Ruku 4:6 - Godoni vuʼa maiuʼina

⁶ 'Ene Setanira Hu ijá 'wama Na harura 'ee kwaa ara mapokakaho vajahuna. Ikaho naa'e mihara'omo nara ea ka'ene na ura reni'amaji mahuna.

Ruku 4:6 Iomraidhean Croise

Ruku 4:7

A na oja mi'amajaho ike mapokakaho Ona'e rehuna 'wamana.

Joni 12:31

Iviamaakaho vea ka'ene mwe'a kehuni 'otua vehuni vei nirenu. Iviamai mwe'a kehuni natohwijaho pi'onahuna vei renu.

Joni 14:30

Na 'aha josu'a ja pu'úmo vu'a pa'wahuna. Ijihuni maijaho mwe'a kehuni natohwa rou. 'Enakaivo huni harura pina Nuni vaja pa'ana.

Joni 8:44

Ja oma jona ka'ene Setani oni harihija. Ijihuni hahi ja ura oma jona kajara venuja'ina ve'iro 'ahiu. Nitama anejijino rene hu ea 'aniuna. 'Enakaivo hu 'unama nimaa nimaijaho niho'o pahihuna. Ijihuni maijaho nimaa nimaijaho huni oja vaja panamuna. 'Eju'ukame huni vaja ira'ati rarena jihuna'e hu ira'ataru 'waramuna. Ijihuni maijaho hu ira'asine 'ee ira'asine puni oma.

2 Koritia 11:14

'Ene Setani 'u'o ta'arohe areri hanaji'ini jihuni 'ona oji'ina sa'ina'e rehuna.

Epasasi 2:2

Ja nimako ijaho ike mwe'a kehuni 'unamijino 'urahe ojara. 'Ene 'avena sisea ka'ene ichutoa 'ajohu jihuni harura hari ojara 'ee hu ea ka'ene vu'ataa paheji'ini jihipuni vaji iviamaa kaukara venujina.

1 Pita 1:24

Ijihuna'e ea maho'o sinara sa'ina 'ee puni pinanijaho sinara puni sonapo jaraa navuja'ina. 'Ena'omo sinarapo sarasa'eju'e sonijija uha arihu ja'ina.

1 Joni 5:19

Nú niheju. Nú Godona kaivo mwe'akaho maho'o 'avena sisei jihuni harura hari namu.

Revaresiani 12:9

Ijí anaka ni'ina ka'ene pi'onavajaho hu tapara nitama orijine huni iha 'u'o 'avena sisea 'ee Setanina. Hu ea maho'o ka'ene iki mwe'i hijujaho pisimiu jihuna'e hu huni 'ona oji'inijihi pu'úmo ato'arumaume mwe'i roara.

Revaresiani 13:2

'Enakaivo hanuha ka'ene nara kavujaho pusia ni'ima'ura sa'ine huni mumorijaho pea sa'ine huni irijaho raioni jihuni irija'ina. 'Ejume anakijara huni harura 'ee huni toronua 'ee hura 'ajohujaho maho'o mahana.

Revaresiani 13:7

'Ene Godoni eijihi pu'úmo 'arahe asitahuni harura mahana. 'Ee harura ka'ene kachi'ina ea ira ani ani'ina 'ee kwaa ara 'ajoahunijaho mahana.