Taitasi 3:5 - Godoni vuʼa maiuʼina

⁵ 'Enarena Hu nú ni'ajúha jihuni maijaho núra uneunecha mamaa arira'e vejakame ijihuna'e ni'ajúhuna pana kaivo Huni numisaraa 'ee Huni 'Avena vajijino kú'o nahenu'e somuhume nú ea maiu'ina rejara.

Taitasi 3:5 Iomraidhean Croise

Matiu 3:11

Na ja toa vaji samaume 'urijajihuni maijaho ja joni sisea vwihane temukavume nahama Godi 'wara'ika'i aremama arevaji najaharejo ijihuna'e toa vaji samauta kaivo Ea ka'ene nuni túna'i roujara Godoni 'Avena 'ee haruriji'i samahuna. Na Hu Hu'úmo areria pana 'ee nara Huni mumora hwana jahenahuna areria pana.

Ruku 1:50

Ijihuni maijaho amuja amuja kwinu kwinu irahipo Huni hura vejujaho Hu numirama apena rouna.

Ruku 1:54

Hu huni pwea Isureri ni'ajahuna. 'Ene Hura pu numiramuji vwiha'amarono ni'ajahuna.

Ruku 1:72

Ijihuni maijaho Hu opunúna numirame 'ee Hura nahama 'waramaji vwihanuna.

Ruku 1:78

Ijihuni hahi Godi ka'ene swasi ma'urijara nú numirume vea kahi ichutoi ranave rina roe hananúhuna.

Romani 11:14

Nara Jua venakame pu Jenitaruapo raka ka'ene apejaji ura rena'e ariramaa ijí ape'avarono na 'unama savu.

Romani 11:6

'Ena'omo nú Godira maiji vwihanúajara reje nú Godoni ea rejara'e re'amajaho mamaa venareje rehuna pa'ana'e rehuna. Vejuro'i maiji vwihanúujaho maa pa'ana'e rehuna.

Romani 12:2

Ja ike mwe'a kehuni 'unamijaho pa'ararihaha kaivo ta'arohe joni vwiha veje maiu'ina re'avara. 'Ejakame ja Godoni ura ka'ene mamaa 'ee ariramaa 'ee hu teamahuni ja'ina'e najaha.

Romani 3:20

'Enajihuna'e Godoni tamana kajara 'waramaji hina vejujihuna'e niho'o ei pini Godoni una'i ariramaa rehuna pana. Godoni tamana kajihuni maijaho sisei jihuni maiji najuhana.

Romani 3:28

'Enajihuna'e emaijaho hura nimaa ronujara reju'e ea arira'e renuna tamana ka'ene vejujara reje arira rehuna pana.

Romani 4:5

'Enakaivo ea irara unenu'u pina parenuna vo Godi ka'ene ea siseijija ariramaa 'iamaji nimaa ronujaho Godi huni nimaa roijaho niho'o ariramaa 'iamana.

Romani 9:11

Ijí hwaharisina kajija mai'o panahena'e 'ee sisea maa mai'o paveji'ina. 'Enakaivo Godiho Huni urijino ea irá Hu ura renujihi iji pijihuna kaivo ea kajipo siseaho mamaa'e vejakame iji pijihuna niho'o pana.

Romani 9:16

Godira ea 'aho'a'e numiramu jihuni maijaho ea 'ahopo harura vene 'ee ura renakame numirahuna pana kaivo Godira Huni ura ijino pu numirame vajihuna.

Romani 9:30

'Ena'omo nú ike uneunecha mapoka ka'ene núra hejajija nú ichá'ina 'wa'eja? Jenitaru ka'ene maraku'a arimaa pasavi'inijija pu nimaa rojajihuna'e arimaa rejara.

1 Koritia 6:11

Ja ea 'aho'a ikija nimarako 'unama ija'iniji ojara. 'Enakaivo ja somahe 'ee venaume ea akuavi'ina'e rejara. 'Ene Jesu Keriso oni ihijihuni vaja 'ee núni Godijihuni 'Aveni jihuni vaji ja venaume ea arira'e rejara.

Karesia 2:16

'Enavo hena ka'amana! Emaa varapa tamaniji venareje ariramaa'e rehuna pana kaivo Jesu Keriso nimaa ro'avajina. 'Ene nú 'u'o Jesu Keriso nimaa rojara. 'Ejume Keriso nimaa rojajara venume ariramaa'e rejara. 'Ene varapa tamana'e venareje ariramaa'e rehuna pana. 'Ena'omo varapa tamana'e ve'avajara ea pina veje ariramaa rehuna mai'o pana.

Epasasi 2:4

'Enakaivo Godiho niho'o ni'ima'ura numiruvi'ina 'ee Hu ni'ima'ura oja mihi'ina. Ijihuna'e Hu nú oja múhana.

Epasasi 4:23

'Enakaivo jara vwihajuri 'unamijija veje maiu'ina'e rehuna.

Epasasi 5:26

'Ene sosia veje akuavi'ina'e rene 'ee chiha pa'ana re'amarono toa 'ee Huni irijino somahana.

Korasia 3:10

'Enakaivo ja iviamaa kara maiu'ini savara. 'Ena'omo ike kara maiu'inakaho Venina ka'ene ijí venajara Hua'ina re'avarono majaa veju'e maiu'ina rejara'omo roe maho'o Hua'ina'e rehuna.

2 Timoti 1:9

Núra kaukara mamaa'e vejakame Hu nú ni'ajúhuna pana kaivo ijaho Hura mahuni ura ijino maiji vwihanúarena mai'o mwe'a paveji'ini Jesu Keriso oni vaji nú ni'ajúhana 'ee hia arira akuavi'i hihuna'e iji pijúhana.

Taitasi 3:4

'Enakaivo Godi ka'ene núni Ni'ajúhi'inijara Hu mamaa vene 'ee ea oja 'ekaujaho najuhana.

Hipuru 10:22

roe nú maarira'e Godoni una'i va'a. 'Ene oja nimaa nimaijino same 'ee Hu nimaa vetia parava. Ijihuni maijaho núni vwiha siseijija Keriso oni 'aijara venume núni siseijija pa'arenuana. 'Ene núni hahijaho toa chiha pa'ajino somuhana.

Hipuru 4:16

'Enakúne núni Godi mavwihanúa aremu jihuni toronu rori paju'ika'i Huni una'i va'ajiva. 'E'avajihuna'e Huni numisaraa 'ee mavwihanii'inijaho nú pivusa'avajaho Hu ni'ajúha vajúhuna.

Hipuru 6:6

'Enakaivo pu Godi ranama va'ajihuna'e pu puni sisea vwihana temukave are'ika'i kú'o 'unama rohuna areri pana. Ijihuni maijaho pu kú'o Godoni Harihiji korosi 'ahi 'anae ranavu'e Hu jumuja'ina vena avaju.

1 Pita 1:3

Veje núni Natohwa Jesu Keriso oni Godia 'ee Omiji ta'aroha. Hura ni'ima'ura numirumana vajijino venume Jesu Kerisora kwama 'urinaji nimaa rojajihuna'e nú kú'o nahenume majama hihunijaho apejara.

1 Pita 2:10

Maraku'ijaho ja ea pana kaivo iviamaa ja Godoni ea. Ja maraku'ijaho numiravujaho paapejara kaivo iviamaa numiravujaho apejara.

1 Pita 3:21

Ikara najuhajaho Jesu Kerisora kwama 'urinaji matesarame toi sama najuhu kaivo toi samahujara ni'ajúhe veje núni haha chiha pa'arehuna areri pana. Ijaho vwiha samaa re'amarono Godi jarima 'waravu.