Matiu 5:18 - Godoni vuʼa maiuʼina

¹⁸ Na nimai nimai ja 'waravu ike akúpa mwe'akaho ni'aha kwino ijá pa'arehuna. 'Enakaivo unenu'u pina ma'uparitumaa ho ma'u'ua Godoni Iri jihuni vaji navujaho niho'o papa'arehuna kaivo ijá na'eje uneunechaka mapokijija roe areri rehuna.

Matiu 5:18 Iomraidhean Croise

Matiu 10:15

'Enakaivo Na nimaa nimaa 'waravu vea ka'ene 'otua ve'avari veijaho eakijahija niho'o sisea ani'ina renahuna. Kwaa ka'ene Satami Kamora renajaho asimareje niho'o ani'ina rehuna.

Matiu 10:23

'Enakúne ari pini ja ruaraha ki'avajaho marako'a juhaha va'e ari pini va'avara. 'Enakaivo Na nimai ja 'waravu ja joni kaukara ka'ene ike Isureri opuni ara kwaa vajakino vejujaho mai'o pave para'eje Na Ema Puni Harihijaho kú'o 'unama rohuna.

Matiu 10:42

Na niho'o nimaa nimaa 'waravu. Nuni tisaiporu ijihuna'e ea ma'u'umaakihi toa huanava kimareje toa 'e mi'avajaho ea kajaho eha maa paasihuna 'iamana.

Matiu 11:11

Na niho'o nimaa nimaa ja 'waravu Joni Papitisita eaka mapoka ka'ene mwe'a kakino hijujaho hura asitahana. 'Enakaivo Godoni ehija ma'u'umaijipo Joni asivu.

Matiu 13:17

'Enakúne hami vwihanana'avara. Poropetia 'ee ea arira mapoka'e ura jara uneunechaka kima hejujihi kima he'i 'ahiara kaivo pu pakima pahejara.

Matiu 16:28

Emaa Puni Hariha Hura 'ajohuni kwaijaho ea ka'ene ike namiju kijahija mai'o pakwamasa'eje roe kahuna 'iamana.

Matiu 17:20

'Ejumakame Hu ijá 'iama Ijihuni maijaho ja hamia panimaa rojujihuna'e areria parenau. 'Enakaivo Na nimaa ja 'waravu joni nimaa roijaho areri kwava 'ina sa'ina'e re'amajaho ja 'warave huri'a karaho tajahena va'e kamakaru namina 'wa'avajaho huri'a kajaho tajahene kamakaru vahuna. 'Ene unenu'u pina jonuna'a kisina parehuna.

Matiu 18:18

'Enakaivo Na nimaa nimaa ja 'waravu uneunecha ka'ene jara iki mwe'i kamo'avajaho akúpa 'aha 'u'o kamohuna. 'Ene jara iki mwe'i rasa'avajaho akúpa 'aha 'u'o rasahuna.

Matiu 18:3

'Ene ijá 'iama Na nimai ja 'waravu ja pata'arohe roe kasima sa'ina pare'avajaho ja Godoni ara niho'o pakahuna.

Matiu 19:23

'E'eme Jesura Huni tisaiporu ijá 'iama Na nimaa nimaa ja 'waravu ea ka'ene uneunecha mapoka rukinijipo Godoni 'unami vahunijaho niho'o kisina 'iamana.

Matiu 19:28

'Ejume Jesura pu ijá 'iama Na nimaa nimaa ja 'waravu. Vea ka'ene mwe'a maiu'ina ve'avari veijino Ema Puni Harihijara Huni ruha hanaji'ina ka'ene asuma hi'amajino ja ea ka'ene nú pu'úmo ojukija ruha iropu ropu no'ohe'i ijí asuma hinareje Isureri opuni ituha iropu ropu no'o navujija 'otua vetihuna.

Matiu 21:21

'Ejume Jesura ijá 'iama Na nimaa nimaa'e ja 'waravu Ja 'unama nikwinu nimaa ro'avajaho ja areri ike iviamaa matakake renaja'ineru pavehuna kaivo jara huri'ake ika'ina 'warave hu tajaheuna 'urina va'e sohi 'ona 'wave ijá rehuna.

Matiu 21:31

'Enakaivo ea iraka sa'inijara omahoni ira hene venane? 'iamana. 'Ejume pu ijá 'wava 'U'uijarana 'wavara. 'Ejume Jesura ijá 'iama Na nimaa nimaa ja 'waravu. Ea ka'ene takisia apeji'ina 'ee ea ka'ene 'uasa veji'inijipo asitahe urasahe Godoni ara vahuna.

Matiu 23:36

Na nimaa nimaa ja 'waravo. Uneunechakija roe ea ka'ene iviamaija hiju jihipuni haha 'ahi rehuna.

Matiu 24:2

'Enakaivo Jesu pu eha vene ijá 'iama Ike uneunecha mapoka kija nikivo? Na nimaa nimaa'e ja 'waravu. Ike araka kehuni toi ja kivu kijahija ni'aha kwino tira'usahe arira na'eja vo muna pina niho'o pihuna toa pamakave nahuna 'iamana.

Matiu 24:47

Na nimaa nimaa'e a 'waravu. Hu huni kukua mapoka kajija maho'o huni ija tahi ranave hura 'ajohuna.

Matiu 25:12

'Enakaivo hu eha vene ijá 'iama Na nimaa nimaae ja 'waravu. Na niho'o ja pakivura 'iamana.

Matiu 25:40

'Ejakame Kinijara pu eha vene ijá 'ihune Na nimaa nimaa ja 'waravo. Ikejahija ja Núni ehijijihi vajihara vo ja nimaa pu pavajihara kaivo Na vajihara 'iahuna 'iamana.

Matiu 25:45

'Ejumakame Hura pu ijá 'iahuna Na nimaa nimaa'e ja 'waravo. Jara Nuni ehija ka'ene pani'ajihajija ja Na'e pani'ajihe avajara 'iahuna.

Matiu 5:26

Na nimaa nimai a 'waravu a ijí tipurai hinuva'o monia túchamaa ijaho maharene ro 'e'uhuna.

Matiu 6:16

'Enakúne jara 'aura are'avajaho era ki'avarono ura nia paajurasahe o'avara. Areri ea ka'ene ira'asinijipo vejuja'ina'e pave'avara. 'Eju'ukame eaka mapokijipo kima henareje pu 'aura arevara ro'avarono avajura. Na niho'o nimai ja 'waravu. Pu puni eha niapejara.

Matiu 6:2

Ja ura ea uneunecha pa'amaiji swara vaji'irono ve'avajaho ja ea mapoka ni'i ni'i ki'avaroreje nipia apena hwasi'ava. Ijihuni maijaho ea ka'ene ira'asinijipo Sinakoku vaja 'ee ma'ahi riri kaji ani ani vejakame ea 'ahopo pu ta'arora'avarono ija'ina vejura. Na niho'o nimaa nimai ja 'waravu. Pu puni eha niapejara.

Matiu 8:10

'Ejume Jesuho ijí henarena teama'eme ea ka'ene Hua 'arariha va'ajija ijá 'iama Na nimaa nimaa ja 'waravu. Ike Isureri opuni vajakino ei pini ija'ina nimaa rohuna niho'o areri pa'ana kavu 'iamana.

Maka 10:15

Na nimaa ja 'waravo. Ea irara Godoni ariji sesamaa puna'i paape'amajaho hu ijaho pavahuna 'iamana.

Maka 10:29

Jesu ijá 'iama Na nimaa ja 'waravo. Nuna 'ee Godoni vu'ijihuna'e ei pini huni mwe'a ara omaha oaha pokaha 'u'uaha ma'inaha sesahwaha irechami'amajaho

Maka 11:23

Nimaa Na ja 'waravu Ea irara huri'a kare ijá 'wa'amajaho 'auma va'e sohi 'ona 'wa'i kaivo huni oja vaja papuruva reti'i kaivo nimaa ro'amajaho iraka ka'ene hura 'waramujaho rehuna.

Maka 12:43

'Ejume Jesu Huni tisaiporu 'umenaume pu Huni roume Hu ijá 'iama Nimaa Na ja 'waravu amuna kajarahara uneunecha pa'amai monia eaka mapoka kajipo roe katua ka'ene savajaho asita ranamana.

Maka 13:30

Na nimaa ja 'waravu. Eaka kijahija maho'o pakwamasa'eje uneunecha ikijahija rehuna.

Maka 14:18

Pu ahuma ojuta hwene 'iruma iji'i Jesu ijá 'iama Na ja nimaa nimaa 'waravu ja ei pini Na nahamihuna Na hu'úmo 'iruma inu 'iamana.

Maka 14:25

Na niho'o nimaa nimaa 'waravu. Na ajina riha kú'o paihuna kaivo Na Godoni ara va'areja'e kú'o maiu'ina ihuna 'iamana.

Maka 14:30

'Ejume Jesu Pita ijá 'wama Na a nimaa nimaa 'waravu. Iviasi na'ii a 'aha no'opisu hemareje Na pakimuna i'eje 'u'ora 'aha no'ohe'i 'umehuna 'wamana.

Maka 14:9

Na niho'o nimaa nimaa ja 'waravu. Kwaaka mapokakino Godoni vu'a maa maiu'ina ichihichihi 'wa'avajaho ijí napara kajara venaji 'u'o pu 'wame vwihahuna 'iamana.

Maka 3:28

Heha! Na nimaa ja 'waravu. Na emaa puni sisea mapoka'e vwihanie arehuna. 'Ee sisea niho'o mapoka ani ani'ina ea rona'avajaho Godi vwihanie arehuna.

Maka 6:11

Ja ara pini va'e pu ja pataarorahe joni vu'a pahe'i 'ahie veja ki'avajaho nijinakúne joni mumora hari túa taireve ariha kimareje ea mapoka hene kimareje ijá 'wahune Ea kajija puni vu'a paheju kamare'e avaju 'wahuna 'iamana.

Maka 8:12

Jesu oja areri pare'eme ijá 'iama Ea iviamaa urijakihija rakijihuna'e aacha pina veje ka'i 'ahiu'e 'warivu? Na nimaa nimaa ja 'waravu Na aacha pina niho'o ea ka'ene iviamaa urijakihija panajahuna 'iamana.

Maka 9:1

Jesu ijá 'iama Na nimaa nimaa 'waravu. Ea 'aho'a ike namijukija pu marako'a Godira haruriji'i 'ajoha'i roa kamareja'e túna'i kwamasahuna 'iamana.

Maka 9:41

Ea irara a Keriso onijihuna'e kapusi toa 'e ma'amajaho Na nimaa nimaa 'waravu hu huni ea paasinahuna.

Ruku 11:51

Eporu ka'ene ea aririjihuni 'aa arihaji rena roe Jakaraia oni 'aa ka'ene Temiporu 'ee swasa vejuri 'aijua rira mu'oa kaji 'anaji ro 'e'unana. Na ja 'waravu. Ijihuni eha ijaho eaka iviamai hijukipo apehuna.

Ruku 12:37

Pwea ka'ene puni natohwijara kú'o 'unama ro'amarono amairiarame 'ajaha hijujija niho'o teamana'eju'e hiju. Na nimaa nimai ja 'waravu. Hu huni ateha apúsame 'warave asuma hi'eje hura 'iruma 'eke vajihe ihuna.

Ruku 13:35

Heha! Joni ara kajaho josu pare'eje ranave savasa rehuna. Na ja 'waravu. Ja Na niho'o pakimu va'u'e iji'a ja ika'ina 'wahuna. Natohwijihuni iha 'ahi ea ka'ene roujaho merajaho 'wahuna 'iamana.

Ruku 16:17

Mwe'a 'ee akúpakaho pa'arehuna kaivo Godoni ira niho'o papa'arehuna.

Ruku 18:17

Na nimaa nimai ja 'waravu. Ea irara sesamapo Godoni ara apeju ja'ina'e paape'amajaho Godoni ara pavahuna 'iamana.

Ruku 18:29

'Ejume Hu ijá 'iama Na nimaa nimai ja 'waravu. Ea pina mai'o huni ara napara vwehwaha emahwaha 'ee sesahwaha Godoni arijihuna'e irechamiajara

Ruku 23:43

'Ejume Hu ijá 'wama Nara nimaa a 'waravu jihuna'e a iviasi Na hu'úmo Parataisi hihuna 'wamana.

Ruku 4:24

Na nimaa nimaa 'waravu ea ka'ene poropetia huni ara vajijaho hami paapene 'ajovura.

Joni 1:51

Hu hu ijá 'wama Na nimaa nimaa a 'waravu. A ki'eje 'ona oji'ina kahi akúpa 'ahi vwicha re'eje Emaa Puni Harihijihuni 'ahi ariha roe ajima vai'i hihuna 'wamana.

Joni 10:1

Na nimaa nimaa 'waravu. Ea irara sipi epuni vwichi paaru'ikaivo ani ajima arihujaho hu areri nesa apeji'ina.

Joni 10:7

'Ejumakame Jesu kú'o 'waramarena ijá 'iama Na nimaa nimaa 'waravu Na sipia epuni vwicha.

Joni 12:24

Na nimaa nimai ja 'waravu. 'Witia 'ina mwe'i vaji pa'o'eje na'avajaho manavu kaivo mwe'i vaji 'onavajaho 'ina mapoka rehuna.

Joni 13:16

Na nimaa nimai ja 'waravujaho pwea huni Natohwiji'i areri pana. 'Ena'omo ea ka'ene ranavu'e roujaho ea ka'ene hua'e ranavume roajaho paasimuna.

Joni 13:38

'Ejume Jesu ijá 'wama 'Ú a nimaa Nunijihuna'e kwa'ena? Na nimaa nimaa a 'waravu a 'aha no'opisu Na pakimuna 'i'eje ijí túna'i 'u'ora 'umehuna 'wamana.

Joni 14:12

Na nimaa nimai ja 'waravu. Ea irara Na nimaa roni'amajaho kaukara raka ka'ene Na vejuja'ina hu 'u'o vehuna. 'Ene kaukara ka'ene Nara vejukija asitahareje mama'ina vehuna. Ijihuni maijaho Na Amo oni va'ujihuna'e 'waravu.

Joni 16:20

Na ja nimaa nimaa 'waravu. Ja niramarume hine 'úchia 'ehuna. 'E'eje mwe'akaho hu mari'uhuna. 'E'eje ja niho'o temukama paranihuna. 'Enakaivo joni temuka kajaho ta'arohe temara'e rehuna.

Joni 16:23

Ijí vea kajaho ja Na unenu'u pina paaporihuna. Na nimaa nimai ja 'waravu. Ja unenu'u 'aho'a'e Nuni ihi 'urahi'i Amo jari'avajaho Hu vajihuna.

Joni 21:18

Na a nimaa nimaa 'waravu a vea ka'ene kivasa hinajaho a orono vwiha irame a ura ichihichihi va'i 'ahaujaho ijí va'una kaivo a emaa re'amajaho a ichihichihi ura va'i 'aha'amajaho pu iji 'unaramone vwiha iramahe a kwaa ka'ene pava'i 'aha'amaji pu aherame vahuna 'wamana.

Joni 3:11

Na niho'o nimaa nimaa a 'waravu nú raka ka'ene hena kivujiru 'waravu kaivo a niho'o núra 'waravujaho pahenuhu.

Joni 3:3

Jesu eha vene ijá 'wama Na nimaa nimaa a 'waravu. Ea kú'o panahe'avajaho hu Godoni ara pakahuna 'wamana.

Joni 3:5

Jesura eha vene ijá 'wama. Na nimaa nimaa a 'waravu. Ea toa 'ee Godoni 'Avenijara nahe'amajiana vo hu Godoni ara pavahuna.

Joni 5:19

'Ejume Jesu eha vene ijá 'iama Na nimaa nimai ja 'waravu. Godoni Hariha Hu Huni vwiha ijaho niho'o pavenu kaivo raka ka'ene Hu ka'eju'e Omahi venujiru venuna. Uneunecha mapoka ka'ene Omahi venujaho Hariaha 'u'o ija'ina venuna.

Joni 6:26

'Ejume Jesu eha vene pu ijá 'iama Na ja nimaa nimaa 'waravu. Ja Na sarivajihuni maijaho Nara Nuni aacha ka'ene najahuji kimareje sarihuna pana kaivo ja puretia ijume tú'ava jihuna'e Na sarivu 'iamana.

Joni 6:32

'Ejume Jesu pu ijá 'iama Na nimaa nimai ja 'waravu. Puretia ka'ene akúpi 'ahi rena roajaho Mosisiho ja pavajihana kaivo Nuni Omijara Puretia nimaa nimaa akúpi 'ahi rena roajaho mihana.

Joni 6:47

Na nimaa nimai ja 'waravu Ea irara nimaa ronujaho hu majama hihunijaho apenana.

Joni 6:53

'Ejume Jesu ijá 'iama Na nimaa nimai ja 'waravu ja Emaa Puni Hariha kajihuni haha paine 'ee Huni 'aa pai'avajaho ja majama hihuna joni vaja pa'ana.

Joni 8:34

'Ejume Jesu eha vene pu ijá 'iama Na nimaa nimai ja 'waravu. Ea ka'ene sisea vejujaho sisea kajihuni pwea rejura.

Joni 8:51

Na nimaa nimai ja 'waravu. Ea irara Nuni ira ike ija kisi 'uname huni vaji rana'amajaho hu kwahuna pakahuna 'iamana.

Joni 8:58

'Ejume Jesu ijá 'iama Na nimaa nimai ja 'waravu. Eparahamiho mai'o panaheji'ini Na ni ijí hijuta 'iavume

1 Pita 1:25

'Enakaivo Natohwi jihuni Irijaho majama nama va'una'omo ijaho Ira ka'ene ja najahajina.

Revaresiani 20:11

'E'eme toronu sajasa'ina ka'ene ni'ima'urijaho kavuta. Ea ka'ene ijihuni toi asuma hinajihuni una'i mwe'a 'ee akúpa juhaha pu vahuna tinia pa'arenana.