Revaresiani 22:16 - Godoni vuʼa maiuʼina

¹⁶ Na Jesura Nuni 'ona oji'ina ranavu'e hura vu'akaho ara sosi 'wara'amarono 'waramu. Na Teviti oni anejijina 'ee huni amuje 'ee Na sú'usú'u huni moroa ka'ene hanama paranujina.

Revaresiani 22:16 Iomraidhean Croise

Matiu 1:1

Hehakaho Jesu Keriso oni amuhija vejajina. Jesuho Teviti 'ee Eparahami puni amuja.

Matiu 2:2

Pu aporama ijá 'iava Jua puni Kinia ichí nahejare? Nú Huni china kama'i vea ajimuja'i kamareja ijihuna'e nú Hu oja mahare'e ka'i rou.

Matiu 22:42

'Ú ja Kerisoho ichá'ina vwihajo 'ee Hu irahuni Hariha rojo? 'iavume pu Hu ijá 'wava Teviti oni Hariha 'wavara.

Matiu 22:45

'Ú 'unama ichá'inijino Tevitiho Hu rone nuni Natohwe 'wamana re'amajaho Hu 'unama ichá'iniji Huni Hariha renane? 'iamana.

Ruku 1:78

Ijihuni hahi Godi ka'ene swasi ma'urijara nú numirume vea kahi ichutoi ranave rina roe hananúhuna.

Ruku 20:44

Tevitira Hu Natohwa 'wamu kaivo ichá'ina vene Hu huni Hariha renane? 'iamana.

Romani 15:12

Godoni ira vaji Aiseara ika'ina 'warumana Jesi oni amujijara Jenitaru puni Natohwa rejakame pu Hu nimaa rohuna 'úmana.

Romani 9:5

Puni amuhi puni vaji Kerisoho rene roe haha apenana. Hu uneunecha mapoka kihipuni Húmata 'ee Hu Godi. 'Enajihuna'e majama Hu ta'arohuna. Ameni.

2 Pita 1:19

Ijihuna'e nú niheju. Poropeti epuni ira vaji 'waramajaho roe nimaa'e renana. 'Ena'omo ja puni iriji hene ve'avajaho ja mamaa'e vehuna. Puni vu'a kajaho areri nahehai nututi hana'eju'e vea nitumu ja'ina. 'Ene areri moroi joni oja vaji roe ajimu ja'ina.

Revaresiani 1:1

Jesu Keriso oni hema ka'ene mai'o rehuniji naja'iro Godira Keriso mahumakame Hura Huni 'ona oji'ina ranavume hura apena roe Huni iraru hene veji'ina Joni nahe 'waravakame Huni ehija ka'ene Huni iraru hena veji'inijija naja'ena.

Revaresiani 1:11

Ika'ina 'warimana. Ara raka ka'ene hena kamajaho Esia vaji sosia iropu no'o namiju jihipuna'e puka vaji venareje ranave va'amana. Epasasi Simúna Púkamamu Taiataira Satasi Pirateripia 'ee Reatasia ranave va'amana.

Revaresiani 1:4

Na Jonira sosia iropu no'o Esia namiju jihipuna'e veju. Godi ka'ene nitama anejijaho ijí hinane 'ee iviamaa ijí hinuna'omo mai'o kú'o rohunijara maiji vwihanie oja soniji ja samahu. Godoni oja sona 'ee maijaho Godoni 'Avena iropu no'o Huni toronu una'i hiju jihipuni 'u'o rena roana.

Revaresiani 2:11

Ea irara ataa rukinijaho Godoni 'Avenijara sosijihi vu'a 'waramuji he'avara. 'Ene ea irara sisea'e piunamareje harura ni'ima'ura vene ijí asita'amajaho hu 'u'o kwamareje haha hianahuna pa'arehuna.

Revaresiani 2:17

Ea irara ataa rukinijaho Godoni 'Avenijara sosijihi vu'a ka'ene 'waramuji he'avara. 'Ene ei pini sisea'e piunamareje harura ni'ima'ura vene ijí asita'amajaho Nara puretia pakivi'ina ka'ene Godoni rena roujaho mahuna. 'Ene Nara muna sajasa'ina 'ahi huni iha maiu'ina veji'ina mahuna. Iha kajihuni maijaho ea pahehuna kaivo anesurijara hehuna.

Revaresiani 2:7

Ea irara ataa rukinijaho Godoni 'Avenijara sosijihi vu'a 'waramujihi he'avara. 'Ene ei pini sisea'e piunamareje harura ni'ima'ura ijí vene asita'amajaho Na hu 'warave hu icha'ina ka'ene majama hihunijaho ihuna. Ichakaho Godoni ari Parataisi naminu. Na hu ika'ina 'wara'eju.

Revaresiani 22:1

'Enarena 'ona oji'inijara toa ka'ene majama hihuni toijaho najihana. Toa kajaho chiha niho'o pa'a maa'omo Godi'o 'ee Remuiji'o puni toronu 'ahi rena roana.

Revaresiani 22:11

'Eje ea irara areri parehuniji venujaho maka'eje ve'amana. Ea irara huni oja chiha renajaho maka'eje ija'ina na'amana. Ea irara ariramaa renajaho maka'eje ariramaa rena apena va'amana. Ea irara nimaa ariramaa renajaho maka'eje nimaa ariramaa rena apena va'amana.

Revaresiani 22:20

Ea ka'ene ike uneunechake 'waramujara ika'ina 'waramu. I'a! Na marako rohuna! Nimaa! Jesu Natohwiji roa!

Revaresiani 22:6

'E'ejume Godoni 'ona oji'ina kajara ijá 'warimana Ike irakaho majama nimaa 'wimana. Poropeti puni 'aveni jihipuni Godi Natohwijara Huni 'ona oji'ina ranavu'e raka ka'ene iviamaa mai'o re'i venuji Huni pwehija najahana.

Revaresiani 3:13

Ea irara ataa rukinijaho Godoni 'Avenijara sosijihi vu'a 'waramuji he'avara.

Revaresiani 3:22

Ea irara ataa rukinijaho Godoni 'Avenijara sosijihi vu'a 'waramuji he'avara.

Revaresiani 3:6

Ea irara ataa rukinijaho Godoni 'Avenijara sosijihi vu'a 'waramuji he'avara.

Revaresiani 5:5

'Ene eruta pini ijá 'warimana. Niramujaho are'i kaivo ike hena. Juta opuni Raioni ka'ene Teviti oni amujijara sisea asitahana'omo Hu areri pukakaho jarae aja iropu no'o rasahuna.