Ruku 5:24 - Godoni vuʼa maiuʼina

²⁴ 'Enakaivo jara Ema Puni Harihijihuni harura ka'ene iki mwe'i ea vwihanie arevuji hena ka'avarono Hu haha ajuaraji'inijaho ijá 'wama Na a 'waravukúne 'urine oni suha apene ari va'a 'wamana.

Ruku 5:24 Iomraidhean Croise

Matiu 16:13

'Enareja Jesuho 'urina Sesaria Piripai roarena Hu ijino Huni tisaiporu aporavi'i ijá 'iama Ea mapokakija Ema Puni Harihijaho irane 'wavure? 'iavume pu ijá 'wava

Matiu 25:31

'Enakaivo vea ka'ene Emaa Puni Harihijara Huni haruriji'i 'ee ona oji'ina ariramaa maho'o ijihi pu'úmo ro'amajaho Hu roe Huni ruha hanaji'ina 'ahi asuma hihuna.

Matiu 26:64

'Ejumakame Jesu ijá 'wama A ni'warimu kajina. Ema Puni Harihijaho ka'eje ija mana'ini harurija'i asuma hine 'ee 'imitia vaji akúpa 'ahi rena rohuna 'wamana.

Matiu 28:18

'Ejumakame Jesura puni roarena Hu pu ijá 'iama Harura ka'ene mwe'akaki namuna 'ee kahi akúpi 'ahi namuna ijaho ni'aha kwinu Na mihana.

Matiu 4:24

'Ejumakame Huni pinani 'urina va'e Siria vaji va'uma henarene eaka mapokijipo hahapo hianame 'ee hahapo siseranie 'ee ea ka'ene 'avena sisei ajima'e 'ee ea ka'ene mwe'i 'arihe simavi'i name 'ee ea ka'ene irima'ina 'eka Huni roume Hura vejume maranie 'ee sonahiara.

Matiu 9:6

'Enakaivo jara ijí hena ka'avarono ijihuna'e Ema Puni Harihijara iki mwe'i roe sisea vwihana arehuni haruriji'i roana 'i'i kaivo ea ka'ene 'ata ajuaraji'ina kajaho ijá 'wama 'Úrine oni suha apene ari va'a 'wamana.

Ruku 5:13

Jesura ija jorane 'unavi'i ijá 'wama Na ura reniukúne marana'ama 'wavume ni'aha kwino ea kajihuni reporosia pa'arenana.

Ruku 5:18

'E'eme ea 'ahopo ea pina haha ajuaravi'ina apene kime Jesuni una'i rana'i 'ahiume apene sei roajivara.

Ruku 5:23

Na ichá'ina'e 'wara'ejo? Na huni sisea vwihana are'eju ho Na 'wave 'urina va'ena? 'iamana.

Ruku 7:14

'Enarame hu va'e ea ka'ene suhi mwavi'inijaho iji 'unavume ea ka'ene kima va'ajaho arema namijara. 'Ejume Hu ijá 'wama Kivasakera Na 'waravukúne 'urina! 'wamana.

Ruku 8:54

'Enakaivo Jesura Huni ija kajino 'unama apene 'uriji'i ijá 'umena Napaisekera 'urina 'umenana.

Joni 11:43

Hu ijá 'warama are'i kaivo ira ajira ijá 'umena Rasarasi 'e'una roa! 'umenana.

Joni 17:2

A Hu harura ea mapoka asitahuna mahana. 'Enajihuna'e A ea ka'ene Hu vajahajija Hu pu majama hihuna mihuna.

Joni 3:13

Ike heha! Ea pina akúpa 'aha niho'o pava'ana kaivo Emaa Puni Harihijara Huhusu ijí akúpa 'ahi rena roana.

Joni 5:27

'Ene Hu Emaa Puni Harihijihuna'e Hu harura ka'ene ea 'otua vetihunijaho mahana.

Akisi 14:10

'Enarena hu ajira ijá 'wama 'Uri arini namina 'wavume hu ohurikune 'uri arini namina 'uraha onana.

Akisi 5:31

'Enarena Hu Godira 'unama apene Huni ija mana'inija'i ranavu'e Natohwa rene ni'ajihi'ina'e renana'omo Isureri ora puni sisea ta'arohe aremamaa are'avajaho Hu vwihania arehuna.

Akisi 9:34

'Enarena Pitara hua ijá 'wama Eniasi! Jesu Kerisora veju'e sonahaukúne 'urina oni suha mwama 'wavume hu ni'aha kwino 'urinana.

Akisi 9:40

'Ejume Pitara 'waravume ma'ahi va'umakivi'i hu atoki same siporua 'onana. 'Enarena hu iji'a ta'arohe napara kajihuni hahi namaja'i kavi'i ijá 'wama Tapita 'urina 'wavume hu nia jarae Pita kamajaho hu ni'aha kwino 'urine arini hinana.

Revaresiani 1:13

Ijí naheha iropu no'o navari vaja kajino Ema Puni Harihiji vare'ina ijí naminana. Hu ateha jopatu'uma'ura apúsame 'ee korutia turea ka'ene vejajaho túrata 'aha iramana.