Ruku 11:2 - Godoni vuʼa maiuʼina

² Hu ijá 'iama Ja siporua ika'ina 'o'avara. Amo Oni iha niho'o nimaa nimaa'omo A roa nú 'ajohua.

Ruku 11:2 Iomraidhean Croise

Matiu 10:32

'Ena'omo ea irara Na ronareje ea mapoka puni una'i 'wara'amajaho Na 'u'o ea kaji rone kahino akúpa 'ahi Nuni Omijihuni una'i nahama 'warahuna.

Matiu 3:2

Hu ijá 'waramana Ta'aroha joni sisea amairie arira renama. Godoni arijihuni 'unama niroe tu'u renukúnina 'iamana.

Matiu 5:16

Ija'ina'e joni hanaji'inijara ea mapoka puni una'i hanani'amana. 'Ejakame pu kive maaru vejakame pu joni Oma ka'ene kahi akúpa 'ahi hinuji ta'arohuna.

Ruku 11:1

Na'ia pina Hu kwaa pini hine siporua'e 'onana. Hu 'ojume pa'are'eme Huni tisaiporu pini roe ijá 'wama Natohwe areri Jonira huni tisaiporu najaha ja'ina'e siporua'e 'ohuniji najuha 'wamana.

Romani 1:7

Ja ea ka'ene Godira oja mihe 'ee Huni ea ariramaa'e rehuna'e iji pijihana ka'ene Romu hijujije Godi ka'ene núni Omijine 'ee Natohwa Jesu Keriso ja maijí vwihanie 'ee matauvi'ina mihu.

Romani 8:15

'Enajihuna'e ja 'avena ka'ene apejajaho kú'o 'uname va'e juvujihuni pwea re'irono apehuna pana. 'Enakaivo ja 'Avena ka'ene vena'e Godoni hariha rehuniji apejara'omo nú ivi'a Amo Amo 'wavu.

1 Koritia 1:3

Maiji vwihanii'ina 'ee matauvi'ina ka'ene Godi núni Omiji'o Jesu Kerisona'i rena roajija vajihama.

2 Koritia 1:2

Maiji vwihaniuji'o matauvi'ina ka'ene Godi núni Oma 'ee Natohwa Jesu Keriso una'i rena roujaho ja pu'úmuna.

Karesia 1:4

Hu núni sisei jihuna'e kwamana 'ee areri Godi ka'ene núni Omijara Huni ura ijino niamariarama ja'ina'e ike mwe'a sisea vajakino ni'ajúhe siriruma ruva'ana.

Epasasi 1:2

Maiji vwihani'ina 'ee matauvi'ina ka'ene Godi núni Oma 'ee Natohwa Jesu Keriso oni rena roajija ja pu'úmuna.

Piripai 1:2

'Ene maiji vwihanie 'ee matauvi'ina ka'ene Godi núni Omijaho 'ee núni Natohwa Jesu Keriso puni rena roajaho jona.

Piripai 4:20

'Ene iviamaa núni Godi 'ee núni Omijihuni pinanijaho aneja púsa pa'ana'e Huna. Ameni.

Korasia 1:2

Godoni ehija akuavi'ina 'ee vwehu nuna ka'ene Keriso oni vaji pauchavi'ina ka'ene Korasi hijujihi puna'e veju. 'Enakúne maiji vwihanie 'ee vivinui matauma hiji'ina ka'ene Godi núni Omijihuna'i rena roajaho ja pu'úmuna.

1 Tesaronia 1:1

Nú Poru ho Sivenasi ho Timoti ho ijano sosia ka'ene Tesaronia Godi Amoho 'ee Natohwa Jesu Keriso puni vaji hiju jihipuna'e pasikaho veju. 'Ene maiji vwihaniujine 'ee matauvi'inijaho jona.

1 Tesaronia 1:3

Na'ia mapoka'e jara nimaa rohuni kaukara ijí vene 'ee ea oja mihe 'ee nimairoa ka'ene núni Natohwa Jesu Keriso oni vaja 'ee núni Godi 'ee Omijihuni una'i ija kisina 'unama hijuji vwihaniura.

2 Tesaronia 2:16

'Ena'omo iviamaa núni Natohwa Jesu Kerisora Huhusune 'ee Godi ka'ene núni Omijara maiji vwihanúani vajijino oja múhe 'ee majama matauma hihuna 'ee nimairoa mamaa múhana.

Revaresiani 11:15

'E'eme Godoni 'ona oji'ina ka'ene iropu no'o ijara tauja hwasi'eme ira mapoka kahi akúpa 'ahi ijá 'wava Mwe'a kehuni 'ajohi'ini jihuni tinijaho núni Natohwa 'ee Huni Keriso'o rene mwe'akaho majama 'ajohuna 'wavara.

Revaresiani 15:4

'Ene ea irara Oni iha ta'arorahe 'ee A pajuha'ena? A a'asu nimaa arira maa. 'Ene kwaa kwaakija Oni una'i roe oja mahuna. Ara ariramaa ka'ene venujara roe samaahirahuna 'wame vejara.

Revaresiani 19:6

'Ene na he'eme ea mapoka puni ira auaka toa mapoka puni irasa rene 'ee akúpi 'aniu'e tararimahu jara'eme ika'ina 'waramana. Hareruia! Núni Godi Natohwa ka'ene nija'ina ni'ima'ura rene hiji'inijina.

Revaresiani 20:4

Na toronu mapoka kivuta. Ea ka'ene ijihuni toi hijajija 'otua vehuni harura mihana. 'Ene ea ka'ene Jesu rona 'warame 'ee Godoni ira ka'ene 'warava jihuna'e uroa 'uhuahe 'ee ea ka'ene hanuhiji oja pamahe 'ee hua'ina ka'ene vejaji oja pamahe 'ee huni aacha puni varipata 'aha 'ee ija 'aha pairechamiha jihipuni 'avena kivuta. 'Ena'omo ea kajija kú'o haha apene 'urimarame Keriso pu'úmo juara mapoka mapoka (1,000) ea 'ajoaha hijara.