Piripai 4:5 - Godoni vuʼa maiuʼina

⁵ 'Ene veje joni oja ka'ene masuani ajuarasahe hiji'inijaho ea mapoka hena ki'avara. Ijihuni maijaho Natohwijaho nikehu nimaina.

Piripai 4:5 Iomraidhean Croise

Matiu 6:25

Ijihuna'e Na ja 'waravukúne jara ichá'ina ka'ene hihunijaho pavwiha'avara. Ja ika'ina pavwiha'avara nú 'iruma 'ee toa iraki i'eja pa'wa'avara. 'Enakaivo nú 'iruma 'ee toa iraki i'eja pavwiha'avara. 'Ú 'irumijara ni'ina kaivo hiijaho pana raka? 'Ee atehijipo ni'ina kaivo hahijaho pana raka?

Matiu 6:34

Niari raka ka'ene rehunijaho pavwiha'avara. Ijihuni maijaho niara huni ahijijaho niarahuna. Vea kwinu kwinu puni ahija 'oi'oi navu.

Ruku 21:34

Ja hami hami 'ajohareje pahine joni kaukararu vene 'ee toa sisea ine 'ee jara iviamaa 'unama ka'ene ichá'ina'e hami hihuna pavwihaji'i hi'avara. Ijihuni maijaho ja ija'ina hi'eje vea kajaho areri ni'aha kwino kwavaha puna'i asuma va hihuna.

1 Koritia 16:22

'Ene ea irara Natohwiji oja pama'amajaho veje hu siripavuri vajijino hi'amana. Natohwe roa!

1 Koritia 6:7

Ja ija'ina'e pavejura'e re'avajaho nimaijaho ja niarihara. Ijihuna'e ja ehu jo pu'úmo hine 'otua veti'aravi'i hiju. 'Ú ja iraka'e vene ijí sisea kajija pamakavo? Ja irakijihuna'e pamaki'eju'e ijara pisimisamo?

1 Koritia 8:13

Ijihuni hahi 'iruma irakijara veju'e nuni vwea onuna'e re'amajaho na kú'o 'iruma kajija paihuna. 'Enareje paveje núni vwea amaarename ohuna.

1 Koritia 9:25

'Enajihuna'e ea ka'ene tacharavujija pu uneunecha maho'o hami akuavura. Ija'ina ka'ene pu vejujaho pu eha ka'ene pa'arehuniji ape'irono avajura. 'Enakaivo nú eha ka'ene papa'arehuniji apehuna.

2 Koritia 10:1

Na Porura onuno ja 'ejahie Keriso oni ajuarana masuani hijura vajijino 'waravu. Na vea ka'ene ja pu'úmo ura varira kakaravujaho ajuasina'e rejura kaivo na karaa ani hijujaho na niho'o ira kisina'e jonuna'a 'waravura.

2 Tesaronia 2:2

Ja heje 'avena sisei pini 'wara'ena ho emaapo 'wara'eja ho núra asura vene 'waravu 'iavi'i Natohwi jihuni vea niroana 'iava he'avajaho joni oja pahwa'usahe 'ee joni vwiha papuruva reti'amana.

Taitasi 3:2

Pu ea 'aho'a paronahe 'warame 'ee pa'urara'avara kaivo ea 'ahopuna'i mamaa vene 'ee ea 'aho'a oja vwihani'avara.

Hipuru 10:25

'Enavo ja Godoni vu'a 'wavuri sei ahuma hine vu'a 'wa'iro ve'avajaho ea 'ahopo vejuja'ina'e paucha'asa'avara kaivo ea 'aho pu'úmo ahuma hine vu'a 'wame ni'ajara'avara. Ija'ina vehuni jihuni maijaho vea ka'ene Jesura kú'o 'unama iki mwe'i rohuna vea nitu'u namu.

Hipuru 10:37

Ea ka'ene rohunaka 'wavujara rohuni vea samatu'u renuna'omo Hu paasinahuna.

1 Pita 1:11

Ea irana ho vea iraki ijaho rehuniji henaka'i savari vajijino Keriso oni 'Avena ka'ene puni vaji hinajara raka ka'ene túna'i Kerisora haha hiana ka'ene apene 'ee Huni pinana ka'ene 'urihunijaho najahana.

1 Pita 4:7

'Ene uneunecha maho'o ikihi puni ura ijaho ni roe turana paranu. 'Enakúne jara siporua ka'ene 'ohuni jihuni hahi joni oja vwiha hami piuhihe masuani ajuarasahe hi'avara.

Revaresiani 22:20

Ea ka'ene ike uneunechake 'waramujara ika'ina 'waramu. I'a! Na marako rohuna! Nimaa! Jesu Natohwiji roa!

Revaresiani 22:7

Ike heha! Na marako ro'eju. 'Ena'omo ea irara puka kehuni vaji poropeti epuni iri 'waravaji hena ve'amajaho Na hu merajahuna.