Taitasi 1:10 - Godoni vuʼa maiuʼina

¹⁰ Pu ea mapoka vu'a kajaho pahene veju kaivo pu ira karokaha 'wame ira'ata kajino ea pisivisavura. 'Ene ea ka'ene sisa 'uhui'inijipo ija'ina vejura.

Taitasi 1:10 Iomraidhean Croise

Matiu 23:14

Sikuraipi 'ee Parasia ka'ene ira'asinakije joni eha sisea namu. Ijihuni maijaho ja amuna pisivisavi'i puni aachia nesi 'eke 'ee ea pisivisame siporua jojora 'ojura. Ijihuna'e ja niho'o ni'ima'ura'e namahuna.

Akisi 11:2

'E'eme Pitaho 'uname Jerusaremi va'ume Jua mapoka sisa 'uhuahi'inijipo hu namaha 'urarahara.

Akisi 15:1

'E'eme ea 'aho'a Jutia rene aneja vene vwehwaha kajihi najahe ijá 'iava Ja Mosisi oni tamani ja'ina'e sisa 'uhu'avajina vo ja pamaranihuna 'iavara.

Akisi 15:24

Nú nihi'eju'e núni vajakino ea 'ahopu nú pa'wara'eju'e vu'ajime ira ani 'waravu'e ja iviamaa joni vwiha puruva retiu.

Akisi 20:29

Na niheju. Na va'eje nuni túna'i 'uaneapo joni vaja iki roareje ja rurahareje niho'o pina paranahuna.

Karesia 2:4

Ijihuni maijaho vwehu nuna 'aho'a ira 'atijino júhi roe kúme núra Jesu Keriso oni vaji ahija varapa pa'a ijí matauma hinojujihi kúmareje aheruma va'e sisea huni harura hari hi'avarono avajara.

Karesia 3:1

Karesia ora ka'ene vwiha pa'akije ea irara ja pisimiane? Jesu Keriso korosia 'ahi 'anaajaho na eriri joni una'a panajahume samaa'e parenane?

Epasasi 4:14

'Ene ijara reje nú sesamaa puna'a parehuna areri vúrui amena 'anúa ato'urumue haeme ojuja'ina'e pavehuna. 'Ene emaapuni nimairoa ira'atijija panimaa vetihuna 'ee 'unama ira'atijino pisivisave niho'o nimaa puna'i rehuna.

1 Timoti 1:4

'Enakúne 'waravakame mamiha sisea 'ee amuja nirisaravujaho areva. Ijihuni maijaho ijipo veju'e nakaravi'i hijura. 'Ene ijipo venau'e Godoni kaukara ka'ene nimaaroijaho pani'ajahu'e emarenuna.

1 Timoti 1:6

Pu ea 'aho'a 'unama ikehunakija are'ika'i vu'a ka'ene maa pa'ajihija'e 'wamojura.

1 Timoti 1:9

Nú ja pu'úmo nihena kavu. Tamanijaho nimaa'e ea ka'ene ariri jihipuna'e vehuna pana. 'Enakaivo ea ka'ene varapa tuvi'ina ka'ene vuataa paheji'ina 'ee Godi paheji'ina 'ee sisea veji'ina 'ee paakuavi'i majikari hiji'ina 'ee 'unama aririjihi 'ijahi'ina 'ee opwaha 'ee ohwaha 'aniu'e tirahi'ina 'ee ea 'aniu'e tirahura.

2 Timoti 3:13

'Enakaivo ea sisesa 'ee ea pisivi'ina kajija hine ea pisiviujaho roe siseranuna'omo niho'o siserana parahuna. 'Ene pisivisavujara pu 'u'o pisimisama parahuna.

2 Timoti 4:4

'Ene pu nimaijaho ataa paapúsahuna kaivo ta'arohe mamiha sisei jihipuni ataa apúsahuna.

Taitasi 1:6

A ea iji piji'amajaho ea ka'ene sisea veji'inijija papiji'amana. 'Enakaivo ea ka'ene napara kwinu kwino savi'inijino piji'amana. 'E'irakúne puni harihija Natohwijaho nimaa rone sisea ani ani pavene 'ee emahwapuni ira papataarorahuna.

Jemisi 1:26

'Ene ei pini vwihaje hu mamaa veji'ina ro'ika'i huni mitara hami pa'ajohujaho hu ori pisivaramuna. 'Eju'e hura mamaa ka'ene venujaho ira'ata'e renuna.

1 Joni 2:18

Sesahu nune ja niheja ja'ina'e vea túchamaa ijina'omo Keriso oni nana'eji'ina rou. 'Ene iviamaa 'u'o Keriso oni nana'eji'ina mapoka urimaravara. 'Eju'e nú ijí hena kavujaho ijaho vea túchamaijina.

1 Joni 2:4

Ea pini Na Hu nihejura 'i'i kaivo Huni tamana pavenujaho hu ira'ata apenu. 'Eju'ukamare'e nimaijaho huni oja vaja panamu.

1 Joni 4:1

Ehu nuna ka'ene na ja oja mihi'inakije ja 'avena mapokakija panimaa veti'avara. 'Enakaivo 'avena kajija vene kive Godoni rena rou ho pa'ajaho ki'avara. Ijihuni maijaho poropetia ira'asina mapoka mwe'akino ojura.

Revaresiani 2:14

'Enakaivo Na uneunecha kwinu kwino jara vejujaho Na pateamanimu. Ja ea 'aho'a Perami oni vu'a sisea nimaa vejara. 'Ee ja ea 'aho'a Peraki oni vu'a sisea 'ararihau'e Isureri oni harihija ijí amaaresume arihu. Ijara reju'e pu godi ira'ati jihuni 'iruma swasa vena ine 'ee 'uasa vejura.

Revaresiani 2:6

Joni mamaijaho ikena. Jara ea ka'ene Nikoretani 'wavu jihipuni 'unama sisea senamu ja'ina'e Na 'u'o puni 'unama sisea kivujaho senimu.