Piripai 2:2 - Godoni vuʼa maiuʼina

² Ikija nimai jihuna'e vejakame temari rarenihe parani'amana.

Piripai 2:2 Iomraidhean Croise

Joni 3:29

Ea irara napara rukinijaho hu napasina. 'Ena'omo napasina napuhwa pu'úmo ahuma hine napasi neju kaji Hura 'waramuji pu hene niho'o teamanama paraju. Ijihuni hahi na Huni ira hejujaho niho'o teamanima paranu.

Akisi 1:14

Pu ijí rira kwino napara 'ee Meri ka'ene Jesuni ohijaho 'ee Huni 'u'uhijijihi pu'úmo ahuma vwiha kwisu rene siporua 'oji'i hijara.

Akisi 2:1

Jua puni Penitikosi vea natohu rejume pu maho'o rira kwinu ahuma hijara.

Akisi 2:46

'Enareja veku veko Temiporui vaji ahuma hine vwiha kwino vwihane 'ee sea sea ijí va'e puretia tuachame ine 'ee 'iruma temarasahi'i oja kwisu reji'i ijura.

Akisi 5:12

Apasoru ahuma Saramani oni oroti hiji'i ea mapoka puni vaji aacha ani ani'ina 'ee uneunecha ka'ene ema areri pavehunijaho vejara.

Romani 12:16

Ja ea mapoka oja nikwinu'wi vwiha'avara. Jarika parena o'avara. 'Ene ja ea ka'ene mena iju orijihi pu'úmo teamanahunaru pavwiha'avara kaivo ea sisea maijihi pu'úmo teamana'avara. 'Ene ja hena kavi'ina ronareje ojono ta'arosara'ava.

1 Koritia 1:10

Vwehu nune na iviamaa núni Natohwa Jesu Keriso oni iha vaji 'waravukúne veje joni vaja panakarame 'ee paahaame hiha kaivo vwiha kwinu vwihane 'ee ura nikwino rene hiha.

2 Koritia 13:11

'Enajihuna'e vwehu nune túchamaijaho temarasaha 'ee vena'e mahou'ina'e reha. 'Ene ni'ajaraha 'ee oja sonahiaha 'ee vwiha nikwinu rene matausahe hiha. 'Eje Godoni oja mihi'ina 'ee matausahi'inijara ja pu'úmo nahuna.

2 Koritia 2:3

Ike uneka kehuni hahi na joni asura vejuta. 'Ene vejuro'i vea ka'ene na vu'ujaho ea ka'ene na venie teamanihunijija paveje na temuki'avarono avajuta. Ijihuni maijaho na ja maho'o nimaa vetiu jihuna'e nuni temarijaho ja maho'o joni temara'e rehuna.

2 Koritia 7:7

'Ene hura roujiru pana kaivo ja hua'e vejume hu oja sonanajine 'ee jara núa'e kú'i 'ahi'eju'e hine temuka ka'ene apeji'i hijura 'ee jara niho'o na kihuna'e ura renaujara veniu'e natohwa'e temukimu.

Piripai 1:4

'Ene na na'ia mapoka'e mari'uvi'i maho'o jonijihuna'e siporua 'one jarima 'waravura.

Piripai 2:16

'Ene Ira ka'ene majama hihunakaho ija kisi 'una'avara. 'Ejakame Keriso oni veijaho na ijihuna'e mari'u'uta. Ijihuni maijaho nara kaukara ka'ene vene 'ee hijujaho vea panisame vejuta'e re'amana.

Piripai 2:20

Ijihuni maijaho ea pina oja na'ina piunahuna pana kaivo hura huhusuna. Huni ura nimaa nimaijaho jara ichá'ina ka'ene hijujihuni toi namu.

Piripai 4:2

Na Uotia'o Sinitike'o 'ejahie 'waravukúne Natohwi jihuni vaji ahuma mamaa'e hi'avara.

Korasia 2:5

'Ene hahijaho na ijaho pahiju kaivo 'avena vajijaho na ja pu'úmuna. Jara mamaa'e ojono 'ajo'arame 'ee Keriso nimaa rojuji kirasaha paraju jihuna'e teamanimu.

2 Tesaronia 2:13

'Enakaivo vwehu núna ka'ene Natohwijara ja oja mihukije nú na'ia mapoka jonijihuna'e Godi teimani 'wavura. Ijihuni maijaho nitama anejijino Godira ja maranihuna'e iji pijihana. 'Ene 'Avenijara somahume ja nimaijaho nimaa rojara.

2 Timoti 1:4

Nú no'o rana'aravari veijino oni nitua ka'ene arihajaho na majaa vwihanare'e na a kahuna ura renia paranu. 'Ene vea ka'ene na ka'ujino na niho'o teamanihuna.

Pairimani 1:20

I'a nuni vwee! Natohwi jihuni vaji na ni'aji'amana. 'Eje Keriso oni vaji na oja sonahi'amana.

2 Joni 1:4

Na sesahu jona 'aho'a ki'eme nimai jihuni vaji 'urahojajaho na teamanimana. Areri núra vehuna ka'ene Amouna'i apeja ja'ina vejara.

3 Joni 1:4

'Eju'ukamare'e sesahu núpo 'unama mamaiji ojuji na hejujaho na niho'o teamanima paraniu.