Revaresiani 17:3 - Godoni vuʼa maiuʼina

³ 'Enarena 'ona oji'ina kajara na 'Aveni vaji aherima apenie nechi'i va'ana. 'Eji'i na kavujaho napara pina hanuha amapu'ura 'ahi asuma hinana. Hanuha kajaho húmata iropu no'one 'ee atana iropu ropuna. 'Ene iha sisesa eru ani rena namana.

Revaresiani 17:3 Iomraidhean Croise

Matiu 27:28

'Enareja pu Huni ateha kajijahija 'unirama jahe'i kaivo ateha amapu'ura ka'ene kwaa ara 'ajohi'ini jipuhipo savujikano apene apúsamahara.

Akisi 8:39

'Enareja pu kamino toa vaji rene ajiru use'eme Natohwi jihuni 'Avenijara Piripuho apene va'ana. 'Ejume Uniki kajaho kú'o Piripuho pakamana. 'Enarena hu temaraji'i huni 'unama va'ana.

2 Tesaronia 2:4

Hu ori'ini ta'arosarame 'ee uneunecha ka'ene godia 'wame 'ee uneunecha ka'ene godia roji'i oja mihujija ninamahuna. 'Ene huni tinia Godoni Temiporua vaji apene hu Godia 'iavi'i hihuna.

Revaresiani 1:10

Natohwi jihuni veijino na Godoni 'Aveni vaji hiji'i hi'eme ira ni'ima'ura viati'ini sa'ini nuni túna'akino ija'ina'e 'umenana.

Revaresiani 12:14

'Ejumakame púrúha ni'ima'ura huni taha no'o napara kajara jaime vahuna vajahana'omo jaima nechi'i huni tiniji taparijaho paka'ene va'e 'iruma hami iji'i hi'eme juara no'opisune masapa iropu kwisu ijá pa'arenana.

Revaresiani 12:3

'Ejume na akúpa 'ahi kú'o niri'eme unenu pina 'e'una samai roana. Ike heha! Anaka avi'ina ni'ima'ura húmata iropu no'one atana iropu ropu navara. Ijí huni húmata 'oi'oi 'ahijaho koraunu iropu no'o ija'ina navara.

Revaresiani 12:6

'E'eme napara kajaho asehe nechi riri Godira huni tinia ka'ene amairiajino va'ana. Ijihuni maijaho hu na'ia mapoka mapoka (1,260) hami 'ajohe 'iruma mamaa iji'i hihuna.

Revaresiani 17:18

'Enakaivo napara ka'ene a kamajaho ara natohwa ni'ima'urijina. 'Ena'omo ara natohwa kajara mwe'a kehuni kinijija 'ajoahuna.

Revaresiani 17:4

Napara kajaho ateha avi'ina 'ee amapu'uri apúsamana. 'Ene huni haha sarira e'ajaramajaho korutia muna mavarasa'imaa 'ee perua ijí sarira 'enana. Huni ija tahi korutia kapusijaho hura 'uasa venujihuni sisemai 'ee sakahijara itu'o'una namana.

Revaresiani 18:12

Puni kukua ka'ene 'imehunijija ikena. Korutia siruvae muna mavarasa'ine perue ateha mavarasa'ina ka'ene monia ni'ima'ura 'imeji'inijine 'ee ateha amapu'ura ka'ene kiniepo savujine 'ee ateha sasaka 'ee ateha 'aa sa'inijine 'ee icha ani ani'ina ka'ene amua rukinijine 'ee aivori ka'ene uneunecha ani'ina iji vejujine 'ee icha ajania Parasie maporua ka'ene tevua ani ani iji vejura.

Revaresiani 18:16

'Eji'i ijá 'wahuna Ara ni'ima'urijara moni ni'ima'ura huni atehiji apúsame kini puni ateha amapu'ura 'ee avi'ina apúsame 'ee korutia 'ee muna mavarasa'ina 'ee perui unecha vene huni haha ho'o samana'omo eha sisea apeno! Eha sisea apeno!

Revaresiani 21:10

Hu na 'Aveni vaji aherime apenie huri'a niho'o ni'ima'ura 'ahi va'ana. 'Enarena ara natohwa mamaa ka'ene Jerusaremiho akúpa 'ahi Godoni rene ariha roana.

Revaresiani 4:2

Ni'aha kwinu na 'Aveni vaji hiji'i kavume akúpa 'ahi toronu nami'eme ea pina ijihuni 'aha kajine asuma hinana.