Matiu 5:16 - Godoni vuʼa maiuʼina

¹⁶ Ija'ina'e joni hanaji'inijara ea mapoka puni una'i hanani'amana. 'Ejakame pu kive maaru vejakame pu joni Oma ka'ene kahi akúpa 'ahi hinuji ta'arohuna.

Matiu 5:16 Iomraidhean Croise

Matiu 23:5

Uneunecha ka'ene pura vejujijahija emaapo ki'avarore'e pu ijá vejura. Pu era ki'avarore'e túkua ka'ene Godoni ira ijihuni vaji navi'inijaho 'eke 'ee ateha ani'iniji same 'urahojura.

Matiu 23:9

'Enakúne ja mwe'akino ea pina'e nuni Ome 'wa'ava. Ijihuni maijaho joni Oma kwinu'wi kahino akúpa 'ahi hino.

Matiu 5:45

'Enareje ja joni Oma ka'ene akúpa 'ahi hinujihuni harihija re'avara. Hu Huni vea veju'e ea ka'ene siseijihipuna rine 'ee maijihipuna 'u'o rinuna. 'Ene Hu veju'e neha pine ea maijihipuna marane ea sisea veji'ini jihipuna 'u'o maranuna.

Matiu 6:16

'Enakúne jara 'aura are'avajaho era ki'avarono ura nia paajurasahe o'avara. Areri ea ka'ene ira'asinijipo vejuja'ina'e pave'avara. 'Eju'ukame eaka mapokijipo kima henareje pu 'aura arevara ro'avarono avajura. Na niho'o nimai ja 'waravu. Pu puni eha niapejara.

Matiu 6:9

'Enakúne siporua ika'ina 'o'avara. Amo akúpi 'ahi hino ese. Oni iha niho'o nimaa nimai'omo A veje nú Oni iha ta'aroraha. A roa nú 'ajohua hina. 'Ene oni ura ijara akúpa 'ahi venuja'ina'e mwe'a 'u'o ija'ina'e venama. 'Iruma iviasi areri ihuniji vajúha. Ea nú sise'i 'ahúu'e nú vwihana 'arevuja'ina'e nú 'u'o A sise'i 'ahaukúne A vwihana 'arema. Nú niho'o sisea vwihanare'e oja 'urinukúne A 'ajohue ni'ajúhe nú sisea paveja. A 'ajohu'ina. A ajira rukina. Oni iha ni'ima'ura. A majama ija'ina. Amo ese. Nijina.

Matiu 9:8

'Ejumakame ea mapoka ijí Godoni harura kaji kamareja Godi ta'arohara. Ijihuni maijaho Godira harura kajaho emaa vajihana.

Ruku 11:2

Hu ijá 'iama Ja siporua ika'ina 'o'avara. Amo Oni iha niho'o nimaa nimaa'omo A roa nú 'ajohua.

Joni 15:8

'Ejakamareje ja 'ina mapoka re'avajaho ijara Amo oni pinana 'urihuna. 'E'avajihuna'e ijara naja'amajaho ja Nuni tisaiporu.

Akisi 9:36

Ara ka'ene Japana 'wavujino tisaiporua pina Tapitana. 'Enakaivo Kuriki puni iri 'urahujaho Tokasina 'wavura. 'Ena'omo ike naparakaho hu ea hami 'ahie 'ee ea ka'ene uneunecha pa'ajihi ni'ajihuna.

1 Koritia 14:25

'Ene hema ka'ene huni oja vaji navujija veje roe samaahiravakame hu aruha arihe Godi oja mahi'i ijá 'iava'e Godiho nimai joni vaji hinu 'iahuna.

2 Koritia 9:13

Ijí jara vajihuni kaukara mamaa ka'ene vejujara reje pu Godiho ta'arohuna. Ijí swara ka'ene ja pua 'ee ea 'aho'a vajihujara najahujaho ja Keriso oni ira maiu'ina mamaijara 'waramuji henare'e vejara'e renu.

Karesia 1:24

'Ene pu nuni hahijihuna'e hine Godi ta'arohura.

Epasasi 2:10

Ijihuni maijaho nú Huni Isura'e Jesu Keriso oni vaji venuana. 'Ejakame kaukara mamaa ka'ene nitama Hura amairiaramaji ve'avarono venuana.

Epasasi 5:8

Ijihuni maijaho ja marako nututi hinojara kaivo iviamaa ja Natohwijihuni vaji hanaji'ini hiju. 'Enakúne hanaji'ina puni harihipo 'uraha ojuja'ina'e o'avara.

1 Tesaronia 2:12

Ijihuna'e Godi ka'ene ja 'umenau'e Huni ara 'ee hanaji'inijino vahuna 'iamajihuni 'unama ka'ene Hura kive areri rehunijino o'avara.

1 Timoti 2:10

'Ene napara pu Godi ura renuja'ina'e veji'ina 'wavujihuna'e pu kara mamaijiru vehuna.

1 Timoti 5:10

Ijí amuna kajihuni kara mamaa'e 'ee huni sesamaa 'ajoahe pira'eme emarejara 'ee ea apiora hami 'ahiune 'ee ea aririjija umora somahi'ine 'ee ea ka'ene ahija vaji hijujija ni'ajihi'ine 'ee hu mamaijiru vehuna ura reji'ina.

1 Timoti 5:25

Ijí 'unama nikwinu'ina kajino ea 'aho'a mamaa ka'ene vejujija kima hejura kaivo vu ea 'ahopo mamaa ka'ene vejujija pahene paki'eju'e navura'omo túna'i roe samaa reje kihuna.

1 Timoti 6:18

'Ene 'warave mamaa vene 'ee mamaa'e vejujara pununa'a rarena parani'amana. 'Ene ea swara rukina rene 'ee ea vajihuna amariarama para'avara.

Taitasi 2:14

Hu núnijihuna'e kwamana. Nú sisei vaji hi'eme nú Huni ea re'avarono 'eka ruva'uana. Hu nú venume Huni ea arimaa rene 'ee Huni ea ka'ene Hu mamaa nimaijihi rene 'ee nú mamaaru vehuna ura renau.

Taitasi 2:7

A 'u'o uneunecha mapoka ka'ene a ve'amajaho unama mamaaru vejakame pu 'u'o mamaaru ve'avara. A ea naja'amajaho ariraru najahe pu ara raka ka'ene najahu jihuni hura ve'avara.

Taitasi 3:14

Ehu nuna najahakame kaukara mamaa vene 'ee iviamaa huni temukaho ahija ni'ajihakame pu uneunecha puni iji veji'ina'e re'avara.

Taitasi 3:4

'Enakaivo Godi ka'ene núni Ni'ajúhi'inijara Hu mamaa vene 'ee ea oja 'ekaujaho najuhana.

Hipuru 10:24

'Enakúne 'unama ka'ene ni'ajarahuni 'unamijihi vwihane 'ee oja 'ekarame 'ee mamaa vehunijihi vwihaha.

1 Pita 2:12

Joni kara ijija Jenitaru puni vajijaho mamaa'e re'amana. Pu ja sisea namahe 'warahuna kaivo jara mamaa ka'ene ve'avaji kimareje vea ka'ene Hura 'aiha vei ro'amajaho Godi ta'aro'avara.

1 Pita 2:9

'Enakaivo ja iji pijihari eijina 'ee pirisitia ka'ene ea nimaa nimaijina 'ee ea ariramaa'omo ja Godoni ea rejara. 'Ena'omo ja Huni mamaiji rone ta'arohuna 'ee Hura nutuvi'ina vajijino iji pijihe 'eka rova'e Huni hanaji'ina maa vajijino irechamiana.

1 Pita 3:1

Napare 'unama nikwinu'ina kajino paruhu jopuni hari hi'avara. 'Ejakame parua 'aho'a ka'ene ike Irake pahene vejujija ira pa'warahuna vo napahwa puni kara ijipo venae pu nimaa rohuna.

1 Pita 3:16

'Enakaivo oni vwiha veje arira'e re'amana. 'E'irakúne emaapo vu'a ira'atijino 'wame 'ee a ninama'avajaho oni kara mamaa ka'ene Keriso oni vaji namujara veje pu junahuna.

1 Pita 4:11

Ea irara vu'a 'wara'amajaho maka'eje hu Godira 'waramu ja'ina'e 'wara'amana 'ee ea irara ea 'aho'a ni'aji'amajaho Godira harura ka'ene mahajino ni'aji'amana. 'Ejakame uneunecha mapoka vajakino Godiho Jesu Keriso oni vaji ta'arohuna. Ijihuni maijaho pinana 'ee uneunecha mapoka Huni harura hari aneja púsa pa'ana'e navu. Ameni.

1 Pita 4:14

'Enajihuna'e Jesuni ihijihuna'e sise'i 'ahie 'wara'avajaho ja teamana'avara. Ijihuni maijaho 'Avena ka'ene pinana rukinijaho 'ee Godoni 'Avena ja pu'úmo hinu.