1Johan 2:6

Amah ah naeh ham a kuek aka ti tah amah a pongpa bangla anih long khaw pongpa van saeh.