Piripai 4:1 - Godoni vuʼa maiuʼina

¹ Ijihuni hahi vwehu nune na ja oja mihi'ina ka'ene nara kihuna ura reni'inakije ja nuni temare 'ee nuni kuraunua. Na oja mihi'inakije Natohwijihuni vaji kisima'ura'e rene hami nami'avara.

Piripai 4:1 Iomraidhean Croise

Matiu 10:22

'Enakaivo Nuni hahijihuna'e ea ja senahuna. 'Ene ea irara 'ata kairane hi'eje mwe'akaho pa'are'amajara marana parahuna.

Joni 8:31

'Ejume Jesura Jua ka'ene Hu nimaa rojajija ijá 'iama Nuni Ira ka'ene joni oja vaji namuji ja venapene va'avajaho ja nimaa nimaa Nuni tisaiporua.

Akisi 11:23

'Enarena hu ijí va'e'uji'i Godoni maiji vwihaniiniji kamajaho niho'o teamama parajume hu pu ni'ajihe ijá 'iama Natohwiji nimaa roji'i hi'avara 'iamana.

Akisi 14:22

'Ejume pu va'e ijino ea ka'ene tisaiporua ni'ajihe puni nimairoa ija kisi 'uname hina vahuna'e 'warame ijá 'iava Haha natohwa'e hianame 'ee ea sise'i 'ahú'eje nú ja pu'úmo Godoni ara vahuna 'iavara.

Akisi 2:42

'Enareja ijí apasorua kajipo najahajaho henareja pu veku veku ahuma hine siporua 'one 'ee puretia tuachame iji'i hijura.

Romani 2:7

'Enakaivo ea ka'ene na'ia mapoka'e masuani hine mamaa vene 'ee pinana maiji sarame 'ee hura vene 'ee uneunecha ka'ene majama nahuniji saravujija Hu majama hihunijaho pu mihuna.

1 Koritia 15:58

'Enajihuni hahi vwehu nune na ja oja mihi'ine kikisima'ura'e rene nami'avara. 'Ene pavarivarivi'ina'e re'avara. 'Enakaivo na'ia mapoka Natohwi jihuni kaukara asisame huri ve'avara. Ijihuni maijaho jara Natohwi jihuni vaji kaukara ka'ene vejujaho maa rukima'ura.

1 Koritia 16:13

'Enakúne nia niri'i hine 'ee nimairoa vajijino kisi namine 'ee ata kairasahe parupo hijuja'ina'e hiha.

2 Koritia 1:14

Jara areri pwinana'a hena kúvaja'ina'e nú joni maijihuna'e nú núni Natohwa Jesuni veijaho mari'uve ja 'u'o núnijihuna'e mari'uhuna.

Karesia 5:1

Nú 'ahijaho unenu'a 'ahopuni harura hara pahihuni jihuna'e Kerisoho nú venume hanasina'e rejara. 'Enakúne majamano kisina'e rene namina va'avara kaivo kú'o pwea rene harura hari hijuja'ina'e pare'avara.

Piripai 1:27

'Enakaivo joni kara 'unama mamaa ira maiu'ina ka'ene Jesu Keriso rone 'waramu ja'ina'e heha. 'E'irakúne na vu'e ja ki'eju ho na arema hi'ujaho nara hehuna'e ura reniujaho ja kisina'e namine oja 'ee vwiha kwisu rene ahume vu'a maiu'ina ka'ene nimaa roijihuna'e harura pina veju.

Piripai 1:8

'Ene Jesu Kerisora oja ka'ene 'ekauni vajijino nara ja'e ki'i 'ahiu'e oja ka'ene hejujaho Godira na kimu.

Piripai 2:16

'Ene Ira ka'ene majama hihunakaho ija kisi 'una'avara. 'Ejakame Keriso oni veijaho na ijihuna'e mari'u'uta. Ijihuni maijaho nara kaukara ka'ene vene 'ee hijujaho vea panisame vejuta'e re'amana.

Piripai 2:26

Na ranavu'e vu'ujihuni maijaho hu ja kihuna ura rena paranana. 'Enakaivo hu atami 'unavume ja hejaji henarena hu temume haha henana.

Korasia 4:12

Ipaparasiho joni ea pina ka'ene Jesu Keriso oni pwea pinijara ja 'ajoramu. Hu na'ia mapoka jonijihuna'e siporua nimaijino 'onuna. 'Ejakame ja kirasahe Godoni ura ijija maho'o hene kime areri renahuna.

1 Tesaronia 3:13

'Ene Hu ja vena'e joni oja Godi ka'ene núni Omijihuni una'i ariramaa rene panama'eje núni Natohwa Jesuho 'ee Huni ea ariramaijipo Hu hu'úmo roavari veijaho matauma namihuna.

2 Tesaronia 2:15

'Enajihuna'e vwehu núne ata kaisi namine 'ee iraka ka'ene núra iri 'waravara ho asuri vene 'waravajija ija kaisi 'una'avara.

2 Timoti 2:1

Ijihuna'e nuni harihe a maiji vwihanii'ina ka'ene Jesu Keriso oni vaji namujihuni vaji kisima'ura rena para'amana.

Hipuru 10:23

'Enakúne roe núra iraka ka'ene nimaaroa 'wavuji chichopijanamiujaho are'ikaivo ija kisi 'unanava. 'Ene Hura iraka ka'ene nahama 'waramujaho Hu pauchauchahi venuna.

Hipuru 3:14

'Enavo nú ija kisi 'uname marako nú hami vejaja'ina'e hami vena va'e uri use'avajaho nú Jesu pu'úmo Huni uneunechijaho ahuma 'ekahuna.

Hipuru 4:14

Ijihuni hahi Jesu ka'ene Godoni Harihijaho núni Ni'ajúhi'ina Mavarasa'ina Ni'ima'urijara akúpi 'ahi va'ana. 'Ena'omo nú ijihuna'e Hu ija kisi 'uname nimaa roji'i hina apena vahuna.

2 Pita 3:17

Ehu nune ijihuna'e ja nimarako hejaja'ina'e ojono 'ajo'ara'avara. 'Ejakame ea ka'ene majikarino hijujipo 'unama siseijino ja pairisame va'e joni ruha mamaa ka'ene jara kirasahe hijujaho pa'ari'avara.