Matiu 4:3 - Godoni vuʼa maiuʼina

³ 'E'eme 'avena sisei roe ijá 'wama A Godoni Hariha re'amajaho veje munakaho puretia renama 'wamana.

Matiu 4:3 Iomraidhean Croise

Matiu 14:33

'Ejumakame ea ka'ene sisima vaji hijajipo Hu oja mahi'i ijá 'wava A nimaa'e Godoni Hariha 'wavara.

Matiu 16:16

Saimani Pitara eha vene ijá 'wama A Kerisona. A Godi ka'ene mai'o hiji'inijihuni Hariha 'wamana.

Matiu 26:63

'Enakaivo Jesuho niho'o ira pa'waramana. 'Ejumakame pirisitia natohwa kajara ijá 'wama Godi ka'ene mai'o hiji'inijinakúne 'waruma. A Keriso ka'ene Godoni Harihiji re'amajaho 'waruma 'wamana.

Matiu 3:17

'E'eme ira kahi akúpa 'ahi rena roe ijá 'iama Ikaho Nuni Hariha ka'ene Na oja mahujina. Na Hunijihuna'e niho'o teamanimu 'iamana.

Maka 1:1

Jesu Keriso ka'ene Godoni Harihijihuni vu'a maijihuni aneja.

Maka 3:11

'Avena siseapo vea ka'ene Jesu kavujaho mwe'i arihi'i A Godoni Hariha 'umejura.

Maka 5:7

Hu ira ajira emaavaji'i ijá 'wama Jesu Godi niho'o Natohwi jihuni Hariha A iraka na veti'ena? Na jarirama 'waravukúne A na pasise'i 'ahi'amana 'wamana.

Ruku 1:35

'Ejume 'ona oji'inijara eha vene ijá 'wama Godoni 'Aveni samahuna. 'Ee harura ka'ene maho'o Ichuto Maijihunijara raorahuna. Ijihuni hahi Hariha ka'ene arira maiji nahe'amajaho Godoni Hariha 'wahuna.

Ruku 22:70

Pu Hu apome ijá 'wava 'Ú A Godoni Harihe? 'wavara. 'Ejume Hu pu ijá 'iama Ja Na 'warivu kajaho Na nimaa ijina 'iamana.

Ruku 4:3

'Ejume Setanijara Hu ijá 'wama A Godoni Hariha re'amajaho muna ike veje puretia rejakame ina 'wamana.

Ruku 4:41

'Ejume 'avena sisea mapoka'e Hura vejume usevi'i ijá 'umejare A Godoni Hariha 'umejara. 'Ejume Hu 'ararihie vejume pu ira pa'waravara. Ijihuni maijaho Hu Kerisoho pu nihena kavura.

Ruku 4:9

'Ejume hu Hu ahema va'e Jerusaremi Temiporu 'ahi ranavume namijumakavi'i ijá 'wama A Godoni Hariha re'amajaho iki kami mwama pi'onama 'wamana.

Joni 1:34

Na kavuji ja 'waravu. Ikaho Godoni Hariha 'iamana.

Joni 1:49

'Ejume Nataneru eha vene Hu ijá 'wama Najuhi'ine A Godoni Hariha 'ee A Isureri opuni Kinia 'wamana.

Joni 20:31

'Enakaivo vu'a ike vejajihuni maijaho Jesuho Kerisone 'ee Hu Godoni Harihijina 'omo ijí nimaa ro'avajaho Huni iha 'ahi majama hihuna apehuna.

Joni 9:35

Jesura henajaho pu ranavume hu samai va'ana'e henana'omo piunamarena ijá 'wama 'Ú a Emaa Puni Harihijaho nimaa rono? 'wamana.

Akisi 9:20

'Enarena hu va'e Sinakoku vaji aneja vene Jesu rone najahe ijá 'iama Hu nimaa nimaa Godoni Hariha 'iamana.

2 Koritia 1:19

Ijihuni maijaho Godi oni Hariha Jesu Keriso rone joni vaja kajino núrane 'ee Siruvenasine 'ee Timotine ijá najahajaho i'a 'iavujaho i'a 'ee pana 'iavujaho pana kaivo Huni vajijaho i'a.

Karesia 2:20

Na Keriso'i korosia 'ahi 'aniara. 'Ena'omo iviamaa nara nanasu hihuna pana kaivo Kerisora nuni vaji hinu. 'Ene nara hia ka'ene iviamaa haha kehunijino hijujaho Godoni Hariha ka'ene na oja miharena Huhusu nunijihuna'e mihaji nimaa roji'i hiju.

1 Tesaronia 3:5

Ijihunihahi na areri pakairahuna'e henarejo joni nimaa roijí he'i 'ahiu'e ranavu'e vu'u. Ijihuni maijaho na oja hianimujaho vejuro'i pisivisavi'inijara pisimiakame núra kaukara ka'ene vejajaho maa pa'ana'e rena ve'amarono ranavu'e vu'u.

Hipuru 12:16

'Enakúne joni vaji ea 'aho'a 'uasa pavene 'ee Godi pamatahareje Isora venaja'ina pave'avara. Hu 'iruma huni hahi poka huni harurijaho 'u'ua huna'i 'imenana.

Hipuru 4:14

Ijihuni hahi Jesu ka'ene Godoni Harihijaho núni Ni'ajúhi'ina Mavarasa'ina Ni'ima'urijara akúpi 'ahi va'ana. 'Ena'omo nú ijihuna'e Hu ija kisi 'uname nimaa roji'i hina apena vahuna.

Hipuru 7:3

Merakisiteka oha oma pa'ane 'ee hu amuja ichihi rena roajaho paheji'ina. 'Ene hu nahejajaho pahena pakame 'ee huni hia aneja púsa paheji'ina. 'Enakaivo hu majama ni'ajihi'ina rena apena va'ana. Hu Godoni Harihiji vare'ina.

1 Joni 3:8

Ea irara sisea venujaho hu 'avena sisei jihuni ea. Ijihuni maijaho 'avena siseijaho nitama anejijino sisea venana. Godoni Harihijara roajihuni maijaho 'avena sisei jihuni kaukara tiraku'i roana.

Revaresiani 2:10

'Enakúne jara sisea ka'ene piunihunijija niho'o pajuha'avara. Ike heha! Setaniho ja ea 'aho'a vena kime tipura samahuna 'ee na'ia iropu ropu ja ruarahe sise'i 'ahihuna. 'Ene hu ja sise'i 'ahie 'ania kwamasa'i ve'avajaho ja Na niho'o patúchahi'avara. 'Eje Nara ja majama hihuni koraunu vajihuna.