Matiu 9:2 - Godoni vuʼa maiuʼina

² 'E'ejume ea 'ahopo ea pina atami 'unamarena huni 'ata niho'o ajuaranana'omo pu huni suhiji'i apene Jesuni roume Hu kimajaho pu niho'o nimaa nimaa rojuma kimarena Hu ijí ea kajaho ijá 'wama Nuni harihe oja pahiana'amana. Oni sisea nipa'arenukúne 'wamana.

Matiu 9:2 Iomraidhean Croise

Matiu 14:27

'Ejume ni'aha kwino Jesura pu ijá 'iama Naranakúne juvujaho areha 'iamana.

Matiu 4:24

'Ejumakame Huni pinani 'urina va'e Siria vaji va'uma henarene eaka mapokijipo hahapo hianame 'ee hahapo siseranie 'ee ea ka'ene 'avena sisei ajima'e 'ee ea ka'ene mwe'i 'arihe simavi'i name 'ee ea ka'ene irima'ina 'eka Huni roume Hura vejume maranie 'ee sonahiara.

Matiu 8:10

'Ejume Jesuho ijí henarena teama'eme ea ka'ene Hua 'arariha va'ajija ijá 'iama Na nimaa nimaa ja 'waravu. Ike Isureri opuni vajakino ei pini ija'ina nimaa rohuna niho'o areri pa'ana kavu 'iamana.

Matiu 8:16

'E'eme ijihuni nusireijino ea ka'ene 'avena siseapo ajima'inijija aherame 'eka Jesuni roume Hura 'avena sisea kajija 'waravi'i sioma ato'arumana. 'Ene ea ka'ene atama 'uniravi'inijija venaume puni atama pa'arenaana.

Matiu 9:22

'Ejume Jesura aroma napara kajaho kavi'i ijá 'wama Nuni 'apajakera oja pahiana'amana. Ijihuni maijaho ara nimai ronajara veju'e maranaukúnina 'wamana. 'Ejume napara kajaho ni'aha kwinu maranana.

Matiu 9:5

'Ú 'unama ichá'inijara samaumaa'e a oni sisea niparanu 'wa'eju ho a 'urine namina va'a 'wa'ejo?

Matiu 9:6

'Enakaivo jara ijí hena ka'avarono ijihuna'e Ema Puni Harihijara iki mwe'i roe sisea vwihana arehuni haruriji'i roana 'i'i kaivo ea ka'ene 'ata ajuaraji'ina kajaho ijá 'wama 'Úrine oni suha apene ari va'a 'wamana.

Maka 1:32

Ijí nusirea kajino pu aneja vene atakina 'ee ea ka'ene 'avena sisesapo ajima'ina mapoka'e aherame Jesuni roara.

Maka 10:49

Jesu henarena masuani namiji'i ijá 'iama 'Umeje ro'ama 'iamana. 'Ejume pu ea nia supavi'ina kajaho ijá 'umeja Teamana'eje 'urina Hu a 'umenaukúne 'umejara.

Maka 5:34

Hu napara kajaho ijá 'wama Naparakera a iraka ka'ene nimaa rona ijarahara vejume a maranaana. A sonahaanakúna teamana'eje va'a 'wamana.

Maka 6:50

Pu ea mapoka Hu kame niho'o tea junava jihuna'e Hu marako ijá 'iama Naranakúne masuani hi'i kaivo juvujaho areha 'iamana.

Joni 16:33

Na uneunecha mapoka ikija ja ni'waravu jihuna'e ja Nuni vaji matauvi'ina apehuna. Ja iki mwe'i hijujaho ja sisei hiju kaivo ata kairasa'avara. Ijihuni maijaho mwe'akaho Nara ni asivuta 'iamana.

Joni 2:25

Ijihuni maijaho Hu emaapuni vaja nihena kimujihuna'e ei pini emaa ichá'iniji rone Hua 'warahuna areri pana.

Joni 21:5

'Ejume Jesu pu ijá 'umena Sesa karijee ja vi kija siriravooo? 'iavume pu eha vene ijá 'wava Pana 'wavara.

Akisi 14:9

'Ena'omo eakaho Poru oni vu'a hami henana. 'Ejume Porura hu kanamarena nia pa'ahatihi'i kanamajaho hu nimaa ronujihuna'e hu marahuna'e kamana.

Akisi 19:12

'Enare'e pu hununa'i akisia 'ee ateha hasa ijino ea ka'ene atama 'uniravi'ina'e 'ee 'avena sisea 'ajima'ina vajihu'e atama sonahiu'e 'ee 'avena sisea ariha va'ura.

Akisi 23:11

Ijihuni na'ia kajino Natohwijara roe huni rori nami'i kaivo ijá 'wama Paju'amana kaivo a ichá'ina'e rone a iki Jerusaremi 'warama ja'ina'e Romu 'u'o 'wara'amana 'wamana.

Romani 5:11

Ijiru pana kaivo núni Natohwa ka'ene Jesu Keriso oni vaji nú Godina'i teamanuma paranu jihuni maijaho Huni vaji núni napura rehunijaho apejara.

Jemisi 2:18

'Enakaivo ei pini ika'ina 'warahuna. A nimairoa rukina 'ee na kara mamaaru veji'ina. 'Ena'omo a kara mamaa pa'ana re'amajaho ichá'ina'e oni nimairoa naji'ena? 'Eje na nuni kara mamaa ka'ene vejujihuni toi nuni nimairoa najahuna.