Piripai 2:1 - Godoni vuʼa maiuʼina

¹ Keriso oni vaji hijujara veju'e harura renau 'ee Huni oja 'ekaravujara veju'e oja sonahiu. 'Ene 'Avenijihi pu'úmo hinoju. 'Ene ea ura renae 'ee epuna'i temuka apeju.

Piripai 2:1 Iomraidhean Croise

Ruku 2:25

Heha! Ea pina huni ihijaho Simionina hu Jerusaremi vaji hinuna. Hu ea arira 'ee huni kaukara oja mahi'ina'omo hu Isureri opuni Mesaia 'ajaha hinuna. 'Ena'omo Godoni 'Avena hu samahana.

Joni 14:18

Na ja 'oja epuna'i pairechamihuna vo Na joni rohuna.

Joni 14:27

Na matauvi'inijaho jonuna'i ranavu. Nuni matauvi'inijaho Na ja mihu kaivo mwe'akara ja vajihu ja'ina pana. 'Eje ja paveje joni oja tura'i 'ahi'avara 'ee paju'avara.

Joni 17:13

'Enakaivo Na iviamaa Oni vu'u. Vu'a ikejahija Na iki mwe'i 'waravu jihuna'e puni vajijaho Nú temarijara rarena parahuna.

Akisi 2:46

'Enareja veku veko Temiporui vaji ahuma hine vwiha kwino vwihane 'ee sea sea ijí va'e puretia tuachame ine 'ee 'iruma temarasahi'i oja kwisu reji'i ijura.

Akisi 4:32

Ea mapoka ka'ene nimaa roji'ina kajija puni oja 'ee vwiha nikwinu vwihajara kaivo ea pina unenu'u pina nuna pa'iamana kaivo pu uneunecha mapoka 'eke totari 'ojura.

Romani 5:5

'Ene ijí túna'i raka ka'ene rehunijara paveje nú temukuhuna. Ijihuni maijaho Godira ea oja mihujaho Godoni 'Avena ka'ene núa múhajihuni vaji ranamana.

Romani 8:26

'Enajihuna'e 'unama nikwinu'ina kajino Godoni 'Avenijara núra pivusahujaho ni'ajúhuna. Ijihuni maijaho nú siporua ichá'ina'e areri 'ohunijaho puruva retúuna. 'Eju'e Godoni 'Avenijara Huhusu núni siporua ira ka'ene emaa areri pa'wahunijino 'ohuna.

1 Koritia 12:13

'Enajihuna'e 'Avena nikwinu'ina vaja kajino nú maho'o samume 'urine haha nikwinu rejara. 'Ene nú Jua ho Kuriki ho pwea ho matauma oji'ina nú ijí 'Avena nikwinu'ina kaji apejara.

1 Koritia 15:31

Vwehu nune na nimaa'e 'waravu. Na veku veku veniu'e kwavura. 'Ene na núni Natohwa Jesu Keriso oni vaji jonijihuna'e mari'uvura.

1 Koritia 3:16

Ja pahene pakavo? Ja Godoni Temiporua'omo Godoni 'Avena joni vaji hinu.

2 Koritia 13:14

Natohwa Jesu Keriso oni maiji vwihanii'inijaho 'ee Godoni oja mihujaho 'ee 'Avenijihi pu'úmo ahuvujaho maho'o ja pu'úmuna. Nijina.

2 Koritia 2:14

'Enakaivo Godi teimani 'wavujaho Keriso oni vaji Hura na'ia mapoka venue uneunecha asitaha paraju. 'Ene nuni vaji Huni henaka mamaijaho kwaa ara mapokakino najahu'e pu areri amua maa'e 'uvuja'ina.

Karesia 4:6

'Ene ijihuna'e ja Huni harihija'omo Godira Huni Harihijihuni 'Avena ranavume núni oja vaji roana. 'Ene Amo Amo 'umenuna.

Karesia 5:22

'Enakaivo 'Aveni jihuni 'inijija ikena. Oja 'ekaravujine 'ee mari'uvujine matauma hijujine 'ee chochumano hijujine 'ee swasina rejujine 'ee mamaa vejujine 'ee paucha'asahi'i vena ihajinanavujina.

Epasasi 4:4

'Ene haha nikwinune 'ee 'Avena nikwinuna. 'Ene mamaa ka'ene túna'i rehuna vajijihuniji ja 'umenaana.

Piripai 1:8

'Ene Jesu Kerisora oja ka'ene 'ekauni vajijino nara ja'e ki'i 'ahiu'e oja ka'ene hejujaho Godira na kimu.

Piripai 3:3

'Enakaivo nú ea ka'ene nimai jihunijino sisa 'uhuahajina. Ijihuni maijaho nú Godoni 'Avena vaji Hu oja mahe 'ee Jesu Keriso oni vaji Hura raka ka'ene núna'e venuha jihuna'e Hu 'unama apene ichutoi ahasirivu. 'Ene ijihuna'e hahijihuni 'unamijaho panimaa vetiu.

Korasia 2:2

'Ejakame puni ojijija ni'ajihuna. 'Eje oja 'ekaravuri vajijino ahuma parahuna. 'Ejakame uneunecha ka'ene maho'o hena kavura 'ee henaka ka'ene nimaa Godoni hemiji hena kahuna. Ijaho Kerisona.

Korasia 3:12

'Enajihuna'e ja ea ka'ene Godira akuavi'ina 'ee oja mihe iji pijihakije oja ka'ene ea 'aho'a kime temukame 'ee epuna'i mamaa'e vene 'ee epuni hari hijura 'ee ea ajuarasahi'ina rene masuani hijuri ojijino saha.

Hipuru 6:18

Ijihuna'e Godiho Huni ihi 'urahi'i nahama ea 'waramuna. Ike no'okija ani ani vehuna pana. Ijihuni maijaho Godiho ira'ata areri pave'ena. Ijihuni hahi nú ea ka'ene Huni niha vaji va'ajija nú paju'ika'i Hu raka ka'ene nahama 'waramajaho ija kisi 'unanama hihuna.

1 Pita 1:2

Ehu nune ja nimaa rohunijaho Godi Amoho anejiji Hu nihena kimarena ijihuna'e ja iji pijihana. 'Ene Godoni 'Aveni venae ja marasahareje Huni 'aijara venae joni sisea pa'arehuna. Godira ja maiji vwihanie matauhunijaho joni vaji itu'ona parahuna.

1 Joni 3:24

Ea irara Jesuni tamana hene venujaho hu Huni vaji hinu. 'Eju'e Jesu huni vaji hinu. Ijaho nú niheju Hu núni vaji hinu. Ijihuni maijaho Huni 'Avena ka'ene Hura nú múhajara reju'e nú niheju.

1 Joni 4:12

'Enakaivo na'i pini ei pini Godi niho'o kahuna pana kaivo nú ea 'aho pu'úmo oja 'ekaravujaho Godi núni vaji hinuna. 'Ene Huni oja 'ekaravujaho núni vaja areri renuna.

1 Joni 4:16

Godira oja ka'ene múhajaho nú hene nimaa roju. Godiho oja 'ekaravujina. 'Enajihuna'e ea irara oja 'ekaravuri vaji hinujaho hu Godoni vaji hiju'e Godi huni vaji hinuna.