Piripai 3:8 - Godoni vuʼa maiuʼina

⁸ 'Enakaivo natohwijaho ikena. Nara Jesu Keriso nuni Natohwi jihuni mavarasa'iniji maho'o hena kavujara rejume uneunecha mapoka kajija maa pa'ana'e rejara. 'Ene Keriso ape'i 'ahiume uneunecha maho'o kajija túa'e vetiume pa'arejara.

Piripai 3:8 Iomraidhean Croise

Ruku 1:43

'Ú irakijihuna'e nuni Natohwi jihuni ohakaho na uvani'i roane?

Ruku 11:20

'Enakaivo Nara 'avena sisea ka'ene 'waravu'e usevujaho Godoni ijijara reju'e avaujaho Godi oni arijaho ni joni roana.

Joni 14:20

Vea kajino ja hehuna. Na Amo oni vaji hiju'e ja Nuni vaji hiju'e Na joni vaji hiju.

Joni 14:7

Ja Na hena ki'ipisa ja Amo 'u'o hena kava'a. Ja iviamaa Hu nikame 'ee heju 'iamana.

Joni 16:3

Pu Amo pahena kame Na pahena pakivu jihuna'e pu ja ijá 'ahihuna.

Joni 17:3

Ikaho majama hihunijina. Pu A Godi ka'ene nikwinu'wi nimaa nimaiji hena kame 'ee Jesu Keriso ka'ene Ara ranavume roaji hena kahuna.

Joni 17:8

Ara Oni ira ka'ene Na vajihajija Na pu 'waravu'e pu hena vejara. 'Ene pu ijí hejujaho nimaa nimaa Na Oni rena routa. 'Ee Ara Na ranamiume roujaho pu nimaa nimaa roju.

Joni 20:13

'Ejume pu hu ijá 'wava Napara karera a raka vene niramo? 'wavara. 'Ejume hu ijá 'iama Erapo nuni Natohwa apena va'e ani ranavukame na puruva reniu'e ijihuna'e avaju 'iamana.

Joni 20:28

'Ejume Tomasi eha vene ijá 'wama Nuni Natohwe 'ee nuni Godi 'wamana.

Akisi 20:24

'Enakaivo na nuni hiijaho natohwa pakavura kaivo Godira maiji vwihanúani vu'a mamaa ka'ene ea naja'urono Natohwa Jesura mihaji na ve parahuniji kavu.

Romani 8:18

Ijihuni maijaho nara iviamaa sisei hijukaho iraka mamaa ka'ene túna'i rehuni jihuni manura vehuna areri pana.

Romani 8:39

iki kahi ichutoi va'eja ho iki kami mwe'a vaji va'eja ho unenu'u pina ka'ene vejajara areri veje Godira oja ka'ene Jesu Keriso núni Natohwi jihuni vaji múhaji ahaahuna areri pana.

1 Koritia 2:2

Na ja pu'úmo hijuti veijaho jara Jesu Kerisoho 'ee Hua'e korosi 'anaajiru hena kahuna'e ura reniana.

1 Koritia 9:10

'Ene Hu núnijihuna'e ahume 'waramu raka? Kaena! Núnijihuni hahi Godoni ira vaji ika'ina'e vene 'waramana. Ijihuni hahi ea ka'ene soa apene soa sa'amajaho hu vwihanujaho ijihipuni maa 'ekahuna ronuna. 'Eju'e ea ka'ene uja jaheji'inijaho uja jaheji'i 'aho'a ihuna vwihaji'i jahenuna 'úmana.

2 Koritia 4:4

Mwe'a kehuni Godijara ea ka'ene panimaa roji'ini jihipuni vwiha ijija tanu'urihu'e puruva retiu. 'Eju'e vu'a maa maiu'ini jihuni hanaji'inijaho 'ee Keriso oni mamaijaho pahena pakavu. Hu Godi arerina.

2 Koritia 4:6

Ijihuna'e Godira ija'ina'e 'waramana. Ira nututa vajijino hanahuna 'iamana. Ijaho Hura núni oja vaja veju'e hanavu'e Godoni henaka ijihuni mamaijaho Keriso oni urania vaji kahuna.

Karesia 1:16

Hu teamavume Huni Hariha nuni vaji vejume samaa'e rejumakame na Jenitaru puni vaji naja'urono avanana kaivo na maku'a ea ka'ene haha 'ee 'aa rukini jihipuna'a vu'a pasaravuta.

Epasasi 4:13

'Ene pura najuhe ajima va'eje núni nimaa roijaho nikwinu rena paraje 'ee Godoni Harihiji hena kavujaho roe emarena parahuna. 'Ene areri Kerisora emarenani manuri ja'ina'e rehuna.

Piripai 1:1

Poru'o Timoti ka'ene Jesu Keriso oni pwehipo ea ka'ene nimaa roji'ina 'ee eruta 'ee tikonia ka'ene Jesu Keriso oni vaji Piripai hijujihi puna'e veju.

Piripai 3:10

'Enajihuna'e na Hu hena kahuna ura renie 'ee harura ka'ene Hu vejume 'urinajaho hena kahuna'e ura renie 'ee Hura sisei hinaja'ina'e hihuna ura renie 'ee Hura kwama ja'ina'e kwahuna ura reniu.

Piripai 3:12

Na ikija ni'ekahuna pana 'ee na niroe ariramaa'e rehuna pana kaivo na majaa mai'o hine kaukara veji'i va'ura'omo va'e na ichá'ina'e re'urono Jesu Kerisora na iji pijiha ja'ina'e rehuna.

Piripai 3:7

'Enakaivo ni maku'ijaho ike 'unamakija nuni una'a mama'ina'e rejara kaivo ijija Keriso oni hahijihuna'e na ni irechavume pa'arejara.

2 Timoti 4:6

Ijihuni maijaho na toa ijuri swasa puna'i vene niusekujuta. 'Ena'omo nara vahuni vea niroe apenu.

Hipuru 3:14

'Enavo nú ija kisi 'uname marako nú hami vejaja'ina'e hami vena va'e uri use'avajaho nú Jesu pu'úmo Huni uneunechijaho ahuma 'ekahuna.

1 Pita 2:7

Ja ea ka'ene nimaa roji'ini jihipuna'i ijaho Hu niho'o mavarasa'ina kaivo ea ka'ene ara veji'inijipo ike munakaho pi'onavara. 'Eju'ukame ijí muna kajara tukeja ka'ene rira mu'oijaho aneanesina rene namu.

2 Pita 1:2

Maiji vwihani'inijine 'ee Matauvi'inijaho joni vaji Godi 'ee Jesu ka'ene núni Natohwi jihuni henaka vajijino emarena paranama.

2 Pita 1:3

'Ene Huni harura mamaa ka'ene núra hihuna 'ee arira ohuna maho'o vajúhana. Núra Huni nimaa hena kavari vajijino Hura Huni pinana 'ee mamaa vajijino nú 'umenúana.

2 Pita 1:8

Ijihuni maijaho kara ikipo jona'e rene 'ee emarena para'avajaho ijipo veje jara núni Natohwa Jesu Keriso hena kavuri 'unamijaho maa pa'ana parehune 'ee 'ina pa'ana parehuna.

2 Pita 3:18

'Enakaivo núni Natohwa 'ee Ni'ajúhi'ina Jesu Keriso oni maiji vwihani'ina 'ee henaka vajijino emare'avara. 'Ene iviamaakino rene va'e majama aneja púsa pa'ana 'ee pinana maijaho Huna. Ameni.

1 Joni 1:3

Iraka kame hejajaho nú ja 'u'o 'waravu. 'Ejakame ja nú pu'úmo hami vehuna. 'Ejume nú nimaa Amoho 'ee Huni Hariha Jesu Keriso pu'úmo hami veju.

1 Joni 2:19

Pu nú irechamú'i kaivo va'ajihuni maijaho pu núni pwina pana. Pu núni pwina re'ipisa pu nú pu'úmo hija'a. Vea ka'ene pu nú irechamúa va'ajara najuhujaho pu núni pwina pana.

1 Joni 5:20

Nú niheju. Godoni Harihijaho niroana. Hu nimaiji hena kahuni henaka ijaho múhana. 'Eju'e nú Huni hariha Jesu Keriso ka'ene nimai jihuni vaji hiju. Ijaho Godi nimaa ka'ene majama hihunijina.