Matiu 4:24 - Godoni vuʼa maiuʼina

²⁴ 'Ejumakame Huni pinani 'urina va'e Siria vaji va'uma henarene eaka mapokijipo hahapo hianame 'ee hahapo siseranie 'ee ea ka'ene 'avena sisei ajima'e 'ee ea ka'ene mwe'i 'arihe simavi'i name 'ee ea ka'ene irima'ina 'eka Huni roume Hura vejume maranie 'ee sonahiara.

Matiu 4:24 Iomraidhean Croise

Matiu 12:22

'Enakaivo ea 'ahopo ea ka'ene 'avena sise'i ajimarena ira pa'warame 'ee nia paniri'inijaho ahema apene Jesuni roume Hura vejume ea kajaho nia nirie ira 'waramana.

Matiu 14:1

'E'eme vea kajino ea ka'ene Karari ara kwaa 'ajohi'ina ka'ene Herotina 'wavujaho Jesuni pinana henana.

Matiu 15:22

'Ejumakame napara pina Kenani ora'omo roe Jesu ijá 'wama Natohwa ka'ene Teviti oni Hariha karera numirima! Ijihuni maijaho 'avena sisei nuni 'apaja ajime apene sise'i 'ahaunakúne 'wamana.

Matiu 17:15

Natohwe nuni hariha numima. Ijihuni maijaho hu na'ia mapoka húmata siseraju'e nanamare'e 'one veni rene 'ee toi 'onuna.

Matiu 17:18

'Ejume Jesura 'avena sisea kajaho 'urarahume ariha va'eme ni'aha kwino ijakaru kasimaa kajaho maranana.

Matiu 4:23

'Enarena Jesura va'e Karari vaja kaji 'uraha oji'i puni Sinakoku vaji Godoni arijihuni vu'a mai maiu'ina najahana. 'Eji'i eaka mapokijihi atama ani ani'ina ka'ene rena'e 'ee 'uniravajija vejume sonahiara.

Matiu 8:28

'E'ejume sisima kajaho roe toa ropuna'i Katarini roi'i kivume ea no'ohe'i 'avena sisei ajimaukame pu va'e euchi hinone pu niho'o ajisima'ora 'ee ani ani vejukame ea 'unama kajihuna kajaho paojura'omo Hu va'e ijihi piunimana.

Matiu 8:33

'Ejumakame ea ka'ene ijí maha kaji 'ajohi'inijipo ninukujaha va'e ari useme ijí maha kajihipuni vu'a 'warame 'ee ea ka'ene no'ohe'i 'avena sisei ajima'ini jihipuni vu'a 'u'o 'waravara.

Matiu 8:6

'Ene hu ijá 'wama Natohwe nuni pwea pina atami ni'ima'uri 'unavu'e niho'o areri pavarime 'ee haha natohwa hi'eju'e namu 'wamana.

Matiu 9:26

'Ejumakame ijihuni pinana kajara renapene arara kajiano va'ana.

Matiu 9:35

'E'eme Jesuho va'e ara mama'ina 'ee ara ma'u'umaa ijino puni Sinakoku ka'ene namijujino Godoni vu'a mai maiu'ina ka'ene Huni ara rona 'waramaji najahana. 'Eji'i ea ka'ene atama 'uniravi'ina 'ee unenu'u 'aho'a ani'ina renaujija vejume sonahiara.

Maka 1:28

Hu ijá venajihuni vuijaho Karari vaja marako he parajara.

Maka 1:32

Ijí nusirea kajino pu aneja vene atakina 'ee ea ka'ene 'avena sisesapo ajima'ina mapoka'e aherame Jesuni roara.

Maka 2:3

'Ejume ea ka'ene irivi'inijaho ea no'ona no'ona ijipo kima apena roara.

Maka 2:4

'Ejume pura 'unama ka'ene apene va'e aruhuna areri parejumakame pu apene kahi ata huri tita napamareja ea irivi'ina kajaho kichiji'i ijino apúsavume arihana.

Maka 2:9

Na ichá'ina'e irivi'inakaho 'wara'ejo? Na huni sisea vwihana are'eju ho Na 'wave 'urina huni kicha apene va'ena?

Ruku 2:2

Vea ka'ene Kwiriniasi Siria opuni 'ajohai'ina renani vajijino iha amura'e aneja vene tahara.

Ruku 4:14

'Ejume Jesuho kú'o 'unama Godoni 'Aveni jihuni haruriji'i Karari va'ana. 'Ejume Huni pinanijaho 'urijume kwaa ara mapoka kajaho he parajara.

Ruku 4:38

'Ejume Hu 'urina Sinakoku kajaho are'ika'i Saimani oni arijino va'ana. Saimani oni jura paranahijaho haha ohoa natohwa'e rejume pu Jesura ni'aja'amarono huni iha 'ahi 'ona vejara.

Ruku 5:15

'Enakaivo Huni pinanijaho ara mapoka henareja ea mapoka'e Huni vu'a hene 'ee atama puna veje pa'are'amaro roajivara.

Ruku 5:24

'Enakaivo jara Ema Puni Harihijihuni harura ka'ene iki mwe'i ea vwihanie arevuji hena ka'avarono Hu haha ajuaraji'inijaho ijá 'wama Na a 'waravukúne 'urine oni suha apene ari va'a 'wamana.

Ruku 7:17

'Ejume ike Huni pinana kajaho 'wama apene va'e Jutia useme 'ee ijí ara rora kajaho he parajara.

Joni 10:21

'Enakaivo ea 'ahopo ijá 'wava Ea ka'ene 'avena sisei ajima'inijija vu'a ija'ina areria pa'waruvura. 'Ú ea ka'ene 'avena sisei ajima'inijija ea ka'ene nia supama'inijija areria venau'e maraniure? 'wavara.

Akisi 10:38

Ja nihejara Jesu ka'ene Nasareti Godira Huni 'Avena mahe 'ee Huni harura iji'i mahana. 'Ejumakame Godi hu hu'úmo hinujihuna'e Hu kwaaka mapokakino va'e mamaa vene ea ka'ene 'avena sisea ajimai'ina siomahuna.

Akisi 15:23

Pu pasikaho apena va'ara. Apasorua 'ee vwehu nuna ka'ene eruta ijipo vwehu nuna ka'ene Enitioki 'ee Siria 'ee Sirisia Jenitarua ka'ene hijujihi 'ajorame Esu'ua 'iavu.

Akisi 15:41

'Ejume hu va'e Siria 'e'une 'ee va'e Sirisia va'ana. 'Ene sosia ka'ene ijino hijujija ata kisi nami'avarono vu'a ni'ajihe 'waramana.

Akisi 28:9

'Ejumakame ea mapoka ka'ene mutumutua kaji'ura ka'ene atami 'uniravi'inijija nianaa apene huni roume maraniara.

Akisi 8:7

Ea 'avena sisea 'ajima'ina mapoka ijí hijara'omo Hura venaume ijí 'avena sisea kajipo niho'o ajira emaavara'i kaivo ariha va'ara. Ea 'aho'a irima'ina 'ee haha ajuarani'ina vejume marasahara.