Revaresiani 1:2 - Godoni vuʼa maiuʼina

² 'Ene Godi'o Jesu Keriso'o vu'a raka ka'ene Joni 'waravume hu hene 'ee raka ka'ene hu huni nii kimajaho ijá ike asura vajakino venana.

Revaresiani 1:2 Iomraidhean Croise

Joni 1:32

'Ejume Jonira kamaji ijá 'iama Na ka'eme Godoni 'Avena kahi akúpi 'ahi rene marahu'ora puna'i ariha roe Huni haha 'ahi hinana.

Joni 12:17

'E'eme ea mapoka vea ka'ene Hura Rasarasi muna ari vaji na'eme 'umejume 'urijume ea mapoka kajipo kavara'omo ijí rone 'waravara.

Joni 19:35

Ea ka'ene ijí re'eme kamajara ijí rone 'waramu. Ijí hura rone 'waramujaho nimaa. 'Ene hu nihena kivi'ini jihuna'e hu nimaa 'waramu jihuna'e ja 'u'o hena nimaa rohuna.

Joni 21:24

Ike tisaiporu ka'ene vu'ake venukaho hu hena kimujihuna'e najahe 'ee asurakaho venu. 'Enakaivo nú niheju Hura raka ka'ene 'warumujaho nimaa nimaa.

Joni 3:11

Na niho'o nimaa nimaa a 'waravu nú raka ka'ene hena kivujiru 'waravu kaivo a niho'o núra 'waravujaho pahenuhu.

Akisi 22:15

'Ena'omo a raka ka'ene kama 'ee henajaho Hu rone ea maho'o najahuna.

Akisi 26:16

'Enakúne 'urine namina. Nara oni roujihuni maijaho a Nuni kaukara veji'ina rene raka ka'ene Nara vejume a kamaji najahe 'ee Nara naja'uji 'wara'amana.

Akisi 4:20

Nú raka ka'ene kame hejajaho areri pa'arehuna kaivo nú 'warahuna 'iavara.

1 Koritia 1:6

Vu'a ka'ene Keriso rone 'waravajaho niroe joni vaji tusame nimaa'e rena namu.

1 Koritia 2:1

Vwehu nune vea ka'ene na joni roe Godi rone najahe 'waravujaho na ira ka'ene ja pahehuni ira ho vwiha mama'ina ka'ene ja pahehunijaho paahuvi'i 'waravuta.

1 Joni 1:1

Nitama anejijaho ijí Ira kajaho ijí hinana'omo nú Hura iraka ka'ene 'warumajaho hene 'ee nú núni nii kame 'ee Hura raka ka'ene venajaho nú kame 'ee nú núni iji Hu 'unavaji rone veju. Ikaho Ira ka'ene majama hihunijina.

1 Joni 4:14

Amora Huni Hariha ranavume mwe'a kehuni Ni'ajihi'ina'e re'i roajaho nú núni nii kavaji ea 'waravara.

3 Joni 1:12

Ea mapoka Timitiriasi ta'arohe hina 'wavura. Nú Timitiriasira raka ka'ene venuji nú kama hejuji 'u'o 'waravura. 'Eju'ukame ja niheju núra raka ka'ene 'waravujija nimaa nimaa.

Revaresiani 1:11

Ika'ina 'warimana. Ara raka ka'ene hena kamajaho Esia vaji sosia iropu no'o namiju jihipuna'e puka vaji venareje ranave va'amana. Epasasi Simúna Púkamamu Taiataira Satasi Pirateripia 'ee Reatasia ranave va'amana.

Revaresiani 1:19

'Enakúne iviamaja raka ka'ene ara kimajija ijá puka vaji ve'amana. 'Ee raka ka'ene iviamaja navukija ijá ve'amana. 'Ee raka ka'ene ikehuni túna'i mai'o rehunijaho ijá ve'amana.

Revaresiani 1:9

Vwehu nune na Jonira joni asurakaho mutumutu iha Patimasi hiji'i veju. Godoni vu'a 'ee Jesura núni maa ka'ene venaji rone na ea 'aho'a 'waravumakame senavume na tipurai ranamiara. Nú ja pu'úmo 'ajori Jesuni vaji ahija vaji aruvara. 'Ene Huni harura hari hine 'ee Hura ni'ajú'eje ata kairasahe 'unama ariri hiju.

Revaresiani 12:11

Pura hu asitaha ijihuni maijaho Remui jihuni 'aijine puni nimaaroa ka'ene rona 'waravajina. 'Ene puni hiijaho oja pamaha jihuna'e kwamasahunijaho pavwihajara.

Revaresiani 12:17

'Ejume anakijaho naparijara niho'o ajima parajume huni amuhija ka'ene Godoni varapa 'ajohe 'ee Jesuni vu'a 'unanavu jihipu'úmo ajira ve'iro va'ana.

Revaresiani 20:4

Na toronu mapoka kivuta. Ea ka'ene ijihuni toi hijajija 'otua vehuni harura mihana. 'Ene ea ka'ene Jesu rona 'warame 'ee Godoni ira ka'ene 'warava jihuna'e uroa 'uhuahe 'ee ea ka'ene hanuhiji oja pamahe 'ee hua'ina ka'ene vejaji oja pamahe 'ee huni aacha puni varipata 'aha 'ee ija 'aha pairechamiha jihipuni 'avena kivuta. 'Ena'omo ea kajija kú'o haha apene 'urimarame Keriso pu'úmo juara mapoka mapoka (1,000) ea 'ajoaha hijara.

Revaresiani 22:21

Jesu Natohwi jihuni maiji vwihani'inijaho ja pu'úmuna. Ameni.

Revaresiani 6:9

Vea ka'ene aja iropu ijí Hu rasamajaho na kavume swasa vejuri 'aiju hariji ea ka'ene Godoni ira rone 'warame 'ee ihajinanava jihuna'e 'aniume kwamasaha jihipuni 'avena kivuta.