Taitasi 1:11 - Godoni vuʼa maiuʼina

¹¹ 'Ena'omo ea ija'ina veji'inijija veje areva. Ijihuni maijaho uneunecha ka'ene panajahuna sa'inijaho hine kachi'ina maho'o ruarahe najahu jihuni maijaho pu monia 'eki 'ahiu'e 'unama sisea hine avaju.

Taitasi 1:11 Iomraidhean Croise

Matiu 23:13

'Enakaivo Sikuraipi 'ee Parasia ka'ene ira'asinakije joni eha sisea namu. Ijihuni maijaho eaka mapokijipo 'unama ka'ene Godoni ari vahuniji jara hina tanu'urihu. Jara Godoni ara kajaho pava'i 'ahiu'e ea 'ahopo pava'avarore'e ja ijihuna'e tanu'urihura.

Ruku 20:40

'Enareja pu unenu'u 'aho'a kú'o apohuna harura pa'arenaume paapovara.

Joni 10:12

Ea hu eha apehunijiru vwihaji'i kaukara venujaho hu sipia pa'ajohi'ina'e 'ee hu sipia anesura pana. 'Ena'omo 'ua neapo roajivu'e kimujaho hu aseha va'ika'i sipia irechamiu'e 'ua kajipo sipia kajija mwatumiu'e juhaha ani ani va'ajivura.

Romani 3:19

'Ena'omo nú niheju Godira Huni tamana iraka ka'ene 'waramajaho Jua ka'ene varapa hari hijujihi 'waramana. Ijihuna'e ea maho'o ira pa'a rene 'ee kwaa ara maho'o Godoni 'otua asúkijaho paasihuna.

2 Koritia 11:10

'Ene areri ike Keriso oni nimaa ka'ene núni vaji hinujihuna'e nara ike temarane vejujaho Akea vaja ea pina patanuhuna.

1 Timoti 5:13

'Ene ijiru pana kaivo pu ucha'asahe hine sea sea kino va'e vea nisame ea 'ahopuni vu'a sisea kosarame 'ee ea 'ahopuni kaukara vaji arume raka ka'ene pu pa'warahuna sa'inijaho 'waravi'i hiju.

1 Timoti 5:4

'Enakaivo ijí paranaha amuna kajaho sesahwaha 'ee sahwaha hi'avajaho maki'eje Godi ura renuji najahareje pu kachi'ina opuipo 'ajoha'avara. Ijihuna'e areri emahwapo pu 'ajoaha ja'ina'e eha veja. Ijihuni maijaho 'unama ija'inijara Godiho ura renuna.

1 Timoti 6:5

'Ene hura hara ea ka'ene vwiha sisesa ijihi pu'úmo vu'a nimaijaho are'i kaivo vwihajujaho Godi ura renujihi ve'avajaho unenu 'aho'a 'ekahuna'e vwihajura.

2 Timoti 2:18

Ea ikija 'unama nimaijaho are'i kaivo 'unama ani va'i'i ijá 'wavu Kwamasahe 'urihunijaho nirejume paranana 'wavu. 'Ene ea 'ahopuni nimairoa ruarahe veju'e puruva retiu.

2 Timoti 3:6

Ijihuni maijaho ijí puni vaja kajino ea 'aho'a ani ani'ina itunavi'inijipo venau'e va'e ea 'ahopuni sei va'ajime napara harura pa'ana ka'ene puni siseapo hivahivu'e hiju jihipuni va'ura.

Taitasi 1:7

Ea ka'ene 'ajoha'inijaho Godoni kaukara hami 'ajohare'e niho'o arira'e 'uraha onuna. 'Ene hu jarika parene 'ee maraku'a pa'ajime 'ee toa sisea huni harura hara pahine 'ee ea majikari pa'anie 'ee monia 'unama sisei jihunijaho pa'ekahuna.

Taitasi 1:9

Pu vu'a ka'ene arimaaka pu najahujaho ija kisi apene puni una'i saname vejura. Ijá ve'ava jihuna'e vu'a kajara pu ea mapoka areri arira najahe ijara veje ea 'aho'a ka'ene hua'e ninavujija ni'ajihe najahe pu nimaa rohuna.

Taitasi 3:10

Ei pini ja pu'úmo ahuma hi'i kaivo hu veje ea 'aho'a ani ani vwihaja ka'avajaho 'aha no'o ruvi'i kave pa'areva ka'avajaho rotura'avara.