Matiu 5:12 - Godoni vuʼa maiuʼina

¹² Ja niho'o teamaname 'ee mari'u'avara. Ijihuni maijaho joni eha natohwa kahino akúpa 'ahi namu. Ea 'aho'a nimarako poropetia ka'ene hijajija sise'i 'ahiaja'ina'e ja 'u'o sise'i 'ahihuna.

Matiu 5:12 Iomraidhean Croise

Matiu 16:27

Ema Puni Harihijara ro'amajaho Amoni hanaji'ina 'ee Huni ona oji'ina pu'úmo rohuna. 'Ene ea kwinu kwino pura iraka ka'ene vejujaho eha ija'ina apehuna.

Matiu 6:16

'Enakúne jara 'aura are'avajaho era ki'avarono ura nia paajurasahe o'avara. Areri ea ka'ene ira'asinijipo vejuja'ina'e pave'avara. 'Eju'ukame eaka mapokijipo kima henareje pu 'aura arevara ro'avarono avajura. Na niho'o nimai ja 'waravu. Pu puni eha niapejara.

Ruku 13:34

Oo Jerusaremi ore Jerusaremi ore jara poropeti ka'ene irechamiume joni vu'ajija 'aniume kwamasahare 'ee ea 'aho'aka irechamiu'e joni va'ajaho muni 'aniume kwamasahara. Na'iaka mapoka kikano Na ura joni sesamaa aherame rira kwino irecha'i 'ahiuna. Areri 'u'orapo 'u'uhwaha'e huni taha vaji irechavu'e ahuma hijuja'ina'e ve'iro vejujaho ja niho'o ura parenaura.

Ruku 6:23

Vea kajaho ja niho'o teamanama para'eje mari'uvi'i ohurikusaha. Ijihuni maijaho joni eha mamaa kahino Godoni ara akúpa 'ahi namu. Puni sahipo nijano poropetia ka'ene marako hijajija sise'i 'ahiaja'ina'e ja 'u'o sise'i 'ahihuna.

Ruku 6:35

'Enakúne joni naka oja mihe 'ee pununa'i hami vene 'ee eha 'ekahuna pavwihaji'i vaji'avara. Ijihuni maijaho ja eha natohwa'e kahi akúpi 'ahi apene 'ee ja Godi ka'ene niho'o Ichuto Maijihuni harihija'e rehuna. Godiho ea ka'ene Hu patea manavi'inijija 'ee ea ka'ene sisea ni'ima'ura veji'inijija hami 'ahiuna.

Akisi 16:25

'Ejara'omo na'ia rimai Poru'o Sairasi'o hine siporua 'one 'ee javaa vene Godi ta'arohi'i hi'eme tipura ea 'aho'ijaho hine heji'i hijara.

Akisi 5:41

Pu kanisoru puni una'i are'i kaivo arihe temaraji'i va'ajihuni maijaho pu Jesuni ihijihuna'e ea pu sise'i 'ahie 'ee juha apeja jihuna'e avajara.

Romani 5:3

Ijiru pana kaivo nú sisei hi'eja vo nú teamanuma paranúhuna. Ijihuni maijaho ijí sisei hi'avajara ni'ajú'eje nú masuani hina apena vahuna.

1 Koritia 3:8

Ijihuna'e ea ka'ene 'ina 'onuji'o toa vajihuji'o nikwinu'ina. 'Enakaivo ea kwinu kwino pura kaukara ka'ene vejaja'ina'e eha ija'ina'e 'ekahuna.

2 Koritia 4:17

'Ene ike ahija ka'ene núra iviamaa ma'u'umaa ka'ene apejukihi 'eke temara ni'ima'ura ka'ene núra majama apehuniji'i manura vehuna niho'o areri pana.

Piripai 1:29

Ijihuni maijaho ja Keriso nimaa rohuneru pana kaivo Hunijihuna'e sisei hihuna 'u'o mihana.

Piripai 2:17

'Enakaivo na toa ijuri swasa puna'i vene joni nimaa roiji ni'ajihuna'e usekuniara. 'Ena'omo na mari'ume teamani'eju'e nuni temarijaho ja pu'úmo 'wame nasaravu.

Korasia 1:24

Na teamanimu jihuni maijaho na jonijihuna'e haha hianimu. 'Ene Kerisora Huni haha ka'ene sosijihuna'e sisei hinajihuni pwina ijaho nara sisei hiju'e pa'arenu.

Korasia 3:24

'Enajihuna'e ja nihena kavuja'ina'e Natohwi jihuna'i ja aachijija eha vene 'ekahuna. Ijaho ja Natohwi jihuna'e venahe avaju.

1 Tesaronia 2:15

Pu Natohwa Jesu 'anae 'ee poropetia 'ania ja'ina'e nú 'u'o 'ararihúume usevara. 'Enajihuna'e pu Godira ura renuja'ina pavene 'ee emaapuni nana'eji'ina'e rejara.

Hipuru 10:34

'Ene ea ka'ene tipurai irechamia jihipu'úmo ahuma sisea apejara. 'Ene uneunecha ka'ene ja 'ajohajaho 'etujihara vo ja teamana'eme matauvara. Ijihuni maijaho joni uneunecha mavarasa'ina ka'ene majama nahunijaho ijí 'ajiha namujaho ja nihejara.

Hipuru 11:26

Maijaho hu Keriso onijihuna'e sisei hihuna vo Ijipiti opuni kukua rukima'ura mamaijaho pave'eju ronana. Ijihuni maijaho Godira huni eha mamaa ka'ene vajahuniji kavi'i va'arena avanana.

Hipuru 11:33

Nimairoa vajijino eakipo kinia 'ahopuni ara 'e'unie ariramaijino 'ajoahara. 'Enare'e Godira raka ka'ene nahama 'waramajaho 'eke 'ee raioni puni ira pijuturihura.

Hipuru 11:6

Ijihuni hahi nimairoa pa'a Godi veje teamahuna niho'o areri pa'ana. 'Ena'omo ea irara Godoni ro'amajaho Godi ijí hinuji nimaa ro'amana. 'Ene ea irara Hu sa'amajaho Hu eha maa vajihi'ina ro'amana.

Jemisi 1:2

'Ene vwehu nune hami vwihane nirisa'avara. Vea ka'ene ja venakia ani ani'ina piuni'avari vajijaho temarasa'avara.

Jemisi 5:10

Vwehu nune areri poropetiepo Natohwi jihuni iha toi vejaja'ina'e siseisei hi'avajaho masuani ajuarasahe pura vene najaha kaja'ina'e hi'avara.

1 Pita 4:13

'Enakaivo temarasa'avara. Ijihuni maijaho Kerisora siseisei hinajihuni pwinana'a rene avaju. 'Ena'omo Hura ro'amajino ja Huni pinana vaji temarasaha parahuna.