Ruku 12:19 - Godoni vuʼa maiuʼina

¹⁹ 'Enarena hu ori'ini ijá rona Na niho'o ea teamanima paraji'ina renareje na hi'eju. Na uneunecha ka'ene juara mapokijino ura renia parahunijaho 'ekuta. 'Enajihuna'e masuani hine 'iruma ine 'ee toa kisina ine teamani'eje hi'eju ronana.

Ruku 12:19 Iomraidhean Croise

Ruku 12:18

Hu ijá rona Na ika'ina'e ve'eju. Na nuni ara tirasame mama'ina'e vene ijino nuni 'iruma 'ee kukua 'aho'a irecha'eju ronana.

Ruku 16:19

Nitama ea pina ateha niho'o mavarasa'ini same 'ee uneunecha mapoka ani re'eju'e ara mavarasa'ini 'iruma mamai iji'i hinuna.

Ruku 21:34

Ja hami hami 'ajohareje pahine joni kaukararu vene 'ee toa sisea ine 'ee jara iviamaa 'unama ka'ene ichá'ina'e hami hihuna pavwihaji'i hi'avara. Ijihuni maijaho ja ija'ina hi'eje vea kajaho areri ni'aha kwino kwavaha puna'i asuma va hihuna.

1 Koritia 15:32

'Ene nuni hahijihuni ura ijino na hanuha nea pu'úmo Epasasi 'arahuta'e re'ipisa ijaho iraka'e na ni'ajiha'e? 'Ena'omo kwamasahi'inijija pa'urihuna'e re'avajaho veje nú niari nikwamasahe para'enakúne roe ahaja ine 'ee toa sisea ine nanamie oja.

Piripai 3:19

Ea kajihi puni urijaho pa'arehunijina. Ea kajihi puni godijaho 'iruma huna'e rimurojujina. 'Ene pu uneunecha ka'ene junahunijihi aromahura. 'Ene pu na'ia mapoka'e ike mwe'a ikehuni kukuijiru vwihajura.

1 Timoti 5:6

'Enakaivo napara amuna ka'ene huni hahiji maho'o huni ura ijí aremahujaho hu mai'o hinu kaivo hu nimaa nikwamana.

1 Timoti 6:17

Ea ka'ene monia 'ee kukua rukina ronare'e iviasi iki mwe'i hijujija 'warave pakehi kehi o'avara. 'Ene puni nimaaroijaho pairechave ijí puni monia ho kukua kajihi puni toi na'avara. 'Enakaivo Godoni toi irechave na'avara. Ijihuni maijaho Hura uneunecha maho'o núra 'eke temarasahuna vajúhuna.

2 Timoti 3:4

'Ene hekajihe 'waravi'ina rene 'ee majikari hiji'ina rene 'ee pu pusumano vwihaji'ina rene 'ee niho'o temarasahuniji oja mi'i kaivo Godiho oja pamahuna.

Jemisi 5:5

'Enakaivo ja ikino mwe'i hijujaho uneunecha mamaa 'ee mapoka ani renavumakame ijihuni toi hami hine 'ee joni hiijaho joni hahijara ura renaja'ina'e veji'i hijara. 'Ene ijihuni vei reje 'anihuni jihuna'e joni oja siseiji piravume emarejara.

1 Pita 4:3

Ijihuni maijaho joni vea ni'ima'ura ja nisame Jenitarupo ura renae 'ee hahijara ura renaujiru vejara. 'Ene 'uasa vene hahijara itunavaji vene 'ee toa sisea ine nanamie 'ee 'unama sisea vene temarasahe 'ee toa sisea ine 'unama ani ani vene 'ee godia ira'ata siseijihi oja mihura.

Revaresiani 18:7

Hura ichá'ina mamaa hine 'ee kukua rukima'ura renaja'ina'e ta'arohe sisemaa ka'ene haha hiame niho'o temuka ni'ima'ura apene pivuhuna. Ijihuni maijaho hu ika'ina huni oja vaji ronuna. Na kwinia sa'ina. Na amuna pana'omo na areri temuka papiuna'eju ronuna.