Revaresiani 11:17 - Godoni vuʼa maiuʼina

¹⁷ Oo Godi niho'o harusima'ure A nitama hine 'ee iviamaa hinuna'omo nú A teimani 'wavu. Ijihuni maijaho A Oni harura natohwijara reju'e A mwe'akaho aneja vene 'ajoahu.

Revaresiani 11:17 Iomraidhean Croise

Matiu 11:25

'E'ikaivo ijihuni vea kajino Jesura eha vene ijá 'wama Amo ka'ene akúpa mwe'a ijihuni Natohwiji'o Na teimani 'wavujihuni maijaho Ara uneunechakija ea ka'ene vwiha mamaa vwihaji'inijija 'ee hena kavi'ini jihipuni una'a pavejume samaa renana kaivo kasimaaru najahana.

Ruku 10:21

Ijí vea kajino Godoni 'Avenijara vejume Hu teama'eme siporua 'one ijá 'wama Amo ka'ene akúpa mwe'a ijihuni Natohwiji'o Na teimani 'wavujihuni maijaho Ara uneunechakija ea ka'ene hene vwihaji'inijihija nuhiume vaji navume pu pakavumakivi'i kasimaaru najahana. Amo Oni ura ijaho ijara ura renana. 'Ejumakame A avanana.

Joni 11:41

'Ejume pu muna tahuma apene ani ruva'eme Jesu Huni nia ichutoi niri'i siporua 'oji'i ijá 'wama Amo A Nuni ira henujihuna'e Na teamani 'wavu 'wamana.

2 Koritia 2:14

'Enakaivo Godi teimani 'wavujaho Keriso oni vaji Hura na'ia mapoka venue uneunecha asitaha paraju. 'Ene nuni vaji Huni henaka mamaijaho kwaa ara mapokakino najahu'e pu areri amua maa'e 'uvuja'ina.

2 Koritia 9:15

Godira Huni swara mamaa ka'ene niho'o iri ta'arohe amairie 'warahuna areri pa'ana ka'ene múhajihuna'e teimani 'waha.

1 Timoti 1:12

Na Jesu Keriso ka'ene núni Natohwiji teimani 'wavujaho Hu na harura mihana. Ijihuni maijaho Hu na uchaha pa'ana'e kimarena Huni kaukara'e ve'urono iji pijihana.

Revaresiani 1:4

Na Jonira sosia iropu no'o Esia namiju jihipuna'e veju. Godi ka'ene nitama anejijaho ijí hinane 'ee iviamaa ijí hinuna'omo mai'o kú'o rohunijara maiji vwihanie oja soniji ja samahu. Godoni oja sona 'ee maijaho Godoni 'Avena iropu no'o Huni toronu una'i hiju jihipuni 'u'o rena roana.

Revaresiani 1:8

Na Aneja 'ee Na Púsa. Godi ka'ene Harusinijara ijá 'warumana Hu nitama anejijaho ijí hinana'omo iviamaa ijí hinuna'omo Hu majama ijí hina apena vahunijina 'úmana.

Revaresiani 11:15

'E'eme Godoni 'ona oji'ina ka'ene iropu no'o ijara tauja hwasi'eme ira mapoka kahi akúpa 'ahi ijá 'wava Mwe'a kehuni 'ajohi'ini jihuni tinijaho núni Natohwa 'ee Huni Keriso'o rene mwe'akaho majama 'ajohuna 'wavara.

Revaresiani 15:3

'Ene pu Mosisi ka'ene Godoni kaukara veji'ini jihuni javaa vejara. 'Ene Remui jihuni javaa 'u'o venareja ika'ina vejara. Raka ka'ene A venujaho ni'ima'ura 'ee mavarasa'ina. Oo Godi Natohwa A harusima'ura ariramaa 'ee Oni 'unama nimaa nimaa 'ee A kwaa kwaa kihipuni Kinia.

Revaresiani 16:14

'Ejakame pu 'avena sisea ka'ene uneunecha areri emaa pavehuniji vejura. Pu mwe'a sisa mapoka kihipuni kinia va'e 'eka ahumahareje Godi Ni'ima'uri jihuni vea natohwa ka'ene ajira vehuniji 'ajahuna.

Revaresiani 16:5

'Ejume na he'eme toa puni 'ona oji'inijara ika'ina 'waramana A ariramaa'e A nitama hine iviamaa hinu. A nimaa vene eha sisea ikaho mihajihuna'e A nimaa ariramaa.

Revaresiani 16:7

Na hejume swasa vejuri 'aiju vajijino ira pini ika'ina'e 'waramana I'a A Nimaa Godi Natohwe Harusima'ure Nimaa Nimaa 'ee Ara raka ka'ene venujaho nimairuna 'iamana.

Revaresiani 18:8

Ijihuni hahi na'ia kwinu'wi vajijino eha sisea ro'ena. Ahija ni'ima'ura apene temume nirame matuna vea reje 'ee hu veni aporuve rehuna. Ijihuni maijaho Godi Natohwijara eha ka'ene hu mahunijaho niho'o harusima'ura.

Revaresiani 19:11

'Ene na ka'eme akúpa 'aha vwicha jara'eme hosi sajasa'ina ijí naminana. Ea ka'ene ijihuni toi asuma hinajaho huni iha Pauchavi'ina 'ee Nimaa Nimaijina. Ijihuni maijaho Hu 'otua arira vene 'ee ajira veji'ina.

Revaresiani 19:6

'Ene na he'eme ea mapoka puni ira auaka toa mapoka puni irasa rene 'ee akúpi 'aniu'e tararimahu jara'eme ika'ina 'waramana. Hareruia! Núni Godi Natohwa ka'ene nija'ina ni'ima'ura rene hiji'inijina.