Taitasi 1:2 - Godoni vuʼa maiuʼina

² Ijí majama hihuna apehuna ka'ene Godi ira'ata pa'ajara nitama nahama 'warumaji 'ajaha hiju.

Taitasi 1:2 Iomraidhean Croise

Matiu 25:34

'E'eje Kinijara ijí ea ka'ene Huni mana'inija'i hi'avajijahija ijá 'warahuna Roajiha Núni Omijara ja merajiharena nitama ike mwe'akaho mai'o pareji'ini joni kwaa ka'ene amairihaji apeha.

Matiu 25:46

'Ejakame pu va'ajime va'a vena ka'ene majama reji'i namujino vahuna. 'Enakaivo vu ea ka'ene ariramaa ijijahija va'e majama hihuna 'iamana.

Maka 10:17

Jesu va'i 'ahauma va'eme ea pina ninuma roajino Huni una'i nitupari sa'i kaivo apoma ijá 'wama Najuhi'ina Mamaa'e na ichá'ina'e vene majama hihunijaho ape'ejo? 'wamana.

Maka 10:30

hu túna'i areri mwe'a mapoka mapoka ara mapoka mapoka oma mapoka mapoka oha mapoka mapoka poka mapoka mapoka 'u'ua mapoka mapoka ma'ina mapoka mapoka sesamaa mapoka mapoka rehuna. Ea hu sise'i 'aha'eja kaivo hu Godoni ari va'e majama hihuna.

Joni 10:28

Na pu majama hihuna vajihu jihuna'ee pu papa'arehuna. 'Ee pu Nuni ija tahi hijujihuna'e ea 'ahopo 'etujihuna areria pana.

Joni 17:2

A Hu harura ea mapoka asitahuna mahana. 'Enajihuna'e A ea ka'ene Hu vajahajija Hu pu majama hihuna mihuna.

Joni 17:24

Amo A pu Na vajihajaho Nara hi'ujino pu 'u'o hihuna ura reniu. 'Ejakame pu Nuni pinana ka'ene Ara mihajaho ka'avara. Nitama mwe'akaho mai'o pavejajiri A oja mihana.

Joni 5:39

Ja Godoni Ira tahe saravu jihuni maijaho ja vwihajujaho ijihuni vaji majama hihunijaho ape'eja roju. 'Enakaivo ijí ira kajaho Naa'e rone 'waramuna.

Joni 6:54

Ea irara Nuni haha ine 'ee 'aa i'amajaho hu majama hihuna. 'E'ira'omo vea túchamaijino Nara veje hu ni'aha kwinu 'urihuna.

Joni 6:68

'Ejume Saimani Pitara Hu eha vene ijá 'wama Natohwe nú irahuni va'eja? Oni vaji majama hihuni vu'ijaho namu.

Akisi 15:18

Nitama Natohwijara ike vu'akaho 'waramana'omo Hu iviamai ija'ina kú'o 'waramu 'iamana.

Romani 1:2

Ijaho Hu nimarako Huni ira ka'ene akuavi'ina vajijino Huni poropetia nahame 'waramana.

Romani 16:25

Hu areri vena'e ja kirasahe namihuna 'ee nuni vu'a 'ee Jesu Keriso rone najahujara ni'ajihuna 'ee hema ka'ene mwe'akara aneja venaji rene nesi nama roajaho iviamaa samaahiramu.

Romani 2:7

'Enakaivo ea ka'ene na'ia mapoka'e masuani hine mamaa vene 'ee pinana maiji sarame 'ee hura vene 'ee uneunecha ka'ene majama nahuniji saravujija Hu majama hihunijaho pu mihuna.

Romani 5:2

Nú Huni vaji nimaa rojajihuna'e maiji vwihanúajaho apene ijihuni toi namiju'e aneja vene najuhe 'ee túna'i Godoni mamaa'e ka'ene 'ekahuniji teamanu'eju'e 'ajaha hiju.

Romani 5:21

Ni areri sisei jihuni 'unamijara natohwa rejume kwamasaha ja'ina'e vu ma ijí vwihaniujaho arimaa ijihuni vaji natohwa'e rene núni Natohwa Jesu Keriso oni vaji majama hihuna.

Romani 5:4

Matauvujara venue nú ea kisina rejura 'ee ea kisina rejujara veju'e nú túna'i raka ka'ene rehunijaho masuani 'ajahe hijura.

Romani 6:23

Sisei jihuni 'ehijaho kwamasahuna kaivo Godira swara ka'ene mamúhajaho Jesu Keriso ka'ene Natohwi jihuni vaji majama hihuna.

Korasia 1:27

Ijihuni maijaho Godoni ura ijaho uneunecha mamaa ka'ene ike hema vaji navujija veje Jenitaru hena kahuna. Ijí hema kajaho Keriso ka'ene joni vaji hinujina. 'Ene nimaa roji'inijija. Huni mamaijaho túna'i 'ekahuna.

1 Tesaronia 2:15

Pu Natohwa Jesu 'anae 'ee poropetia 'ania ja'ina'e nú 'u'o 'ararihúume usevara. 'Enajihuna'e pu Godira ura renuja'ina pavene 'ee emaapuni nana'eji'ina'e rejara.

1 Tesaronia 5:8

'Enakaivo nú ea ka'ene veirihuni jihuna'e roe masuani núni túratakaho nimairoa 'ee oja 'ekaravujino same 'ee isúa nimairoa ka'ene ni'ajúhajino sava.

1 Timoti 6:12

Nimairoa vajijino 'arasaraa ka'ene nimaiji 'ara'amana. 'Ene majama hihuna ka'ene a ijihuni vaji 'umenaara 'ee ara ei riri epuni una'i ira mamaa ka'ene 'waramajaho ija kisi 'una'amana.

1 Timoti 6:19

Ja ija'ina'e ve'avajino pu uneunecha mamaa túnahuna opo amairiarame avahuna. 'Ene ijaho hia mamaa ka'ene pura apehunijina.

2 Timoti 1:1

Na Poru Godoni ura ijino Jesu Keriso oni apasorua. 'Ene Jesu Keriso oni vaji majama hihuna'e nahama 'warumaji najahi'ina.

2 Timoti 1:9

Núra kaukara mamaa'e vejakame Hu nú ni'ajúhuna pana kaivo ijaho Hura mahuni ura ijino maiji vwihanúarena mai'o mwe'a paveji'ini Jesu Keriso oni vaji nú ni'ajúhana 'ee hia arira akuavi'i hihuna'e iji pijúhana.

2 Timoti 2:10

Ijihuni hahi uneunecha mapoka ani ani'ina nuni una'i rejujija na ijihipuni vaja kajino kirane va'ura. Ijihuni maijaho ea ka'ene iji pijihajihi punijihuna'e avajura. 'Ejakame pu 'u'o roe Jesu Keriso oni vaji ni'ajihi'inijaho apene 'ee pinana ka'ene majama nahuniji 'u'o ape'avarono avajura.

2 Timoti 2:13

Vea ka'ene nú panimaa rojujaho Hu majama maiji ihajinanamuna. Ijihuni maijaho Huni kara ijí ori'ini hekajahuna areri pana.

2 Timoti 2:15

Oni kaukara hami hami vejakame Godiho onijihuna'e teamama para'amana. Oni kaukara hami ve'irakúne niho'o pajuna'amana. 'E'eje Godoni Ira ariramaa nimaiji amairia nirisame naja'amana.

Taitasi 2:13

'Ena'omo nú vea ka'ene Hura rohuni vea mamaa kaji 'ajaha hine 'ee núni Godia ka'ene ni'ima'urijaho 'ee núni Ni'ajúhi'ina Jesu Kerisora eajarame roa arihuniji 'ajaha hiju.

Taitasi 2:7

A 'u'o uneunecha mapoka ka'ene a ve'amajaho unama mamaaru vejakame pu 'u'o mamaaru ve'avara. A ea naja'amajaho ariraru najahe pu ara raka ka'ene najahu jihuni hura ve'avara.

Taitasi 3:7

Huni maiji vwihanúani vajijino Hu venume nú ariramaa rejajihuna'e nú nimaa rojujaho majama hihunijaho núni aachia'e renana.

1 Joni 2:25

Ikaho Hura iraka ka'ene mú'irono nahama 'warumajina majama hihuna.

1 Joni 5:20

Nú niheju. Godoni Harihijaho niroana. Hu nimaiji hena kahuni henaka ijaho múhana. 'Eju'e nú Huni hariha Jesu Keriso ka'ene nimai jihuni vaji hiju. Ijaho Godi nimaa ka'ene majama hihunijina.

Juta 1:21

'Ene Godira oja múhana vajijino hiji'i núni Natohwa Jesu Kerisora numiruma va'e majama hihuniji 'e'uhuniji 'ajaha hi'avara.

Revaresiani 13:8

'Ejakame ea mapoka ka'ene mwe'a kaki hijujija 'ee mwe'akaho mai'o pareji'inijino ea irahuni iha majama hihuni puka vaji panavajipo hanuhiji oja mahuna. Ijí majama hihuni puka ijaho Remu ka'ene kwamaji Huna.

Revaresiani 17:8

Hanuha ka'ene kamajaho hu marako hinana kaivo iviamaa pahihuna'omo túna'i ma'oa ka'ene tiha pa'aji ro ajimareje va'e eha sisea apehuna. 'Eje mwe'a kehuni ehija ka'ene mwe'akaho mai'o paveji'ini puni iha majama hihuni puka vaja paveji'inijija hanuha kajara kwama 'urinaji kamareje niho'o oja hwa'usahuna.