Matiu 7:22 - Godoni vuʼa maiuʼina

²² 'Ena'omo ijihuni vea kajara ro'eja'e iji'a ea mapoka Na ika'ina 'warihuna Natohwe Natohwe 'ú nú Oni ihi vu'a 'waravure? 'Ene Oni ihi 'urahi'i 'avena sisea ajima'inijija siomahure? 'Ene uneunecha mapoka ea areri pavehuna nú vejure? 'wihuna.

Matiu 7:22 Iomraidhean Croise

Matiu 10:15

'Enakaivo Na nimaa nimaa 'waravu vea ka'ene 'otua ve'avari veijaho eakijahija niho'o sisea ani'ina renahuna. Kwaa ka'ene Satami Kamora renajaho asimareje niho'o ani'ina rehuna.

Matiu 24:36

Ijarahara rehuni veijaho eaka mapoka kijahija pahena pakavu'e ona oji'ina ka'ene akúpi 'ahi hijujijahija 'u'o pahena pakavu'e Harihiji 'u'o pahena pakamu kaivo Omijara Huhusu hena kamu.

Matiu 25:11

Josu pare'eme 'asúra 'aho'ijija 'u'o 'unama roara. Natohwe! natohwe! Vwicha tirasamúha! 'umejara.

Matiu 7:21

'Enakaivo ea mapoka ka'ene Na Natohwe Natohweru 'wivujija Godoni ara pavahuna kaivo ea ka'ene Nuni Oma ka'ene akúpa 'ahi hinujara raka ka'ene Hu ura renujiru ve'avajipo vahuna.

Ruku 10:12

'Enakaivo Na nimaa nimaa 'waravu. Vea ka'ene 'otua ve'avari veijaho ea kijahija niho'o ni'ina ani'ina rehuna. Kwaa ka'ene Satami 'wavujino renajaho asimareje niho'o ani'ina rehuna.

Joni 11:51

Hu ijaho huni vwiha ijiru pa'waramana. Ijihuni maijaho hu juara kajaho pirisiti Natohwi jihuna'e poropetia puni iri Jesura ea ka'ene mapokijihi puna'e túna'i kwahuniji rona nahama 'waramana.

1 Tesaronia 5:4

'Enakaivo vwehu núne ja nututa pahiju jihuna'e ijí vea kajaho ja nesa apeji'ina puna'i paroe asitahuna.

2 Tesaronia 1:10

Vea ka'ene Hu kú'o 'unama ro'amajaho ea maho'o ka'ene Hu nimaa roji'inijija 'ee Huni ea arimai jihipu'úmo Hu ta'arohe 'ee tata'ora pihuna. Ijihuni maijaho nú raka ka'ene 'waravajaho ja nimaa rojara.

2 Timoti 1:12

Ijihuni hahi na 'u'o ike uneunecha kehi punijihuna'e na sisei hijuta kaivo na pajunimu. Ijihuni maijaho na irá nimaa rojujaho na nihena kavu 'ee na nimaa rojujaho Hu nara raka ka'ene Hu ve'amaro mahujaho hu areri 'ajo'eje va'e vea kajaho apehuna.

2 Timoti 1:18

'Ena'omo vea ka'ene Natohwijara ro'amani veijino Natohwijara numihuna. 'Ene hu Epasasi na ichá'ina'e ni'ajihajaho a nihena kamana.

2 Timoti 4:8

'Ena'omo vea túna'i Natohwijara ariramaa huni i'esa ka'ene ranavu'e nunijihuna'e namujaho 'otua veji'ina ariramaijara roamani veijino mihuna. 'Ene nanasu pana kaivo ea maho'o ka'ene Hura rohuniji oja mahajija 'u'o vajihuna.