Matiu 5:30 - Godoni vuʼa maiuʼina

³⁰ 'Ene oni ija mana'inijara veje a sisea ve'amajaho ijí ija kajaho 'uhua pi'onave va'amana. Ijihuni maijaho oni ija 'uhua apene pi'ona'amajiana vo oni haha maho'o veni vaji vahuna.

Matiu 5:30 Iomraidhean Croise

Matiu 11:6

'Ena'omo ea irara Nuni hahijihuna'e paju'amajaho niho'o hu merajahi'ina 'iamana.

Matiu 13:21

'Enakaivo 'inijaho niho'o oja vaja chinuma pasamana'omo Godoni iriji nimai rojujihuni hahi unenu'u pini sisea puni haha 'ahi renaujaho pu marako rana 'o'uju'e ani va'una.

Matiu 16:23

'Ejumakame Jesura ta'arohe Pita ijá 'wama Setanikera túna'i rova'a 'wamana. A Na apene tanu'urihu ja'ina'e venu. A oni vwihijaho niho'o Godoni urija'ina pana kaivo emaa puni vwihija'ina vwihanu 'wamana.

Matiu 17:27

'Enakaivo vejuro'i pu ajina'ejakúne va'e sohi kimai oname kija amura ka'ene e'ama jihuni ira jara'amajaho monia tita apene Nuna 'ee onaji'i takisia ve'amana 'wamana.

Matiu 18:8

'Enakaivo oni ijina ho mumori vena'e a sisea ve'amajaho ijaho 'uhua ato'aruve va'amana. Maijaho a núpúvi'i onareje majama hihuna apehuna. 'Enakaivo a ija mumora no'o no'o re'amajaho a va'e vena ka'ene pautaruti savi'inijino rehuna.

Matiu 22:13

'Ejumakame kinijara pwehwaha 'waravume pura eakaho apene ija mumora kamome apene pi'onavume ma'ahi nutuma namajino va'arena nirame 'ee upaja chanichanivi'i namana.

Matiu 25:20

'Ejume ea ka'ene monia K5,000 'ekajara roe monia kú'o K5,000 ka'ene hura venajaho 'eka roe ijá 'wama Natohwe a monia K5,000 vajihana kaivo na huri monia kú'o K5,000 vejuta 'wamana.

Matiu 26:31

'Ejumakame Jesura pu ijá 'iama Ja iviasi na'iakino Nuni hahi ja juhahuna. Ijihuni maijaho nitama Godoni ira vaji ika'ina 'warumana. Nara ea ka'ene sipia 'ajohi'ina kajaho 'anaakame ijí sipia kajijahija juhaha jirijiri va rana'eja 'úmana.

Matiu 5:22

Na niho'o nimaa nimai ja 'waravu. Ei pini napuraha 'ajime 'ee se'amajaho ea kajaho 'otua vetihuna. 'Ee ea irara vweaha húmata pa'ana 'wa'amajaho hu 'u'o 'otua ni'inijino vehuna. 'Ee ea irara a 'vwiha pa'ana 'wa'amajaho hu veni vahuna arerina.

Matiu 5:29

'Ene oni nia mana'inijara vena'e a sisea ve'amajaho nia kuha kajaho tajahena pi'onave va'amana. Ijihuni maijaho oni haha kwisu kajara veje oni haha kajaho maho'o veni vahuna sisea.

Maka 9:43

Oni iji veje a Godoni 'unama pataaro'amajaho a 'uhuna'amana. Maijaho a ija rona kwinu apene hia mamaa apehuna kaivo ija no'ohe'i re'amajaho veni renuni kwaa ka'ene vena pa'utarotisavi'ini ijino va'ena.

Ruku 12:5

'Enakaivo ja irá juhahunijaho Na ja 'warahuna. Godi ka'ene areri 'anaa kwavakavi'i pi'onama'e veni vahuniji juha'avara. I'a Na ja 'waravu. Hua'e juha'avara.

Ruku 17:2

Ea ka'ene veju'e sesamakihi sisea vejujaho muna natohwa apene oroa 'ahi vevahame soha vaji pi'onave kwa'ipisa areri reja'a.

Romani 9:33

Areri Godoni ira vaji vejaja'ina'e Heha! Nara Saioni muna ka'ene emaapo pitachinamie arihe 'ee muna ka'ene emaapo ijihuni toi pijau'ika'i arihunijaho ranavuta. 'Enakaivo ea irara Hu nimaa ronujaho hu oja pahiahuna 'iamana.

1 Koritia 8:13

Ijihuni hahi 'iruma irakijara veju'e nuni vwea onuna'e re'amajaho na kú'o 'iruma kajija paihuna. 'Enareje paveje núni vwea amaarename ohuna.

Karesia 5:11

'Enakaivo vwehu nune na sisa 'uhuahuji rone majaa najahujaho irakijihuna'e Jua na majaa ruariho? Ija'ina'e re'amajaho korosi jihuni vu'a ka'ene rone 'wavujaho areve parahuna.

1 Pita 2:8

'Ene muna ka'ene amaarename 'ee muna ka'ene tanurihujina. Ijihuni maijaho pu Ira pahene vejujihuna'e pu eha sisea apehuna'e iji pijihara.