Revaresiani 3:3 - Godoni vuʼa maiuʼina

³ 'Enajihuna'e jara marako iraka ka'ene 'eke 'ee joni atai henareja ja ija kisi 'uname 'ee joni sisea kame ta'arohareje kú'o Nuni roaji'avara. Ijihuni maijaho ja pa'urimara'avajaho Na nesi ja tatatihuna. Areri nesa rukini rouja'ina'e Nara vea ka'ene roujaho ja pahena pakahuna.

Revaresiani 3:3 Iomraidhean Croise

Matiu 25:13

Hami 'ajohe nia niri'i hiha! Ijihuni maijaho ja mai'o vea vechana ho vea muka irakijaho pahena pakavi'inakúne 'iamana.

Maka 13:33

Heha! Vea kajaho ja pahena pakavi'ini jihuna'e hina 'ajihi'i ka'avara.

Maka 13:36

Vejuro'i ja ne'eje hu roe tatatia ve'ena.

1 Tesaronia 5:2

Ja ijaho ni maho'o hejume pa'arena ja'ina'e Natohwi jihuni veijara ro'amajaho areri nesa apeji'inijara na'i rouja'ina'e rohuna.

1 Timoti 6:20

Oo Timoti iraka ka'ene a vajahajaho hami 'ajo'amana. 'Enakaivo mwe'a ikihipuni ira'atijaho juha'amana. 'Ene henaka 'wa'i kaivo ira'atijino 'uraujija pataarora'amana.

2 Timoti 1:13

Nara 'unama arira ka'ene a najahuma a nununa'i Jesu Keriso oni vaji nimaa rohuna 'ee oja mihuna hena kamajaho ija kisi 'uninami'amana.

Hipuru 2:1

Ijihuni hahi nú iraka ka'ene hejajaho hami hami hena vwiha'avara. Vejuro'ika'i nú 'unama ani rova'ejakúna.

2 Pita 1:13

Na vwihajujaho maijaho na ikino hahiji'i mwe'i hijukino ja 'ejahi'i 'warave ja vwihahuna.

2 Pita 3:1

Ehu nuna ka'ene na ja oja mihi'inakije ikaho nuni asura amurijihuni roriji veju. 'Enare'e joni vwiha ijí venae kú'o vwiha'avarono veju.

2 Pita 3:10

'Enakaivo Natohwi jihuni veijara ro'amajaho areri nesa apeji'inapo rouja'ina'e rohuna. 'E'eje akúpa 'ee ichutoi uneunecha ka'ene navujija ira ni'ima'ura'e re'eje uhoa rene hirama arihe pa'arehuna 'ee mwe'a ikino uneunecha ka'ene navujija maho'o re parahuna.

Revaresiani 16:15

Ike heha! Na nesa apeji'inapo vu'uja'ina'e ea pahena paki'eje Na vuhuna. 'Ena'omo ea irara nia niri'i hine 'ee huni ateha amairiaravi'i hi'amajaho hu merajahuna. 'E'ama jihuna'e hu patatame 'ee ateha pa'ajipo junavu ja'ina pave'ena.

Revaresiani 2:25

'Enakaivo iraka ka'ene jara niapejajaho ija kisi 'unama hi'eje Na 'unama vu'uta.

Revaresiani 2:5

Ike vwiaha! Ja ichihachane rene arihaji vwihane joni sisea túchahae 'unama ro'avara. 'Ene jara amura'e vejaja'ina'e Na oja mi'avara. Vejuro'i Nara roe joni naheha veje 'utahuna.

Revaresiani 22:7

Ike heha! Na marako ro'eju. 'Ena'omo ea irara puka kehuni vaji poropeti epuni iri 'waravaji hena ve'amajaho Na hu merajahuna.

Revaresiani 3:11

Vea ka'ene Nara rohunijaho niho'o tu'u'wi namukúne raka ka'ene jara hena kamareja apejajaho ija kisi 'unavakame joni koraunu ea 'aho'a areri pa'etuji'avara.

Revaresiani 3:19

Ea ka'ene Na oja mihujaho Na pu 'unama arira najahe 'ee eha kaisina mihuna. 'Enakúne ja harura venareje joni sisea túchahae kú'o 'unama Nuni ro'avara.

Revaresiani 3:2

Iviamai 'uriimaraha! Jara uneka ka'ene aneja mamaa vejajaho nipa'are'i venukúne harura vene veje mara'amana. Ijihuni maijaho Nara kavujaho kaukara ka'ene jara vejujaho Nuni Godijihuni una'a mai'o papa'arenu.