Ruku 3:8 - Godoni vuʼa maiuʼina

⁸ 'Ina rukina re'avara! Joni 'unama sahasijaho ta'arohareje niare'i kaivo ea maiu'ina re'avara Ja vwiha ika'ina pavwiha'avara. Eparahami núni oma'omo nú areri rena hiju paro'avara kaivo Godira areri veje ike muna ikihipo Eparahami oni harihija rehuna. Ijihuna'e nú areri rena hiju paro'avara.

Ruku 3:8 Iomraidhean Croise

Matiu 21:43

Ijihuna'e Na nimai ja 'waravu. Godira Huni ara ka'ene ikino joni vaji namujaho apene ea 'aho'a mihe pu hami 'ajohakame 'ina rehuna.

Matiu 3:8

'Ina rukina re'avara. Joni 'unama sahasijaho ta'arohareje niare'i kaivo ea maiu'ina re'avara.

Matiu 3:9

Ja vwiha ika'ina pavwiha'avara. Nú Eparahami oni harihija'omo nú areri rena hiju paro'avara kaivo Godira areri veje ike muna ikihipo Eparahami oni harihija rehuna. Ijihuna'e nú areri rena hiju paro'avara.

Ruku 13:25

'Ejume sea anesurijara 'urine vwicha kuna'eje ja ma'ahi namine vwicha 'ana'anae ijá 'wahune Natohwiji vwicha tirasamúha 'wave anesurijara ijá 'iahune Na ja suja. Ja ichihi rene roajivajaho na pahena pakivurakúne 'iahuna.

Ruku 13:26

'Ejakame ja ijá 'wahune Nú oni una'i 'iruma ine 'ee toa ijura. 'Ee a roe nuni ari ma'ahi vu'a najuhuna 'wahuna.

Ruku 14:9

'Ea ka'ene ja no'o 'waravuma roajara roareje a ijá 'wahune Ruhakaho ea ike aremaha 'wave a niho'o juna'eje va túna'i hi'ena.

Ruku 19:40

'Ejume Hu eha vene ijá 'iama Na ja 'waravu. Pu irano'a are'avajaho muna ikipo 'urine mwasirihuna 'iamana.

Ruku 19:9

'Ejume Jesura ijá 'wama Godoni Ni'ajihi'inijaho iviasi sea ikino roana. Ijihuna'e ea ike 'u'o Eparahami oni hariha renana.

Ruku 5:21

Parasia 'ee Sikuraipia pu aposarame ijá 'wava Ikaho ea irana'omo Hu Godi matahare'e avano? Ea irara sisea vwihane arehune? Godira Huhusuna 'wavara.

Joni 8:33

'Ejume pu eha vene Hu ijá 'wava Nú Eparahami oni amuhija'omo nú ea 'ahopuni pwea parejara. 'Ena'e a ichá vene ja sisea huni harura hara pahiha 'úmo? 'wavara.

Joni 8:39

'Ejume pu Hu ijá 'wava Eparahamiho núni oma 'wavara. 'Ejume Jesu ijá 'iama Ja Eparahami oni amuhija re'ipisa ja Eparahamira venujiru veja'a.

Akisi 26:20

'Enakaivo na marako Tamasikasi najahuta. 'Enarejo iji'a roe Jerusaremi najahe va'e Jutia puni ara kwaa vaja najahuta. 'Ene Jenitaru 'u'o najahuta. 'Enarejo Na ika'ina 'waravuta Pu puni sisea niarevarepo hine ojuja'ina'e o'avarono 'iavuta.

Romani 4:16

Ijihuna'e nú Godi nimaa rojajihuna'e Hu nú maijí vwihanúe múhajihuna'e Hu nú nahama 'warumajaho Huni amuhi puni vaji nimaa rehuna. Godi Juaru pamerajihana vo ea ka'ene Eparahamira nimaa ronuja'ina nimaa roji'inakaho ijá merajihuna. Eparahamiho nú eaka mapoka kehi puni oma.

Romani 9:7

Ijí 'unama nikwinu'ina kajino Eparahami oni amuhijijijahija maho'o Eparahami oni harihija pana. 'Enakaivo Aisiki oni vajijino oni amuhija rehuna 'wamana.

Piripai 1:11

'Ene 'unama arira ka'ene Jesu Keriso oni rena roajara joni vaja niho'o tinia apena para'ama jihuna'e Godiho aromahe 'ee ta'arohuna.