Itkimäkqä 17:15 - Goti Hanjuwä Iqueqä Kukŋui

¹⁵ Itaŋi eŋätqä iqu kukŋuä hui inä tii ändkqe. “Eqä naqä, apäkä huiwä yaŋä hiŋgi ikiqä ii äpmeŋqä iqi pätqätaŋgi äqunäŋä iqua, ii atäuŋui tiiŋiŋqä eä. Qokä-apäkä huiwä huitaŋä-huitaŋä iiŋqä, kukŋuä huitaŋä-huitaŋä mŋqä, qua huitaŋä-huitaŋä iutaŋä iiŋqä, eeqänäŋi aquvä naqänäŋä äqänäpu, äpmeŋuwä iuŋqä eänä.

Itkimäkqä 17:15 Iomraidhean Croise

Itkimäkqä 10:11

Iŋgaŋi qu tii ändkuwi. “Si Goti Hanjuwä Iqueuä kukŋui, nätmatqä qokä-apäkä kuapänäŋä huiwä huitaŋä-huitaŋä iuta, aŋä huitaŋä-huitaŋä iu pmeqä iuta, aŋä-kukŋuä huitaŋä-huitaŋä tqä iuta, itaŋga ämiqä naqä kuapänäŋä iuta timäuniŋqeŋqä awä suiyä.”

Itkimäkqä 11:9

Hiunji hŋquaqu-hŋque, itaŋga huizi iqueä, hiunji quemisqä iuŋi, ämaqä huiwä huitaŋä-huitaŋä nyqä eeqänäŋä iutaŋä, hueqä-himqä eeqänäŋä iutaŋä, aŋä-kukŋuä eeqänäŋä tqä iutaŋä, itaŋga qua eeqänäŋä iutaŋä iqua, qu iquaquiyqä huiwi, ämaqä hŋqua ämepu qua qäyä ptepŋqe, ‘ŋŋqä’ mätquä, hiŋuinä äqumbu pmapnuwi.

Itkimäkqä 17:1

Itaŋi eŋätqä 7, hevqä a äqätäŋuwä iquautaŋä hŋqu, nyi änyimeqe, “Anä äwäta, ga apäkä huiwä yaŋä hiŋgi kiiŋä ikiqä, eqä kuapänäŋä iquauqä haqeqi äpmeŋqä ii, iiyqä ququvqeŋqä kima metŋqeŋqe, ämäktquamqänä” ändkqe.

Itkimäkqä 5:9

Itaŋgaŋi qu apqä änyä-häŋä hŋqu tii ätukuwi. “Si bukä ämetnä, nyuŋuä takä iu ämäŋnäŋqe aŋgi equvätnä ävattŋqe, äŋguänäŋä Iqukiyqä. Qu pizqä ae kpäsqaŋguwäŋga, itaŋga Tqä häŋeqeta qokä-apäkä iu itmetnä, Goti Hanjuwä Ique äwikŋä-qae, Si äŋguä Iqukiyqä. Qokä-apäkä Si mbqä imakŋi, qu hueqä-himqä eeqänäŋä iutatä, aŋä-kukŋuä eeqänäŋä iutatä, huiwä huitaŋä-huitaŋä änyäŋuwä iutatä, itaŋga qua eeqänäŋä iutatä imakŋä iquayi.