Revaresiani 7:9 - Godoni vuʼa maiuʼina

⁹ Ija'ina renani túna'i na kavujaho ea mapoka mapoka areri patahuna kivuta. Ea ka'ene ijí hijajaho kwaa ani ani'ine ara ani ani'ine ea ani ani'ine 'ee ira ani ani'inijija toronu 'ee Remui jihipuni una'i ateha sajasa'ina same haraja'a 'uninamie namijara.

Revaresiani 7:9 Iomraidhean Croise

Ruku 12:1

Ea mapoka'e Huni rora kajaho ani rene ajime ateji tauta'aravi'i hi'eme Hu Huni tisaiporu amura Peresi rone ijá 'iama Ja hami Parasia puni isitia ki'avara. Ijihuni maijaho pu ira'asina.

Ruku 21:36

'Enakúne veku veku hine 'ajohe nia nirie siporua 'oji'i hi'irakúne ja areri harura rena'eje uneka ka'ene re'iro vejujaho asima va'e Emaa Puni Harihijihuni una'i nami'avara 'iamana.

Joni 12:13

'Ejume pu ea mapoka haraja'a 'eke ninukujaha piuna'i vai'i ijá 'umeja Hosana! Kinia ka'ene Natohwi jihuni iha 'ahi roujaho merajahu! 'umejara.

Romani 11:25

'Ene vwehu nune ja hema ka'ene namuke hena ve'avarono 'waravu. Ijihuni maijaho ja Huni ea rejajihuna'e jarika pare'avara. Ijaho nimai Isureri ora ea pwinana'a oja kisina'e rene hi'eju'e Jenitarua roajiame Huni ea re para'eja'e iji'a Isureri mapoka nimaa rohuna.

Epasasi 6:13

Ijihuni hahi Godi oni nana'ejuri kukuijino maho'o saha. 'E'irakúne vea ka'ene vea sisea kajara ape'amajaho ja ijihuna vaji rarara'avara. 'Ene ja uneunecha maho'o ve'ava jihuna'e ja areri kisina'e rene namihuna.

Hipuru 11:12

Ijihuna'e ea mapokakaho Eparahami oni vaji rena roara. Hu emamaa'omo areri sesamaa pa'arehune sa'ina vo huni harihijijahija chinasa rehune 'ee ajara ka'ene areri patahuna ka'ene soha rori navuja'ina rehuna.

Hipuru 12:22

'Enakaivo ja Saiani Huri'i Godi ka'ene majama hiji'ini jihuni ara kwai roara. Ara kwaa kajaho akúpa huni Jerusaremijina'omo Godoni 'ona oji'ina mapoka mapoka areri patahuna ijí hiju.

Revaresiani 11:15

'E'eme Godoni 'ona oji'ina ka'ene iropu no'o ijara tauja hwasi'eme ira mapoka kahi akúpa 'ahi ijá 'wava Mwe'a kehuni 'ajohi'ini jihuni tinijaho núni Natohwa 'ee Huni Keriso'o rene mwe'akaho majama 'ajohuna 'wavara.

Revaresiani 22:3

'Ena'omo unenu pina sisea siripavujaho panahuna. 'E'eje Godiho 'ee Remuiji'o toronueru na'eje Huni pwehipo kaukara Huna venahuna.

Revaresiani 3:18

Na ja ika'ina 'waravu. Roe Nuni korutia ka'ene niveni vaji amairiaji 'imeha. 'Ejakame ja uneunecha mapoka rukina re'avara. 'Ene ateha sajasa'ini savakame joni haha ka'ene samaumai navume ja junamajaho pa'arehuna. 'Ee joni nia 'úsia 'onareje hami niri'avara.

Revaresiani 4:4

Toronu kajaho toronu 'aho'a mapoka (24) ijano same tautihara. 'E'eme ijihuni 'aha kajine eruta mapoka (24) ijihuni 'ahi hijajaho ateha sajasa'ini same koraunua ka'ene korutia vejajija puni húmata 'ahi sama hijara.

Revaresiani 5:11

Na niri'i hejujaho 'ona oji'ina mapoki jihipuni ira toronu rori hejuta. 'Ene unenu 'aho'a ka'ene mai'o hiji'ina 'ee eruta mapoka ijí hijara. 'E'eme ea ka'ene ijí hijaha 'ona namajaho niho'o ajarasa rena navara'omo niho'o areri patahuna renana.

Revaresiani 5:9

Pu javaa maiu'ina ika'ina vejara. A pukakaho areri apene huni aja rasahuna. Ijihuni maijaho A kwamajine A kachi'ina amuja 'ee kwaa ara mapoka Godona'e Oni 'aiji 'imena 'ekana.

Revaresiani 6:11

'Enavo eakija ateha sajasa'ini vajihume savara. 'Ejumakavi'i ijá 'iama Ma'uko 'ajahi'i siheria ve'avara. Ea ka'ene ja pu'úmo kaukara veji'ina 'ee joni vwehija 'aniume kwamasaha ja'ina'e ja 'ania kwamasahakama'e iji'a Na eha ve'eju 'iamana.

Revaresiani 7:8

Sepurani ona mapoka mapoka (12,000) Josapi ona mapoka mapoka (12,000) Penijimani ona mapoka mapoka (12,000) ahaavara.