Ruku 3:11 - Godoni vuʼa maiuʼina

¹¹ 'Ejume hu eha vene pu ijá 'iama Ea irara setia no'ohe'i re'amajaho ea pina ka'ene pa'aji pina ma'amane 'ee ea irara 'iruma rukina'e re'amajaho 'u'o ijá ve'amana 'iamana.

Ruku 3:11 Iomraidhean Croise

Matiu 25:40

'Ejakame Kinijara pu eha vene ijá 'ihune Na nimaa nimaa ja 'waravo. Ikejahija ja Núni ehijijihi vajihara vo ja nimaa pu pavajihara kaivo Na vajihara 'iahuna 'iamana.

Ruku 11:41

'Enakaivo joni vaji iraka ka'ene navujaho ea ka'ene uneunecha pa'ajihi vajihakame joni uneunecha mapokakija mamai reja.

Ruku 18:22

'Enakaivo Jesu ijí henarena Hu ijá 'wama A unenu'u pina kwinu mai'o areri pa'ana. A va'e oni uneunecha mapoka 'eke 'imenareja'e monia ona 'eka ea uneunecha pa'aji vaji'amaji'a oni uneunecha mamaa akúpa 'aha nahuna. 'E'eje iji'a roe Na 'ararihi'amana 'wamana.

Ruku 19:8

'Ejume Sakiasira 'urine Natohwijaho ijá 'wama Hena! Natohwe na nuni kukua pwinana'a ea ka'ene uneunecha pa'ajihi vajihe 'ee nara ea 'ahopuni nesa'e apejujaho na 'aha no'ona no'ona ijano huri eha venahuna 'wamana.

Joni 13:29

Pu ea 'ahopo vwihajajaho Jutasira moni panika 'ajohu jihuna'e pura ahaja i'i vejajihuna'e 'iruma 'ime'amarono 'waramu rojara. 'Ee ea ka'ene uneunecha pa'ajihi vajihuna'e 'ime'amarono 'waramu rojara.

Akisi 10:2

'Ena'omo hu ea mamaa 'ee hu kachihwa pu'úmo Godi juhame na'ia mapoka Jua ka'ene uneunecha pa'amai ijija ni'ajihuna. 'Enare'e hu na'ia mapoka Godoni siporua 'onuna.

Akisi 10:31

Koniriasi'o Godiho ara siporua 'onujaho Hu nihenuna. 'Ene ara ea ka'ene uneunecha pa'ajihi vajihujaho Hu vwihanu.

Akisi 10:4

'Ejume hu oja hwa'usahe 'ee tea juvume niimaru kavi'i ijá 'wama Natohwe irake 'wamana. 'Ejume Godoni 'ona oji'ina kajara ijá 'wama Koniriasi ara siporua ka'ene 'one 'ee ea ka'ene uneunecha pa'ajihi ni'ajihare'e vajihujaho ni ajima vu'e kahino Godoni una'i navukame Hu nihena a vwihanau.

Epasasi 4:28

'Ene veje ea ka'ene nesa apeji'inijaho kú'o nesa paape'amana. 'Enakaivo huni ijijino kaukara raka ka'ene mamaijaho ve'irakúne hu ea ka'ene pivunujaho areri ni'aji'amana.

1 Timoti 6:17

Ea ka'ene monia 'ee kukua rukina ronare'e iviasi iki mwe'i hijujija 'warave pakehi kehi o'avara. 'Ene puni nimaaroijaho pairechave ijí puni monia ho kukua kajihi puni toi na'avara. 'Enakaivo Godoni toi irechave na'avara. Ijihuni maijaho Hura uneunecha maho'o núra 'eke temarasahuna vajúhuna.

1 Timoti 6:18

'Ene 'warave mamaa vene 'ee mamaa'e vejujara pununa'a rarena parani'amana. 'Ene ea swara rukina rene 'ee ea vajihuna amariarama para'avara.

Hipuru 6:10

Godi nimaa nimaa'omo ja Huni iha 'ahijino kaukara ka'ene veji'i Hu oja mahe 'ee jara Godoni ehija ka'ene oja mihare'e ni'ajihe apena vai'i hijukaho Hu paruhuna.

Jemisi 1:27

'Ejume 'unama arira mamaa 'ee sisea pa'amaa ka'ene nú vejukame nuni Godi Omijara ura renujaho ikehina. 'Oja 'ee amuna ka'ene pivusahi'i hijujija 'ajohae 'ee mwe'a kehuni siseijaho tatumihi'i va'akame parenuhuna.

Jemisi 2:14

'Ena'omo vwehu nune ei pini hu nimaa roji'ina 'i'ika'i hura one 'ee venujara areri pare'amajaho ijaho ichá'ine? 'Ene nimairoa ija'inijaho hu areri ni'aja'ena raka?

1 Joni 3:17

'Enakaivo ei pini uneunecha mapoka rukina re'ika'i hu vweaha pivunu kajaho nika'ika'i patemu'amajaho vu ichá'ina'e Godoni oja mihujaho huni vaja na'ena?

1 Joni 4:20

Ei pini ijá 'imujaho na Godi oja mahu 'i'i kaivo vweaha kame semujaho hu ira'ata apene avanu. Ei pini hu ea nii huni kamujaho oja pamahu kaivo ichá'ina'e Godi ka'ene hu pakamujaho oja ma'ena?