Revaresiani 6:1 - Godoni vuʼa maiuʼina

¹ Na ka'eme vea ka'ene Remuijara aja iropu no'o vajijino kwinu rasamana. Na he'eme unenu 'aho'a ka'ene mai'o hiji'ina no'ona no'o puni vaji kwinu ira ajira akúpa puna'i ika'ina 'wamana. Roa!

Revaresiani 6:1 Iomraidhean Croise

Joni 1:29

Ijihuni sú'uhijino hu ka'eme Jesuho roe huni nini roume ijá 'iama Heha! Ikaho Godoni Remua ka'ene mwe'a kehuni sisea apehunijina.

Akisi 4:20

Nú raka ka'ene kame hejajaho areri pa'arehuna kaivo nú 'warahuna 'iavara.

Revaresiani 11:19

'E'eme Godoni Temiporu ka'ene akúpi 'ahi namujaho jara'eme Huni nimaa veti'aravuri pukisijaho samaahiravume kahuna renana. 'Ene vea pi'ivume akúpa natohwa 'umene mwevarivura roe 'ee puura ni'ina hiramana.

Revaresiani 13:8

'Ejakame ea mapoka ka'ene mwe'a kaki hijujija 'ee mwe'akaho mai'o pareji'inijino ea irahuni iha majama hihuni puka vaji panavajipo hanuhiji oja mahuna. Ijí majama hihuni puka ijaho Remu ka'ene kwamaji Huna.

Revaresiani 14:2

'Ejume na ira kahi akúpa 'ahi rene roume hejuta. Ijí ira kajaho toa mapoka rouja'ine 'ee akúpi ajira 'umenu ja'ina. 'Ene ira kaji nahejujaho ea mapoka hurisia hwasihue hejuja'ina renana.

Revaresiani 19:6

'Ene na he'eme ea mapoka puni ira auaka toa mapoka puni irasa rene 'ee akúpi 'aniu'e tararimahu jara'eme ika'ina 'waramana. Hareruia! Núni Godi Natohwa ka'ene nija'ina ni'ima'ura rene hiji'inijina.

Revaresiani 4:8

'Ene ijí uneka ka'ene no'ona no'o mai'o hiji'inijija 'oi'oi taha iropu kwinu rukina. Puni taha hura hara nia ani reji'ina. 'Eju'e veiri'a na'ia pu ika'ina 'wavi'i hiju. Godi Natohwa harusima'ura. Hu niho'o ariramaa! Hu niho'o ariramaa! Hu niho'o ariramaa! Hu nitama anejijaho ijí hinana'omo iviamaa ijí hinuna'omo Hu mai'o rohuna.

Revaresiani 5:1

Ea ka'ene toronu 'ahi hinajara puka ka'ene asura vaja vene 'ee hura veji'inijaho ija mana'inija'i 'unanavume kavuta. Puka kajaho aja iropu no'o tahuhara.

Revaresiani 5:12

Pu ira ajira ika'ina 'wavara Remua ka'ene 'anaajaho Hu arerina'omo Hu harura uneunecha mapoka vwiha mamaa ajisina hura 'ee hanaji'ina ijija Huna. Iha ahasirihuna 'ee merajihuna 'ekahuna 'wavara.

Revaresiani 5:8

Hu puka kaji apenajaho unenu 'aho'a mai'o hiji'ina no'ona no'o 'ee eruta (24) ijija Huni una'i arihara. Pu 'oi'oi kita sa'ina 'ee tevua korutia veji'ini jijahija venu'a amua mamaa itu'ona tuama ajivi'ina 'ekara. Ijijahija Godoni ehipuni siporua.

Revaresiani 6:3

Vea ka'ene aja amuri jihuni roriji Hu rasamajaho na he'eme unenu mai'o hiji'ina pinijara ijá 'wamana. Roa!

Revaresiani 6:5

Vea ka'ene aja no'opisu ijí Hu rasamajaho na he'eme unenu mai'o hiji'ina pinijara ijá 'wamana. Roa kama! 'E'eme ea ka'ene hosi aja 'ahi hinajaho ro 'e'unana. Ea kajihuni ija 'ahi sikeria no'o navara.

Revaresiani 6:7

Vea ka'ene aja no'ona no'o ijí Hu rasamajaho na he'eme unenu mai'o hiji'ina túchamaijara ijá 'wamana. Roa kama!

Revaresiani 8:1

Vea ka'ene aja túchamaa iropu no'o ijí Hu rasamajaho ira no'a maho'o pa'arena na'eme vea oma kwinu paranana.