Revaresiani 11:8 - Godoni vuʼa maiuʼina

⁸ 'Ene puni hahijaho ijí ara ni'ima'ura kajihuni ma'aha riri nahuna. Ara natohwa kaji hemahare'e 'wavujaho Satami 'ee Ijipiti 'wavujino puni Natohwa 'u'o 'anaume kwamana.

Revaresiani 11:8 Iomraidhean Croise

Matiu 10:15

'Enakaivo Na nimaa nimaa 'waravu vea ka'ene 'otua ve'avari veijaho eakijahija niho'o sisea ani'ina renahuna. Kwaa ka'ene Satami Kamora renajaho asimareje niho'o ani'ina rehuna.

Akisi 9:4

'Ejume hu mwe'i 'oji'i hejume irijara ijá 'wama Soru Soru a rakijihuna'e Na sise'i 'ahiu 'wamana.

Hipuru 13:12

Ijihuna'e Jesuho Huni ehijijipo ariramaa re'avarono ara natohwa huni samai 'anaume haha hiame 'aa ari'eme kwamana.

Hipuru 6:6

'Enakaivo pu Godi ranama va'ajihuna'e pu puni sisea vwihana temukave are'ika'i kú'o 'unama rohuna areri pana. Ijihuni maijaho pu kú'o Godoni Harihiji korosi 'ahi 'anae ranavu'e Hu jumuja'ina vena avaju.

2 Pita 2:6

'Ene ara mama'ina ka'ene Satami'o Kamora'o pamaki'ika'i eha mihe venaume va'e ú'a rejajaho ea ka'ene túna'i Godi pa'ana 'wavi'i hihunijipo kahuni jihuna'e najahana.

Juta 1:7

Ijaho niareri Satami ho Kamora 'ee ara mama'ina 'aho'a ka'ene ijihipuni rori navujipo hine sisea ka'ene 'uasa vene 'ee 'unama sisea ka'ene emaapo pavejujaho vene napapo napara ihanie oju'e parupo parua ihanie ojura'omo ea kajija iviamaa vena ka'ene majama reji'i namuji hiju. Ijihuna'e nú ijí kime vwihahuna.

Revaresiani 11:13

'Ejume ijí vea nikwisu'ina vaja kajino mwevarivura ni'ima'ura roana. Ara natohwa pwinana'a tirausahume 'ee ea mapoka mapoka (7,000) mwevarivura kajara 'aniume kwamasahara. 'E'eme ea ka'ene mai'o hijajija tea junavume akúpi jihuni Godiji ta'arohara.

Revaresiani 11:9

Ea ka'ene ea ani'ina kachi'ina ira ani'ina 'ee kwaa kwaa puni haha ka'ene kwamasahi'inijija ki'eje na'ia no'opisu pa'areje 'ee puni hahijaho tanuvara'omo pakwa'ananamihuna.

Revaresiani 14:20

Aja 'ina musavuri tini ijaho ara natohwa vaja panavo samai tautiara. 'Ejumakame aja 'ina tinia kajino 'aa roe usema rena saa puna'i hirama va'e nahúna ajima roe hosi puni sanoa hari 'e'unana. 'Ene kwaa jora nahúna apena va'ana.

Revaresiani 14:8

'Ene 'ona oji'ina amuri jihuni rorijara túna'i 'ararihai'i ika'ina 'waramana. Papirani ka'ene natohwijaho ni'onana. Ni'onana! 'Ene hu vejume kwaa ara mapoka huni 'unama ka'ene 'uasa vehuna ituanamujaho pu 'waini inare'e nanamiu ja'ina'e rejara.

Revaresiani 16:19

Ara natohwa ka'ene ni'ima'urijaho riri marame no'opisu renana. 'E'eme mwe'a kehuni ara natohwa mapokijija tira'usahara. 'Enakaivo Papirania ka'ene ara natohwijaho Godira Huni seniji kapusi vaji 'waini epuna'i vena vajihunijaho parumana.

Revaresiani 17:1

'Ene Godoni 'ona oji'ina ka'ene iropu no'o tevua iropu no'o 'ekajihipuni vaji 'ona oji'ina kwinu ika'ina 'warimana Iki roa! 'Ejakame napara ka'ene ni'ima'ura 'uasa veji'ina ka'ene toa mapoka 'ahi hinu jihuni eha siseiji najahuma.

Revaresiani 17:18

'Enakaivo napara ka'ene a kamajaho ara natohwa ni'ima'urijina. 'Ena'omo ara natohwa kajara mwe'a kehuni kinijija 'ajoahuna.

Revaresiani 17:5

'Ene huni varipata 'ahi hema iha ika'ina vejara Papirani niho'o ni'ima'ura. Hu 'uasa venuni ohe 'ee mwe'a kehuni sisee maiji venuni oha 'wame vejara.

Revaresiani 18:10

Vena ka'ene hu renajihuni haruri raturiume kwaa jori namiji'i ijá 'wava Papirani ka'ene ara ni'ima'ure 'ee harusima'ura eha sisea apeno! Eha sisea apeno! Ijihuni maijaho oni eha sisea vea oma kwinu vajaki roana.

Revaresiani 18:18

Ea kajipo hura veni renani uiji kavi'i ijá 'ume'eja Ara 'aho'a ni'ima'ura hua'inijaho ichihine? 'umehuna.

Revaresiani 18:2

Hu ira ni'ima'ura 'umene ika'ina 'waramana. Papirani ka'ene natohwijaho ni'onana! Ni'onana! 'Enajihuna'e hu tinia ka'ene 'avena sisesa 'ee 'avena sisea ka'ene chiha rukini jihipuni tipura tinia rene uka chiha rukina 'ee senavi'ini jihipuni tinia renana.

Revaresiani 18:21

'E'eme Godoni 'ona oji'ina harusinijara niho'o muna ni'ima'ura apenapi soha vaji 'onavi'i ijá 'waramana. Papirani ka'ene ara natohwa niho'o ni'ima'urijaho huni vaji 'uraa 'ee chicharaa ka'ene namujaho veje pa'arejakame kú'o ara natohwa kajaho pakahuna.

Revaresiani 18:24

Huni vaji poropetia 'ee Godoni ea 'ee eaka mapoka ka'ene mwe'a kaki tiraha jihipuni 'aa piunivara.