Revaresiani 11:3 - Godoni vuʼa maiuʼina

³ 'Ejakame Nara Nuni vu'a 'waravi'ina no'ohe'i ateha tatari savi'ina irechamiakame pura Nuni vu'a na'ia mapoka mapoka (1,260) 'warahuna 'wimana.

Revaresiani 11:3 Iomraidhean Croise

Matiu 11:21

Ja ea ka'ene Koresini hine 'ee Petasaita hijujija eha sisea apehuna. Ijihuni maijaho Na joni ari uneunecha ea areri pavejura veju'ukame ja panimai roju kajihuna'e ja eha sisea apehuna. Na Taia 'ee Sairani ija'ina'e ve'ipisa pu niho'o maraku'a puni sisea niaremamaa areva'a.

Matiu 18:16

'Enakaivo hu oni ira paheja ka'amajaho a ea no'ona ho no'opisu raki aherama pu pu'úmo va'amana. 'E'irakúne hu ja ichá 'ahi'amajaho pura kama he'avara.

Ruku 10:13

Ja ea ka'ene Korasini hine 'ee Petasaita hijujija eha sisea apehuna. Ijihuni maijaho Na joni ari uneunecha ea areri pavejura veju'ukame ja panimaa roju kajihuna'e ja eha sisea apehuna. Na Taia 'ee Sairani ija'ina'e ve'ipisa pu niho'o maraku'a puni sisea niaremamaa areva'a.

Ruku 24:48

'Enajihuna'e ja uneunecha mapokakipo rejajija ja nihene kivara.

Joni 15:27

'Eje ja 'u'o Na rone ea 'aho'a najahuni jihuni maijaho ja nú pu'úmo kami aneji rene hina apene roajihuna'e najahuna.

Joni 3:27

'Ejume Joni eha vene ijá 'iama Ea pina uneunecha pamajikari 'ekuna kaivo kahi akúpa 'ahi rene vajihujiruna.

Akisi 1:8

'Enakaivo Godoni 'Aveni roe ja samahakame ja harura apenareja'e iji'a Jerusaremi 'ee Jutia 'ee Sameria Na rone najahuna. 'Ene ike mwe'akaho maho'o najahuna.

Akisi 2:32

Godira vejume Jesura 'urinaji nú maho'o nihena kavajihuna'e ja 'waravu.

Akisi 3:15

'Ejume ja Ea ka'ene majama hihuni anesurijaho 'anaara. 'Enakaivo Godira vejume kú'o 'urinaji kavara'omo nú ijí rone nimaa 'waravu.

1 Koritia 12:28

'Ene Godira sosi vaji amura apasorua iji pijihe 'ee ijihuni rorijaho poropetia pijihe 'ee vu ijihuni huna ijaho najahuna'e iji pijihana. 'Enarena iji'a ea ka'ene uneunecha ea areri pavehuniji vehuna iji pijihe 'ee swara huna ea siporua 'onahe maranihunijija pijihe 'ee pina swara ka'ene ea kaukara ani ani'ina vehuniji 'ajoahuna'e iji pijihe 'ee ea ka'ene ira ani ani'ina'e 'warahuniji iji pijihana.

2 Koritia 13:1

'Ene ikaho nuni 'aha no'opisu ijí na ja ki'irono vu'u. 'Ene vu'a nimaijija ea no'ohe'ina ho no'opiso avavukame iji'a roe nimaa'e rejura.

Epasasi 4:11

'Ene Hura swara 'aho'a apasorua vajihe 'ee 'aho'a poropetia vajihe 'ee 'aho'a ivenijarisia'e vajihe 'ee 'aho'a pasita'e vajihe 'ee 'aho'a najahi'ina'e vajihana.

Revaresiani 1:5

Jesu Keriso ka'ene nú maiji vwihanúe oja soni samuhajara vu'akaho 'warumu. Eaka mapoka ka'ene kwamasahi'inijipo kú'o 'urihuni amurijaho Jesura 'urinana. Hu mwe'a kakehuni ea mama'ini jihipuni 'Ajoahi'ina. Nú Jesu ta'arohu jihuni maijaho Hu nú oja múhe Huni 'aiji núni sisea somuhana.

Revaresiani 11:2

Temiporu huni ma'ahijaho pamina vehuna. Ijihuni maijaho ijí ma'aha kajaho Jenitaru mihana. 'Ejume pu ara natohwa akuavi'ina 'aha kajino masapa mapoka mapoka (42) namina ohuna.

Revaresiani 11:6

Vea ka'ene pu Godoni vu'a 'waravuri veijaho harura ka'ene akúpa kuve neha papihunijaho pu nuna'i navu. 'Ene puni harura kajaho areri toa veje 'aa rehuna. 'Ee mwe'akaho atama sisesa ani ani'ina areri veje rehuna.

Revaresiani 12:6

'E'eme napara kajaho asehe nechi riri Godira huni tinia ka'ene amairiajino va'ana. Ijihuni maijaho hu na'ia mapoka mapoka (1,260) hami 'ajohe 'iruma mamaa iji'i hihuna.

Revaresiani 13:5

'Ene hu masapa mapoka mapoka (42) vajijino hine ira sisea 'warame 'ee Godi matahana. 'Eji'i hu areri ani ani vehuni harura mahana.

Revaresiani 19:10

'Ejume na huni una'i one oja ma'i ve'eme hu ika'ina 'warimana. A paka'eje ija'ina'e ve'ama. Na 'u'o pwea areri a 'ee oni vwehija ka'ene Jesu rona 'waravi'inijihipu vare'ina. 'Enakúne Godiru oja ma'amana. Poropesi jihuni maijaho Jesuni vu'a ka'ene samaumai najahujina 'wimana.

Revaresiani 20:4

Na toronu mapoka kivuta. Ea ka'ene ijihuni toi hijajija 'otua vehuni harura mihana. 'Ene ea ka'ene Jesu rona 'warame 'ee Godoni ira ka'ene 'warava jihuna'e uroa 'uhuahe 'ee ea ka'ene hanuhiji oja pamahe 'ee hua'ina ka'ene vejaji oja pamahe 'ee huni aacha puni varipata 'aha 'ee ija 'aha pairechamiha jihipuni 'avena kivuta. 'Ena'omo ea kajija kú'o haha apene 'urimarame Keriso pu'úmo juara mapoka mapoka (1,000) ea 'ajoaha hijara.