Matiu 4:10 - Godoni vuʼa maiuʼina

¹⁰ 'Ejume Jesura 'avena sisea kajaho ijá 'wama 'Avena sisea karera! Karori va'a! Godoni ira vaji 'warumajaho Natohwa ka'ene oni Godijiru oja mahe Hunaru vena'amana 'wamana.

Matiu 4:10 Iomraidhean Croise

Matiu 16:23

'Ejumakame Jesura ta'arohe Pita ijá 'wama Setanikera túna'i rova'a 'wamana. A Na apene tanu'urihu ja'ina'e venu. A oni vwihijaho niho'o Godoni urija'ina pana kaivo emaa puni vwihija'ina vwihanu 'wamana.

Maka 1:13

Hu na'ia mapoka (40) nechi'i hi'eme Setanira roe Hu vena kamana. Hu hanuha nea pu'úmo hi'eme 'ona oji'inapo roe Hu 'ajoahara.

Ruku 10:18

'Ejume Hu ijá 'iama Na ka'eme Setani kahino akúpa 'ahi vea puna'i pi'i'eme 'onana.

Ruku 11:18

'Enajihuna'e Setanira ahaama hi'ipisa huni kwaa arijaho ichá'ina'e namija'e? Ijihuni maijaho ja ijá 'wavo Na Pierisiparu oni iha 'ahi 'avena sisea 'waravu'e usevu 'wavu.

Ruku 13:16

'Ena'omo iviamaa ike Eparahami oni 'apajakaho Setani rosavu'e juara mapoka (18) pa'arenajaho hu areri Sapati veakaho paveje mara'ena? 'wamana.

Ruku 22:3

'Ejume Huni tisaiporu pina ka'ene Jutasi Isikariatina 'wavujaho Setanira rosamana.

Ruku 22:31

'Ejume Hu Saimani ijá 'wama Saimani hena! Setani aa'e apena'e areri 'witia ruarahu ja'ina'e ruara'i 'ahau'e ura reju'e ro 'ejahie 'warimana.

Ruku 4:8

'Ejume Jesura eha vene ijá 'wama Godoni Irijara a Natohwa ka'ene oni Godi ijiru oja mahe Hunaru vena'amana 'wamana.

Joni 13:27

Hu puretia ape i'eme Setani hu ajimana. 'Ejume ijihuna'e Jesura ijá 'wama A raka ve'i 'aha'amajaho mamako vena 'wamana.

Akisi 26:18

'Ejakame a veje puni nia jaraahuna. 'Ene pu nututi hijujaho are'i kaivo ta'arohe hanaji'iniji roajihuna 'ee Setani oni harura hari hijujaho are'ika'i Godoni rohuna. 'Ejakamareje sisea vwihanie arevujaho apene 'ee ea ka'ene nimaa rojajihuna Na iji pijihujipo aachia ka'ene 'ekahunijaho pu 'u'o ijihuni vaji 'ekahuna 'wimana.

Akisi 5:3

'Ejumakame Pitara ijá 'wama Ananaiasi'o a irakijihuna'e Setani oni oja ruha apejumakame a oni mwe'aka 'imenarena monia pwinana'a a 'ekivo Godoni 'Aveni jihuni una'i ira'ata venane?

1 Koritia 5:5

'Ena'omo ea ija'inijaho Setani mahakame hura huni haha ruaraha parahuna vwihajuta. 'Enakaivo huni 'avenijaho Natohwa Jesura ro'amani veijaho marahuna.

1 Koritia 7:5

'Enakúne ja paki'eje tanu'ara'avara. 'Enakaivo vea ka'ene ja siporua'e 'o'irono ve'avajino ja no'o nimaa ve'ika'i tanu'avara. 'Enakaivo siporua 'oja pa'are'avajaho mako roe ahu'avara vejuro'i ja ojono pakairasa'avajaho Setanira ja vena kima ve'enakúne.

2 Koritia 11:14

'Ene Setani 'u'o ta'arohe areri hanaji'ini jihuni 'ona oji'ina sa'ina'e rehuna.

2 Koritia 12:7

'Ene uneunecha mapoka ka'ene vejume samaahirava ijihuna'e haha hiana ni'ina'e nuni haha vaja ranamana. Ijaho Setani oni ona'oji'inijina. Ijara 'wija oma rene nuni haha vaji hine ruarihakame na onuno pata'arosara'urono avanana.

2 Koritia 2:11

'Ene nú ija'ina'e vejakame Setaniho núnuna'i vehuna ija pa'are'amana. Ijihuni maijaho hura ira'ata ka'ene pisimisamuni 'unamijaho nú mai'o papuruva retúu.

Jemisi 4:7

Ijihuna'e Godoni hari hiha. 'E'ikaivo 'avena siseijaho roturahe va'ama.

1 Pita 5:9

'Enakaivo joni nimairoa vajijino kirasa'ika'i hu tanu'ura'avara. Ja nihena kavuja'ina'e vwehu jona 'aho'a mwe'akino 'unama nikwisu'ina kajino siseisei hiju.