Piripai 4:8 - Godoni vuʼa maiuʼina

⁸ Túchamaijaho vwehu nune irakijara nimaa'e 'ee irakijara hura vejura 'ee irakijara arire 'ee irakijara ariramaa'e 'ee irakijara mavarasa'ina'e 'ee irakijara iha mamaa 'urihuna 'ee unenua 'aho'a mamaa areri ta'arorahuna ijákajihuni toi joni vwiha ijija irecha'avara.

Piripai 4:8 Iomraidhean Croise

Matiu 22:16

'Enareje pu puni pwehija 'ee Heroti oni pwehijijihi pu'úmo irechamiume Jesuni va'areja pu ijá 'wava Najuhi'ine nú nihena kavu A vu'a nimaaru 'waramuna. 'Ene Godoni 'unama ka'ene aririjiru ea mapoka najahuna. 'Ene A ea kwinuru pavwihanuna. 'Ene eaka mapokijija ira nikwinu 'waramuna.

Maka 6:20

Herotiho Joni juhamana. Ijihuni maijaho hu henajaho hu ea niho'o mamaa 'ee arira ijihuna'e hu Joni 'ajoahana. Heroti Jonira iraka ka'ene 'waramujaho hu ura he'i 'ahauna kaivo hu hene niho'o natohwa'e haha henuna.

Ruku 16:15

'Ejume Hu pu ijá 'iama Ja emaapo ki'eju'e hami 'urahe oju kaivo Godira joni oja vaja nihe paraji'ina. Ijihuni maijaho iraka ka'ene emaapo vwihaju'e mama'ina rejujaho Godira kimujaho ijijahija niho'o sisemaa.

Ruku 2:25

Heha! Ea pina huni ihijaho Simionina hu Jerusaremi vaji hinuna. Hu ea arira 'ee huni kaukara oja mahi'ina'omo hu Isureri opuni Mesaia 'ajaha hinuna. 'Ena'omo Godoni 'Avena hu samahana.

Ruku 23:50

'E'eme ea pina iha huna Josapina Hu kanisorua pine 'ee hu ea mamaa 'ee arimaa.

Joni 7:18

Ea pina hu huni vwiharu 'waramujaho hu ura ea natohwa re'i 'ahau'e avanu. 'Enakaivo ea irara Godi ka'ene Na ranamiume rouji ta'arohujaho hu niho'o nimaa ariramaa'e 'ee sisea pa'ana.

Akisi 10:22

'Ejume pu hu ijá 'wava Koniriasiho amia puni natohwa'omo hu ea arira 'ee Godi juhamuna. 'Eju'ukame Jua mapoka hu ta'arohura'omo Godoni 'ona oji'ina natohwijara nahumakame nú roe a aherama huni sei va'e ara vua'e 'warave hu he'irono 'waruvume nú roara 'wavara.

Akisi 22:12

'Ejume ea pina huni iha Ananaiasiho puni tamana hami hami vejukame Jua maho'o ka'ene ijino hijujija hua ea mamaa 'wavura.

Akisi 6:3

'Enakúne vwehu núne joni vaja kajino ea iropu no'o ea ka'ene Godoni 'Aveni ruha apena paraji'ina 'ee iha mamaa 'ee hami hami vwihaji'inijino pijihakame ijipo ike kaukara ikaho 'ajo'avara.

Romani 13:13

'Enajihuna'e uneunecha ka'ene ja vejujija ariramaa samaumaaru ve'avara. Areri ja veiri'i hijuja'ina'e ve'avara. 'Ene 'unama sisei jihuniji ahume toa sisea pai'avara 'ee 'uasa pave'avara 'ee toa sisea ine 'uasa vejuri 'unama ani ani'ina pave'avara 'ee pa'arahe 'ee pitena pave'avara.

Romani 13:3

'Enakaivo ea ka'ene 'unama maaru vejujija pu ijí 'ajohi'ina kajija pajuhavura kaivo ea ka'ene sisea veji'inijija ijí 'ajoahi'ina kajaho juhavura. 'Enajihuna'e ja 'ajoahi'ina kajihi pajuha'i ve'avajaho puni ira hena ve'avara. 'Enareje ja pu pu'úmo hami hi'avara.

Romani 14:18

Ijihuna'e ea irara Kerisona'e venahujaho Godiho teamavu'e 'ee emaa 'u'o nimaa'e vehuna.

Romani 2:29

Ea ka'ene Jua nimaa nimaijaho 'Avenijara huni oja vaji sisa 'uhuahajina kaivo varapa 'ararihau jihuna'e Jua rehuna pana. 'Enajihuna'e emaapo hu aromahuna pana kaivo huni arovu ijaho Godina'i rene rouna.

1 Koritia 4:5

'Enajihuna'e marako vu'a nimaijaho pahe'i kaivo ea namaha va'ava. 'Enakaivo masuani 'aja'eje Natohwijara ro'amajino iraka ka'ene nututi tanume navujija veje roe samaumaa re'amana. 'Ene emaa huni oja vaji ichá'inijaho Hura veje roe samaumaa'e rehuna. 'Ejakame ea kwinu kwino ta'arorahujaho Godina'i rena rohuna.

2 Koritia 13:7

Nú iviamaa Godoni siporua 'ojukame ja sisea paveju. Núra ika'ina ka'ene vejukaho núra raka ka'ene najahajara mamaa'e rejakame avahuna pana kaivo nú ura renujaho vea ka'ene núra arihune sa'ina'e kú'avajaho ja 'unama ka'ene aririji vehuna'e ura renukame avaju.

2 Koritia 6:8

'Ene ta'aroruhe hura pavenuhura 'ee sisea ronuhe 'wavura 'ee mamaa ronuhe 'wavura 'ee pisimisavi'ina 'wavura vo nú majano nimaa veji'ina.

2 Koritia 8:18

'Ene nú vwea pina ka'ene huni pinana ike vu'a maa maiu'ina ikehuni sosia vaji 'wama apene ojujaho ranavu'e hu hu'úmo vu'u.

2 Koritia 8:21

Ijihuni maijaho nú niho'o iraka ka'ene aririjihuni hura veju. 'Ene Natohwi jihuni una'eru pana kaivo ema puni una'a 'u'o hura hami veju.

Karesia 5:22

'Enakaivo 'Aveni jihuni 'inijija ikena. Oja 'ekaravujine 'ee mari'uvujine matauma hijujine 'ee chochumano hijujine 'ee swasina rejujine 'ee mamaa vejujine 'ee paucha'asahi'i vena ihajinanavujina.

Epasasi 4:25

'Enakúne 'unama ka'ene ira'atijaho irecha'i kaivo ea ka'ene joni rori hijujija ira nimaijino 'waraha. Ijihuni maijaho nú ea kwinu kwino puni pwinana'a.

Epasasi 5:9

Ijihuni maijaho hanaji'ini jihuni 'inijija ahume maho'o mamaa vene arira maijihi vene 'ee nimaijihi vehunijina.

Epasasi 6:14

Ja ika'ina'e ve'avajara reje ja areri kisina'e rene namihuna. Joni 'aha mo'oa charia ka'ene nimaijino irame 'ee joni túra ariramaijino vahanaha.

Piripai 3:1

Vwehu nune túchamaijaho Natohwi jihuni vaji temarasaha. Na uneunecha nikwinu'ina kehi kú'o vehunijija mai'o pasenimu. Ijihuni maijaho ijara 'ajoahe veje ja maranihuni jihuna'e veju.

Korasia 4:5

'Ene ea ka'ene samai hiju jihipuna vwiha mamaiji vwihaji'i ja iraka ka'ene ve'avajija hami ve'avara. 'Ene vea mamaa ape'avajaho vea kajaho hami ape'avara.

1 Tesaronia 4:12

'Ejakame ja ea ka'ene samaa hiju jihipuni una'a hami hine 'ee uneunecha 'aho'a papivusahuna.

1 Timoti 2:2

'Ene Kini epuna 'one 'ee ea mama'ina ka'ene 'ajoha'ina puni siporua 'ojakame nú mamaa'e matausahe hine 'ee arimaa akuavi'ina'e hihuna.

1 Timoti 3:11

'Ene 'unama nikwinu'ina kajino napahwaha epuni hura veji'ine 'ee ea 'ahopuni vu'a sisea pakosarame oji'ine 'ee opuipo hami 'ajo'aravi'ine 'ee uneunecha maho'o ariraru pauchauchahi veji'ina.

1 Timoti 3:4

Hu ea ka'ene huni kachi'ina hami 'ajohai'ine 'ee hura 'unama aririjino veju'e sesahwaha huni hura vene 'ee huni ira hene veji'inijara re'amana.

1 Timoti 4:12

'Ene veje a ea maiu'ini jihuna'e a túa paveta'avara. 'Enakaivo ara vu'a 'waramuna 'ee onuna 'ee oja mihuna 'ee nimaa ronuna 'ee arira maa ka'ene venujara ea ka'ene nimaa roji'inijija najahakame pu 'u'o ija'ina ve'avara.

1 Timoti 5:10

Ijí amuna kajihuni kara mamaa'e 'ee huni sesamaa 'ajoahe pira'eme emarejara 'ee ea apiora hami 'ahiune 'ee ea aririjija umora somahi'ine 'ee ea ka'ene ahija vaji hijujija ni'ajihi'ine 'ee hu mamaijiru vehuna ura reji'ina.

1 Timoti 5:2

'Ene paranahijija ohuana'e 'waramu ja'ina'e 'warame 'ee 'asúrijija ma'ipuana'e 'waramu ja'ina'e arira'e vwihaji'i 'wara'amana.

Taitasi 1:8

'Enakaivo hu apiora oja mihe hami 'ajoahuna. 'Ene maijiru oja mihuna 'ee hu hami vwihaji'i vehuna 'ee hu ea mamaa 'ee huni kaukara oja mihi'i venuna 'ee hu oja pahiavi'ina 'ee pa'uriji'ina.

Taitasi 2:14

Hu núnijihuna'e kwamana. Nú sisei vaji hi'eme nú Huni ea re'avarono 'eka ruva'uana. Hu nú venume Huni ea arimaa rene 'ee Huni ea ka'ene Hu mamaa nimaijihi rene 'ee nú mamaaru vehuna ura renau.

Taitasi 2:2

'Ene emaa 'u'o 'warave areme sonasahe hine hura vene vwiha hami vwihane 'ee huni nimaaroa arira name 'ee oja aririji mihe 'ee masuani ajuarana hija.

Taitasi 2:7

A 'u'o uneunecha mapoka ka'ene a ve'amajaho unama mamaaru vejakame pu 'u'o mamaaru ve'avara. A ea naja'amajaho ariraru najahe pu ara raka ka'ene najahu jihuni hura ve'avara.

Taitasi 3:14

Ehu nuna najahakame kaukara mamaa vene 'ee iviamaa huni temukaho ahija ni'ajihakame pu uneunecha puni iji veji'ina'e re'avara.

Hipuru 11:2

'Ena'omo nitama ea 'aho'a nimaa rojumakame Godi pu nimaa vetiana.

Hipuru 13:18

'Enavo nú joni vaji hina roujaho nú unenu pina venareje nú junuhuna pana. Nú raka ka'ene vejujaho ja kúvi'i núni hura vehuniji vwihaji'i vejura. Ijihuna'e núni siporua 'onu'avara.

Jemisi 1:27

'Ejume 'unama arira mamaa 'ee sisea pa'amaa ka'ene nú vejukame nuni Godi Omijara ura renujaho ikehina. 'Oja 'ee amuna ka'ene pivusahi'i hijujija 'ajohae 'ee mwe'a kehuni siseijaho tatumihi'i va'akame parenuhuna.

Jemisi 3:17

'Enakaivo mamaa ka'ene ichutoi rena roujija ikehina. Amurijaho ariramaa'e matauvi'ine masuani ajuaravi'ine hami vwihaji'ine numisarai rarena paraji'ine kara mamaa'e 'ee karokaha paveji'ina. 'Enakúne pa'aro'aroti namine choichoi pameji'ina'e re'avara.

1 Pita 1:22

Ja nimai ijihuni ira hena vejume joni oja maa renajihuna'e nimaa nimaa vwehu jona oja mi'avara. 'Ene oja vamaa kami rene roe oja 'ekara'avara.

1 Pita 2:12

Joni kara ijija Jenitaru puni vajijaho mamaa'e re'amana. Pu ja sisea namahe 'warahuna kaivo jara mamaa ka'ene ve'avaji kimareje vea ka'ene Hura 'aiha vei ro'amajaho Godi ta'aro'avara.

1 Pita 4:8

'Enakúne maho'o oja vamaa kamino rena roe oja 'ekara'avara. Ijihuni maijaho oja 'ekaravujara sisea mapoka vahamauna.

2 Pita 3:1

Ehu nuna ka'ene na ja oja mihi'inakije ikaho nuni asura amurijihuni roriji veju. 'Enare'e joni vwiha ijí venae kú'o vwiha'avarono veju.

1 Joni 3:18

Sesahu nune ma iraru oja mihu pa'waha kaivo nimaa nimaiji vene 'ee oja miha.

1 Joni 3:3

'Enajihuna'e ea irara ike nimaaroakaho Huni vaji namujihuna'e hu ori'ini vejume arira maa renana. Areri Hu arira maija'ina renuna.

1 Joni 4:1

Ehu nuna ka'ene na ja oja mihi'inakije ja 'avena mapokakija panimaa veti'avara. 'Enakaivo 'avena kajija vene kive Godoni rena rou ho pa'ajaho ki'avara. Ijihuni maijaho poropetia ira'asina mapoka mwe'akino ojura.