Revaresiani 5:6 - Godoni vuʼa maiuʼina

⁶ Na niri'i kavujaho toronu riri unenu 'aho'a mai'o hiji'ina no'ona no'o 'ee eruta puni vaji Remua ka'ene 'anaume kwama ja'ina'e ijí naminana. Huni atana iropu no'one 'ee nia iropu no'ona. Ijijahija Godoni 'Avena iropu no'o ka'ene irechamiume mwe'i maho'o va'ajivajina.

Revaresiani 5:6 Iomraidhean Croise

Ruku 1:69

Huni pwea Teviti oni amuja vajijino núni Ni'ajúhi'ina Natohwa vejume 'urinana.

Joni 1:29

Ijihuni sú'uhijino hu ka'eme Jesuho roe huni nini roume ijá 'iama Heha! Ikaho Godoni Remua ka'ene mwe'a kehuni sisea apehunijina.

Joni 1:36

'Eji'i hu kavume Jesuho va'umakame hu ijá 'iama Kaha! Godoni Remuijaho karehuna 'iamana.

Akisi 8:32

Ijí puka vaja kajino hura Godoni ira ka'ene tahajaho ikena. Hu sipia 'ani'irono 'eka va'uja'ina'e ahema va'ara 'ee areri sipia 'u'ua sapasa usimahi'ini jihuni una'i ira pa'arene naminu ja'ina'e Hu ira pa'waramana.

Revaresiani 1:4

Na Jonira sosia iropu no'o Esia namiju jihipuna'e veju. Godi ka'ene nitama anejijaho ijí hinane 'ee iviamaa ijí hinuna'omo mai'o kú'o rohunijara maiji vwihanie oja soniji ja samahu. Godoni oja sona 'ee maijaho Godoni 'Avena iropu no'o Huni toronu una'i hiju jihipuni 'u'o rena roana.

Revaresiani 12:11

Pura hu asitaha ijihuni maijaho Remui jihuni 'aijine puni nimaaroa ka'ene rona 'waravajina. 'Ene puni hiijaho oja pamaha jihuna'e kwamasahunijaho pavwihajara.

Revaresiani 13:8

'Ejakame ea mapoka ka'ene mwe'a kaki hijujija 'ee mwe'akaho mai'o pareji'inijino ea irahuni iha majama hihuni puka vaji panavajipo hanuhiji oja mahuna. Ijí majama hihuni puka ijaho Remu ka'ene kwamaji Huna.

Revaresiani 14:1

Ike heha! Na kavume Remuijaho Saiani huri'i naminana. 'E'ejume ea mapoka mapoka (144,000) ka'ene Hu hu'úmo namija jihipuni varira 'ahi Huni Iha 'ee Huni Omijihuni Iha navara.

Revaresiani 17:14

Pu Remuijihi pu'úmo ajira vehuna vo Remuijara pu asitahuna. Ijihuni maijaho Hu natohwe puni Natohwa 'ee kini epuni Kinia. Ea ka'ene Hu hu'úmo rejajija iji pijihajine 'umenajine 'ee Hununa'i hami veji'inijina.

Revaresiani 21:22

'Enakaivo Na niriujaho ara natohwa vaja kajaho Temiporu pana. Ijihuni maijaho Godi Ni'ina 'ee Remuijaho ara natohwa kajihuni Temiporu.

Revaresiani 21:23

Ara natohwa kajaho vea 'ee masapa ijipo hanahuna pana. Ijihuni maijaho Godoni hanaji'inijara veje hanahuna. Ara natohwa kajihuni nahehijaho Remuijina.

Revaresiani 22:1

'Enarena 'ona oji'inijara toa ka'ene majama hihuni toijaho najihana. Toa kajaho chiha niho'o pa'a maa'omo Godi'o 'ee Remuiji'o puni toronu 'ahi rena roana.

Revaresiani 22:3

'Ena'omo unenu pina sisea siripavujaho panahuna. 'E'eje Godiho 'ee Remuiji'o toronueru na'eje Huni pwehipo kaukara Huna venahuna.

Revaresiani 4:8

'Ene ijí uneka ka'ene no'ona no'o mai'o hiji'inijija 'oi'oi taha iropu kwinu rukina. Puni taha hura hara nia ani reji'ina. 'Eju'e veiri'a na'ia pu ika'ina 'wavi'i hiju. Godi Natohwa harusima'ura. Hu niho'o ariramaa! Hu niho'o ariramaa! Hu niho'o ariramaa! Hu nitama anejijaho ijí hinana'omo iviamaa ijí hinuna'omo Hu mai'o rohuna.

Revaresiani 5:11

Na niri'i hejujaho 'ona oji'ina mapoki jihipuni ira toronu rori hejuta. 'Ene unenu 'aho'a ka'ene mai'o hiji'ina 'ee eruta mapoka ijí hijara. 'E'eme ea ka'ene ijí hijaha 'ona namajaho niho'o ajarasa rena navara'omo niho'o areri patahuna renana.

Revaresiani 5:12

Pu ira ajira ika'ina 'wavara Remua ka'ene 'anaajaho Hu arerina'omo Hu harura uneunecha mapoka vwiha mamaa ajisina hura 'ee hanaji'ina ijija Huna. Iha ahasirihuna 'ee merajihuna 'ekahuna 'wavara.

Revaresiani 5:13

Uneunecha ka'ene akúpi 'ahi hijura 'ee mwe'a 'ahi hijura 'ee mwe'a hari hijura 'ee soha 'aha 'ee vaji hijujipo na he'eme ija'ina 'wavara. Merajihuna 'ee ta'arohuna 'ee iha ahasirihuna 'ee harura majamano toronu 'ahi hinuji'o Remui jihipuna 'wavara.

Revaresiani 5:14

Unenu 'aho'a ka'ene mai'o hiji'ina no'ona no'o majamano nimaa nimaa 'wa'eme eruta ijija Huni una'i mwe'i arihe pu oja mihara.

Revaresiani 6:16

'Eji'i pu huri'a 'ee muna ijí 'waramareja ijá 'iava Toronu 'ahi hinujihuni unaijí 'ee Remuijihuni seniji 'auma 'ee tahu'o'une roe nuhúha.