Revaresiani 3:18 - Godoni vuʼa maiuʼina

¹⁸ Na ja ika'ina 'waravu. Roe Nuni korutia ka'ene niveni vaji amairiaji 'imeha. 'Ejakame ja uneunecha mapoka rukina re'avara. 'Ene ateha sajasa'ini savakame joni haha ka'ene samaumai navume ja junamajaho pa'arehuna. 'Ee joni nia 'úsia 'onareje hami niri'avara.

Revaresiani 3:18 Iomraidhean Croise

Matiu 13:44

Godoni arijaho areri monia'e ea 'ahopo juasi'i apúrinanavu'e namuja'ina. 'Ena'omo ei pini va'e kamarena vukú'o apene ani apúrinana'i kaivo hu niho'o teama'eju'e va'e huni uneunecha mapokijijahija ea 'aho'a'e 'imena ranavume hu monia kajino apena va'e juara kajaho 'imenana.

Matiu 25:9

'Enakaivo 'asúra ka'ene vwiha mamaijipo ijá 'iava Pana. Ijihuni maijaho núra ja userimihuna areri panakúne va'e sitovai ojono jona 'imeha 'iavara.

Ruku 12:21

'Enajihuna'e ea ka'ene mwe'a kakino uneunecha mapoka rukina renujaho hu Godoni una'ijino areri uneunecha pa'ana'e renuna.

2 Koritia 5:3

'Enajihuna'e nú 'avena rene maiso pa'urahohuna kaivo nú haha maiu'ina sahuna.

2 Koritia 8:9

Ijihuni maijaho núni Natohwa Jesu Kerisora maiji vwihanúajaho ja nihena kavara. Hu niho'o arerina kaivo Hu roe jonijihuna'e pa'ana'e renana. 'Ejakame Hura pa'ana renana vajijino jara roe areri rena parani'amarono avanana.

1 Timoti 6:18

'Ene 'warave mamaa vene 'ee mamaa'e vejujara pununa'a rarena parani'amana. 'Ene ea swara rukina rene 'ee ea vajihuna amariarama para'avara.

Jemisi 2:5

Vwehu nuna ka'ene na ja oja mihi'inakije heha! 'Ú Godiho ea ka'ene mwe'akino pivusahi'ina ka'ene Hu oja mahe 'ee puni nimairoa marasaha parane 'ee aachi'a ka'ene Godoni ari vahunaka nahama 'waramaji apehuna ija papijihana raka?

1 Pita 1:7

'Ene joni nimairoa ijara korutia asimana'omo korutia ka'ene siserane 'ee pa'arehunijija veni vena kivuja'ina'e joni nimairoa vena kive roe areri rena parahuna. Jesu Kerisora ro'amani veijino ja ta'arorahe joni pinana veje 'urine 'ee joni iha ichutoi rehuna.

Revaresiani 16:15

Ike heha! Na nesa apeji'inapo vu'uja'ina'e ea pahena paki'eje Na vuhuna. 'Ena'omo ea irara nia niri'i hine 'ee huni ateha amairiaravi'i hi'amajaho hu merajahuna. 'E'ama jihuna'e hu patatame 'ee ateha pa'ajipo junavu ja'ina pave'ena.

Revaresiani 19:8

Hu ateha mavarasa'imaa ka'ene sajasa'ina 'ee chiha pa'ajino apúsamana. Ateha maa mavarasa'ini jihuni maijaho Godoni eapo ariramaa ka'ene rejaja'ina.

Revaresiani 2:9

Jara ichá'ina'e sisei hijajaho Na nihena kivu. 'Ene jara uneunecha pa'amai ijihuna'e sisei hijujaho Na nihena kivu. 'Enakaivo ja uneunecha mapoka rukina. Ea ka'ene pu Jua 'i'i kaivo pu ja sise'i 'ahiujija pu nimaa Jua pana kaivo pu Setani oni sinakoku.

Revaresiani 3:17

Ja ika'ina 'wavura. Nú niarerina. Nú kukua mapoka mapoka rukina 'wavura. Ijihuna'e nú unenu'u 'aho'a papivusahu. 'Enakaivo ja pahena pakavujaho ja niho'o pivusaha paraji'ine 'ee temukama paraji'ine 'ee uneunecha niho'o pa'ane 'ee nia supavi'ine 'ee vwiha ateha pa'ana.

Revaresiani 4:4

Toronu kajaho toronu 'aho'a mapoka (24) ijano same tautihara. 'E'eme ijihuni 'aha kajine eruta mapoka (24) ijihuni 'ahi hijajaho ateha sajasa'ini same koraunua ka'ene korutia vejajija puni húmata 'ahi sama hijara.

Revaresiani 7:13

'Ene eruta kwinu na aporima ijá 'wima Ea ka'ene ike ateha sajasa'ina savi'inakija irahije 'ee pu ichihi rena roare? 'wimana.