Piripai 1:1 - Godoni vuʼa maiuʼina

¹ Poru'o Timoti ka'ene Jesu Keriso oni pwehipo ea ka'ene nimaa roji'ina 'ee eruta 'ee tikonia ka'ene Jesu Keriso oni vaji Piripai hijujihi puna'e veju.

Piripai 1:1 Iomraidhean Croise

Maka 13:34

Vea kajaho areri ei pini epuni ari va'i kaivo huni ara raname huni pwehija irechamiu'e kaukara raka raka ka'ene vehunijaho najahe 'ee vwicha 'ajohi'ina hami nia niri'i 'ajohuna'e 'waramana.

Joni 12:26

Ea irara Nuni kaukara ve'amajaho maka'eje Na 'ararihi'amana. 'E'irakúne kwaa ka'ene Nara hi'ujino hu 'u'o hi'amana. Ea irara Nuni kaukara ve'amajaho Amora huni iha 'unama 'urihuna.

Akisi 1:20

Godoni ira ka'ene Samusi vaji ika'ina'e vejara. Veje huni ara kwaa savasa'e renama. 'Eje ea pina pahinama 'ee huni kaukara ijaho ei pini huni tinia apena venama 'úmana.

Akisi 20:28

'Enakúne hami ojono 'ajoarame 'ee ea ka'ene jara 'ajoha'avarono Godoni 'Aveni ja 'ajohai'ina'e irechamie 'ee Godoni sosia ka'ene Hura Huni 'aijino 'imenajaho 'ajoha'avara.

Akisi 9:13

'Ejume Ananaiasi eha vene ijá 'wama Natohwe na nihejuta. Ike ea kehuni vu'ijaho hura Oni ehija ka'ene Jerusaremi hijujihi 'eke sise'i 'ahiajaho na nihejuta.

Romani 1:1

Na Poru Jesu Keriso oni pwea 'ee apasorua re'urono iji pijihe 'ee Godoni vu'a maiu'ina 'warahuna'e ranamiana.

Romani 1:7

Ja ea ka'ene Godira oja mihe 'ee Huni ea ariramaa'e rehuna'e iji pijihana ka'ene Romu hijujije Godi ka'ene núni Omijine 'ee Natohwa Jesu Keriso ja maijí vwihanie 'ee matauvi'ina mihu.

1 Koritia 16:10

'Ene iviamaa Timotira roe ja pu'úmo hi'amajaho paveje tea ju'amana. Ijihuni maijaho areri nara vejuja'ina'e hu Natohwi jihuni kaukara venu.

2 Koritia 1:1

Na Porura Keriso oni apasorua Godira Huni ura ijino iji pijihana. 'Ene Timoti ka'ene núni vweiji'o Godoni sosia maho'o ka'ene Korinitiai namuna 'ee nimaa roji'ina maho'o ka'ene Akea vaji hijujihi puna'e veju.

Karesia 1:10

Ijihuni maijaho na iviamaa emaa'e ura rena'avarono avaju ho Godi ura re'amarono 'unama saravu raka? 'Ú na emaa'e ura rena'avarono harura veju raka? 'Ene na emaa'e ura re'avarono saravuta re'ipisa na Keriso oni pwea pareju'u.

Karesia 3:26

Ijihuni maijaho ja iviamaa Jesu Keriso oni vajijino nimai rojajihuna'e ja maho'o Godoni harihija'e rejara.

Karesia 3:28

'Enajihuna'e ja Jua 'aho Kuriki 'ee pwea ho pwea pana 'ee napara ho parua ja ijá maho'o Jesu Keriso oni vajijino nikwisu'ina.

Epasasi 1:1

Na Porura Godoni ura ijino Jesu Keriso oni apasorua rejuta. 'Ena'omo Godoni ehija Epasasi hijura ka'ene Jesu Keriso oni vaji uchaha pa'ajihi puna'e veju.

Epasasi 1:15

Ikehuni hahi na joni vaji Natohwa Jesu nimaa rojuji hene 'ee jara Godoni ehija maho'o oja mihuji hejujaho pa'uhuname paturana'ika'i

Epasasi 6:24

Ea ka'ene Natohwa Jesu Keriso oja aririji mahi'inijija maiji vwihani'inijaho maho'o pu pu'úmuna. Ameni.

Piripai 2:19

'Enakaivo na Natohwa Jesu nimaa rojujihuna'e na Timotiho 'aha josu pare'eje ranave joni vuhuna. 'Ejakame na joni vu'a ichá'ina ka'ene jara hine 'ee ojuji henareje ijara ni'ajihuna.

Piripai 2:5

Ike kara ka'ene Keriso oni vaji navajija 'eke joni vaja 'u'o na'avara.

Piripai 3:12

Na ikija ni'ekahuna pana 'ee na niroe ariramaa'e rehuna pana kaivo na majaa mai'o hine kaukara veji'i va'ura'omo va'e na ichá'ina'e re'urono Jesu Kerisora na iji pijiha ja'ina'e rehuna.

Piripai 3:3

'Enakaivo nú ea ka'ene nimai jihunijino sisa 'uhuahajina. Ijihuni maijaho nú Godoni 'Avena vaji Hu oja mahe 'ee Jesu Keriso oni vaji Hura raka ka'ene núna'e venuha jihuna'e Hu 'unama apene ichutoi ahasirivu. 'Ene ijihuna'e hahijihuni 'unamijaho panimaa vetiu.

Piripai 3:8

'Enakaivo natohwijaho ikena. Nara Jesu Keriso nuni Natohwi jihuni mavarasa'iniji maho'o hena kavujara rejume uneunecha mapoka kajija maa pa'ana'e rejara. 'Ene Keriso ape'i 'ahiume uneunecha maho'o kajija túa'e vetiume pa'arejara.

1 Tesaronia 1:1

Nú Poru ho Sivenasi ho Timoti ho ijano sosia ka'ene Tesaronia Godi Amoho 'ee Natohwa Jesu Keriso puni vaji hiju jihipuna'e pasikaho veju. 'Ene maiji vwihaniujine 'ee matauvi'inijaho jona.

1 Tesaronia 2:2

Ja niheja ja'ina'e nú nimarako Piripai sise'i 'ahúume haha hianumana kaivo nú núni Godijihuni vaji harura ape'ika'i ja Godoni vu'a maiu'ina ijí ninakaraa renana vajijaho 'waravara.

2 Tesaronia 1:1

Poru ho Siruvenasi ho 'ee Timoti ijipo sosia ka'ene Tesaronia Godi núni Oma 'ee Natohwa Jesu Keriso puni vaji hijujihi puna'e pasikaho veju.

2 Tesaronia 1:10

Vea ka'ene Hu kú'o 'unama ro'amajaho ea maho'o ka'ene Hu nimaa roji'inijija 'ee Huni ea arimai jihipu'úmo Hu ta'arohe 'ee tata'ora pihuna. Ijihuni maijaho nú raka ka'ene 'waravajaho ja nimaa rojara.

1 Timoti 1:2

Timoti a nimaa ronujihuna'e a nuni hariha renana. 'Ena'omo Godi Amo'o Jesu Keriso ka'ene núni Natohwiji'o a maiji vwihanae 'ee numirame 'ee matauvi'iniji 'waramare'e veju.

1 Timoti 3:8

Ijí 'unama nikwinu'ina kajino tikoni 'u'o ea puni hura vene 'ee mitara patukaravi'ine 'ee toa sisea oja pamihi'ine 'ee 'unama siseijino monia 'eki'inijija parehuna.

Taitasi 1:1

Na Poru Godoni pwea 'ee Jesu Keriso oni apasorua. 'Ene ea ka'ene Godira iji pijiha jihipuni nimaaroa 'ee nimaiji henakame ariramaa hihuna najahu.

Taitasi 1:7

Ea ka'ene 'ajoha'inijaho Godoni kaukara hami 'ajohare'e niho'o arira'e 'uraha onuna. 'Ene hu jarika parene 'ee maraku'a pa'ajime 'ee toa sisea huni harura hara pahine 'ee ea majikari pa'anie 'ee monia 'unama sisei jihunijaho pa'ekahuna.

Pairimani 1:1

Poru Jesu Keriso oni tipurea 'ee núni vwea Timoti'i Pairimani núni vwea ka'ene nú oja mahe 'ee nú pu'úmo kaukara veji'ini jihuna'e veju.

Hipuru 13:23

Na ja hehuna ka'ene 'waravujaho núni vwea Timotiho tipura ni'e'una roana. 'Ena'omo hu marako iki ru'e'u'amajaho na aheme nú hu'úmo vu'e ja kihuna.

Jemisi 1:1

Na Jemisi ka'ene Godiho 'ee Natohwa Jesu Keriso oni pweijarana. Jua puni ituha iropu ropu no'o ka'ene rana'arame ani ani va'ajihi puna'e asura ikaho vene 'ajoravu.

1 Pita 2:25

Ja niho'o na'ia mapoka sipiepo 'unama asisame va'uja'ina'e va'ara kaivo iviamaa ja kú'o 'uname Sipia 'Ajoha'ina 'ee joni 'avena 'Ajoha'ini jihuni roara.

2 Pita 1:1

Na Saimani Pita ka'ene Jesu Keriso oni pwea 'ee apasorui ea ka'ene puni nimairoa nikwisu'ina 'ee núni Godi 'ee ni'ajúhi'ina Jesu Keriso oni arira maijihuni vaji núra apejaja'ina'e apejajihi puna'e veju.

Juta 1:1

Juta ka'ene Jesu Keriso oni pwea 'ee Jemisi oni 'u'uiji'i ea ka'ene Amo Godira oja mihe 'umenau'e Jesu Keriso ona'e 'ajoha'eju'e hijujihi puna'e veju.

Revaresiani 1:1

Jesu Keriso oni hema ka'ene mai'o rehuniji naja'iro Godira Keriso mahumakame Hura Huni 'ona oji'ina ranavume hura apena roe Huni iraru hene veji'ina Joni nahe 'waravakame Huni ehija ka'ene Huni iraru hena veji'inijija naja'ena.

Revaresiani 1:20

'Ene china ka'ene iropu no'o Nuni ija mana'ini 'ahi navume korutia naheha ka'ene iropu no'o kimajihuni hemijaho ikena. China iropu no'o ijija Godoni sosia iropu no'o ijihipuni 'ona oji'ina iropu no'ohe'ina. 'Ene naheha iropu no'o ijija sosi iropu no'ohe'ina.

Revaresiani 19:10

'Ejume na huni una'i one oja ma'i ve'eme hu ika'ina 'warimana. A paka'eje ija'ina'e ve'ama. Na 'u'o pwea areri a 'ee oni vwehija ka'ene Jesu rona 'waravi'inijihipu vare'ina. 'Enakúne Godiru oja ma'amana. Poropesi jihuni maijaho Jesuni vu'a ka'ene samaumai najahujina 'wimana.

Revaresiani 2:12

'Ene ike vu'a kakaho Púkamamu sosi 'ajohuni 'ona oji'ina ika'ina venareje 'wara'amana. Ea ka'ene so'wa 'ena ropu ropu reji'inijara ijá 'waramana.

Revaresiani 2:8

'Ene ike vu'a kakaho Simúna sosi 'ajohuni 'ona oji'ina ika'ina venareje 'wara'amana. Eakaho Hu anejijina 'ee púsijina. Hu kwamarena kú'o 'urina hinujara ijá 'waramana.

Revaresiani 22:9

'Ejumakame hu ika'ina 'warimana Ija'ina pavena! Na 'u'o pwea areri a 'ee oni vwehija ka'ene poropetia 'ee ea ka'ene puka kehuni vaji vu'iji hena vejajihipu vare'ina. 'Enakúne Godiru oja ma'amana 'wimana.