Matiu 4:23 - Godoni vuʼa maiuʼina

²³ 'Enarena Jesura va'e Karari vaja kaji 'uraha oji'i puni Sinakoku vaji Godoni arijihuni vu'a mai maiu'ina najahana. 'Eji'i eaka mapokijihi atama ani ani'ina ka'ene rena'e 'ee 'uniravajija vejume sonahiara.

Matiu 4:23 Iomraidhean Croise

Matiu 11:5

Ea ka'ene nia supama'inijija nia niriu'e ea ka'ene irima'inijija 'urahe matauma oju'e ea ka'ene reporosia rukina pa'arenau'e ea ka'ene ataa pa'ajija heju'e ea ka'ene kwamasahi'inijija ni'urine mai'o hiju. 'Eju'e Godoni vu'a mai maiu'inijaho ea ka'ene pivusahi'iniji najahu.

Matiu 12:9

'Enarena Jesuho ijí ruha kajaho are'i kaivo sinakoku naminujino va'ana.

Matiu 13:19

'Ina ka'ene 'unamu toi arihajihuni maijaho ikena. Pu Godoni arijihuni vu'a hejura kaivo ijihuni mai pahejura. 'Avena siseijara roare'e Godoni ira ka'ene puni oja vaji namujaho 'etujiha 'ato'arumuna.

Matiu 13:54

'Enarena Hu va'e Huni ari 'e'une ijino puni Sinakoku vaji pu najahumakame Hura vu'a ka'ene 'waramaji ea henareja niho'o oja hwa'usunahara. 'Ejuma kamareja pu ijá 'wava 'Ú ike vu'a anejakaho Hu ichihi apenane? Hura uneunecha ka'ene ea areri pavejura ka'ene venajaho ichihi apenane? 'wavara.

Matiu 14:14

'Ejumakame Hu sisima vaji rena arihi'i eaka mapoka kaji kimarena oja tura'i 'ahaana. 'Ejumakame Hu puni ea ka'ene atami 'uniravi'inijija vejume sonahiara.

Matiu 24:14

'E'eje ijí Godoni arijihuni vu'a maa maiu'iniji kwaka mapoka kakino najahapene ohuna. 'Ejakame kwaaka mapokakino ea ka'ene hijujijahija ijaho hina ka'eja'e iji'a mwe'akara pa'arehuni urijaho rohuna.

Matiu 3:2

Hu ijá 'waramana Ta'aroha joni sisea amairie arira renama. Godoni arijihuni 'unama niroe tu'u renukúnina 'iamana.

Matiu 9:35

'E'eme Jesuho va'e ara mama'ina 'ee ara ma'u'umaa ijino puni Sinakoku ka'ene namijujino Godoni vu'a mai maiu'ina ka'ene Huni ara rona 'waramaji najahana. 'Eji'i ea ka'ene atama 'uniravi'ina 'ee unenu'u 'aho'a ani'ina renaujija vejume sonahiara.

Maka 1:14

Joniho tipura vaji hi'eme Jesuho Karari roe Godoni vu'a 'waramana.

Maka 1:21

'Ejume pu va'e Kapeniami usevajaho Sapatia vea'omo Jesuho aruma va'e Sinakoku vaji hine najahana.

Maka 1:39

'Ejume Hu Karari araka mapoka kajino Sinakoku vaji vu'a najahe 'ee 'avena siseapo ea ajima'iniji sioma ato'arumana.

Maka 3:10

Hu ea mapoka veju'e marania jihuni hahi ea puni haha siseijipo Jesu iji 'una'i 'ahiume tacharavara.

Maka 6:2

Sapati veijino Hu va'e Sinakoku ea najahana. Ea mapoka sea kajaho ani re'eme Hu 'waramaji pu henareja oja hwa'usahara. Pu ijá 'wava Hura 'waramu kajaho ichi apenane? Hu ichi kamane? Irara Hu nahane? 'Ene ijí unekajihuni harura Hu ichá'ina veno?

Maka 6:6

Pu Jesu kamareja panimaa rojajaho Hu niho'o puruva renana. Túna'i Jesu va'e arara kajino ea mapoka najahapene onana.

Ruku 10:9

Atakina ka'ene ara kajino hijujija veje maranie 'ee ea kajija ijá 'waraha Godi oni arijaho joni romai roana 'i'avara.

Ruku 13:10

Na'ia pina Jua puni Sapatia veijino Jesu Jua puni Sinakoku vaji hine najahana.

Ruku 16:16

Nitama rene varapa tamana 'ee poropetiapo 'waramape rouva'o roe Jonira hinaji 'e'ujara. Vea kaji rene Godoni arijihuni vu'ijaho najahukame ea mapokakaho ijí 'unama kajino va'aru'iro piijaravu.

Ruku 20:1

Na'ia pini Hu Temiporu vaji hine najahe Godoni vu'a mamaiji 'wara'eme pirisitia mama'ina 'ee Sikuraipia 'ee ea mama'inapo

Ruku 4:14

'Ejume Jesuho kú'o 'unama Godoni 'Aveni jihuni haruriji'i Karari va'ana. 'Ejume Huni pinanijaho 'urijume kwaa ara mapoka kajaho he parajara.

Ruku 5:17

Na'ia pini Hu hine naja'eme ijihuni vaja kajino Parasia 'ee ea ka'ene tamana najahi'inijija ijí hijara. Pu ara kwinu kwino Karari vaja 'ee Jutia vaja 'ee Jerusaremi vaji rena roe ijí hijara. 'Ejume Natohwi jihuni harurijaho ijí vea kajaho Jesura ea'e veje marani'amarono namana.

Ruku 6:17

Hu pu pu'úmo ariha roe amari namiji'i kivume Huni tisaiporu niho'o mapoka mapoka kajihija 'ee ea niho'o mapoka mapoka Jutia rori hijura 'ee Jerusaremi rori hijura 'ee ara ka'ene soha rori Taia 'ee Saitani roara.

Ruku 6:6

Na'ii pini Sapati veijino Hu va'e Sinakoku vaji najahana. Ema pina ijí hinajaho huni ija mana'inijaho 'irivi'ina.

Ruku 7:21

Vea ijiha kajaho Hu ea mapoka vejume atama sonahie 'ee haha hianavi'ina vejume sonahie 'avena sisea siomahe 'ee ea mapoka vejume nia niriara.

Ruku 7:22

'Ejume Hu eha vene ijá 'iama 'Unama va'e uneka ka'ene ja kime 'ee hejajaho Joni 'wara'avara. Ea ka'ene nia supavi'ina nia niriu'e 'ee irima'ina namina oju'e 'ee ea reporosia rukina maraniu'e 'ee ataa pa'ana veju'e maraniu'e 'ee ea ka'ene kwamasahi'ina veju'e 'urina hiju'e 'ee Godoni vu'a mamaa ka'ene ea pivusahi'ina najahuji 'wara'avara.

Ruku 8:1

Na'ii pini Hu ara mama'ina 'ee ara ma'u'umaa kajino 'urahe oji'i Godoni vu'a maa maiu'ina ka'ene Godoni ariji huni vu'a najahana. Huni tisaiporu iropu ropu no'o pu pu'úmo va'ara.

Ruku 9:11

'Ejumakame ea mapoka kajipo henareja pu 'ararihia va'ajivara. Hu pu 'ajorame 'ee aneja vene Godoni arijihuni vu'a 'warame 'ee ea ka'ene venae maranihuna ura renajija vejume maraniara.

Ruku 9:60

'Enakaivo Hu ijá 'wama Ea ka'ene kwavi'ina kajaho maka'eje kwamasahuna kajipo apena va'e ranava kaivo a va'e Godoni arijihuni vu'a ea 'aho'a 'wara'amana 'wamana.

Joni 18:20

'Ejume Jesu hu eha vene ijá 'wama Na samaumai ea mapoka vu'a 'waravuta. Sinakoku 'ee Temiporu vaji Jua ahuma hi'eju'e Na najahura. Na niho'o vu'a pina nesa pa'waravuta.

Joni 6:59

Hu uneunechakihi ronarena Kapeniami Sinakoku vaji najahana.

Joni 7:1

Ijihuni túna'i Jesuho Karari 'urahonana kaivo Hu Jutia pava'ajihuni maijaho Juapo Hu 'ana'i savajihuna'e pava'ana.

Akisi 10:38

Ja nihejara Jesu ka'ene Nasareti Godira Huni 'Avena mahe 'ee Huni harura iji'i mahana. 'Ejumakame Godi hu hu'úmo hinujihuna'e Hu kwaaka mapokakino va'e mamaa vene ea ka'ene 'avena sisea ajimai'ina siomahuna.

Akisi 18:4

'Enare'e Sapati vea mapoka kajija hu va'e Sinakoku vaji Jua 'ee Kuriki epo hununa'i ro'avarono 'waramana.

Akisi 20:25

Heha! Na niheju. Ea ka'ene na hu'úmo 'urahe o'eju'e na Godoni ariji najahujaho ja nuni varira kú'o pakihuna.

Akisi 28:31

'Ene hu Godoni arijihuni maiji najahe 'ee Natohwa Jesu Keriso oni vu'a najahuna. 'Eju'ukame ea pina hura vu'aka 'waramujaho pararejura.

Romani 10:15

'Ene ea 'ahopo pu pairechamie va'ipisa pu ichá'ina'e najaha'e? Godoni ira vajakiano ija'ina 'warumana. Ea ka'ene Godoni vu'a maa maiu'ina mataume apena roajiva jihipuni mumorijija mavarasa'imaa 'úmana.