1Samuel 2:1 - Matu Bible

¹ Te phoeiah Hannah te thangthui tih, “BOEIPA dongah ka lungbuei loh sundaep, BOEIPA ah ka ki loh pomsang uh coeng. Namah kah khangnah dongah ka kohoe tih, ka thunkha khaw ka ka loh a ang thil coeng.

1Samuel 2:1 Iomraidhean Croise

2Khokhuen 20:27

Te phoeiah Judah neh Jerusalem hlang boeih te mael uh. BOEIPA loh amih te a thunkha rhoek soah ko a hoe sak dongah Jehoshaphat tah amih hmai ah Jerusalem la kohoenah neh mael.

Nehemiah 11:17

Boeilu lamhma Asaph capa Zabdi, Zabdi capa Maikah, Maikah capa Mattaniah loh thangthuinah te a uem. Bakbukiah khaw amah boeinaphung khuiah a pabae la om. Te phoeiah Jeduthun lamloh Jeduthun capa Galal, Galal capa Shammua, Shammua capa Abda.

Joba 16:15

Ka vin soah tlamhni ka hui tih ka ki khaw laipi neh ka poelyoe coeng.

Tingtoeng 118:14

BOEIPA tah ka sarhi neh ka laa la om tih kai ham khangnah la om.

Tingtoeng 13:5

Tedae kai tah na sitlohnah dongah ka pangtung tih namah kah khangnah dongah ka lungbuei omngaih.

Tingtoeng 148:14

Te dongah a pilnam kah ki, a hlangcim boeih neh a hui pilnam Israel ca rhoek kah koehnah te a pomsang coeng. BOEIPA te thangthen uh.

Tingtoeng 18:2

BOEIPA tah ka thaelpang, ka rhalvong neh kai aka hlawt, ka Pathen, ka lungpang la om. Amah dongah ka ying tih ka photling, daemnah molsom, neh ka imsang la om.

Tingtoeng 20:5

Nang kah khangnah dongah ka tamhoe uh vetih, Mamih kah Pathen ming neh hnitai n'tai uh ni. Na huithuinah boeih te BOEIPA loh han soep sak saeh.

Tingtoeng 21:2

Anih ham a lungbuei kah a ngaihlihnah khaw na doo tih, a hmuilai kah a kueknah te na hloh pah pawh. Selah

Tingtoeng 35:9

Te vaengah ka hinglu loh BOEIPA ah omngaih vetih amah kah khangnah dongah ngaingaih ni.

Tingtoeng 51:15

Ka Boeipa aw, ka hmui he han ong lamtah ka ka loh nang koehnah te doek saeh.

Tingtoeng 71:8

Namah kah boeimangnah rhangneh namah koehnah te hnin takuem ka ka ah baetawt.

Tingtoeng 75:10

Te vaengah halang rhoek kah a ki boeih te ka rhet pah vetih, aka dueng rhoek kah a ki te a pomsang uh ni.

Tingtoeng 89:17

Amih kah boeimangnah sarhi la nang na om dongah na kolonah neh ka ki khaw na pomsang rhoela na pomsang coeng.

Tingtoeng 89:18

BOEIPA tah mamih kah photling, Israel kah a cim, mamih kah manghai ni.

Tingtoeng 89:24

Te vaengah anih taengah kai kah uepomnah neh sitlohnah om vetih ka ming neh a ki khaw pomsang uh ni.

Tingtoeng 9:14

Te daengah ni Zion nu kah vongka ah nang koehnah boeih a doek uh vetih, namah kah khangnah dongah ka omngaih eh.

Tingtoeng 92:10

Te dongah ka ki he cung ki bangla na pomsang tih situi thai neh nan yuh.

Sunglat 15:1

Moses neh Israel ca rhoek loh BOEIPA taengah he laa he a sak uh. Te vaengah, “A phul la aka phul marhang neh a soah aka ngol khaw tuipuei khuila a phok coeng dongah BOEIPA te ka hlai eh.

Sunglat 15:21

Te vaengah amih te Miriam loh, “Marhang te phul la phul cakhaw a sokah aka ngol te tuili khuila a phok coeng dongah BOEIPA te hlai uh pai,” tila a doo.

Habakkuk 3:1

Omdamlaa dongah tonghma Habakkuk kah thangthuinah.

Habakkuk 3:18

Tedae kai tah, BOEIPA rhangneh ka sundaep vetih, kamah daemnah Pathen rhangnen ni ka omngaih eh.

Luka 1:69

A taengom David im khuiah mamih ham khangnah ki a thoh sak.

Rom 5:11

Te bueng pawt tih mamih kah Boeipa Jesuh Khrih lamloh Pathen taengah pomsang uh bal sih. Amah lamloh moeithennah he n'dang uh coeng.

Olrhaepnah 33:17

A rhuepomnah vaito cacuek neh a cung ki loh pilnam neh Ephraim a thawng a sang, Manasseh a thawng a sang te, diklai khobawt duela a thoeh rhenten ni,” a ti.

Philipi 3:3

Mamih tah yahvinrhetnah neh n'om uh. Pathen kah Mueihla neh tho aka thueng uh tih Khrih Jesuh ah aka pomsang uh neh pumsa ah aka pangtung pawt rhoek ni.

Philipi 4:4

Boeipa ah omngaih uh taitu lah. Koep ka thui eh omngaih uh lah.

Philipi 4:6

Mawn uh boeh, tedae a cungkuem dongah thangthuinah neh rhenbihnah khaw uemonah neh na bihoepnah te Pathen taengah phoe saeh.

1Peter 1:8

Anih te m'hmuh pawt dae na lungnah uh. Tahae ah khaw m'hmu uh pawt dae amah te na tangnah uh dongah thui thai lek mueh omngaihnah neh na kohoe uh tih na thangpom uh.

Olphong 18:20

Vaan neh hlangcim rhoek neh caeltueih rhoek neh tonghma rhoek aw anih te uum laeh. Nangmih kah laitloeknah te anih soah Pathen loh lai a tloek coeng.

1Samuel 1:6

BOEIPA loh Hannah bung a piim sak tih a caeng dongah Hannah tah konoinah neh, citcai neh hue a sak.

1Samuel 1:7

Kum khat phoeiah kum khat BOEIPA im a paan vaengah khaw hue a sak. Te dongah rhap tih buh ca pawh.