Matiu 3:11 - Godoni vuʼa maiuʼina

¹¹ Na ja toa vaji samaume 'urijajihuni maijaho ja joni sisea vwihane temukavume nahama Godi 'wara'ika'i aremama arevaji najaharejo ijihuna'e toa vaji samauta kaivo Ea ka'ene nuni túna'i roujara Godoni 'Avena 'ee haruriji'i samahuna. Na Hu Hu'úmo areria pana 'ee nara Huni mumora hwana jahenahuna areria pana.

Matiu 3:11 Iomraidhean Croise

Matiu 3:6

'Enareja pu puni sisea vwihane nahama Godi 'wara'i kaivo aremamaa arevajihuna'e hu pu Jotani 'unirame toi samana.

Maka 1:4

Joni Papitisita nechi'i 'waravume ea puni sisea vwihane temukavume areva jihuna'e Joni pu 'unirame toa vaji samaume 'urijara.

Ruku 1:17

'Enajihuna'e hura Iraija oni oja 'ee harura ijí same Huni una'i vahuna. 'Ene emahwa puni ojijija ta'arohe harihwaha 'ee ea ka'ene vuataa paheji'inijija veje ea arira maa rehuna. 'Ee ea aherame veje Natohwi jihuni 'unama amairiarahuna 'wamana.

Ruku 3:16

'Ene Joni eha vene ijá 'iama Na ja toa vaji samauta kaivo Ea ka'ene nuni túna'i roujara samahunijaho Godoni 'Avena 'ee haruriji'i samahuna. Na Hu Hu'úmo areria pana 'ee nara Huni mumora hwana jahenahuna areria pana.

Ruku 3:3

'Eju'e hu Jotani rori ara ka'ene hijuji roe emaapo puni sisea vwihana are'eje toi samahuni vu'a 'waramana.

Joni 1:15

Joniho Hua'e rone ijá 'iama Ea ka'ene na ja 'waravujaho Ea ka'ene túna'i roujaho Hu niho'o Natohwa'omo na asitihana. Ijihuni maijaho na mai'o panaheni'ini Hu niiji hinana.

Joni 1:30

Ea ka'ene nuni túna'i roume nara 'waravujaho ikena. Na panaheni'inijaho Hu ijí hinana kaivo na Hu hu'úmo areria pana.

Akisi 1:5

Ijihuni maijaho Joniho ja toi vaji samaume 'urijara kaivo na'ia josu'a pare'eje ja Godoni 'Aveni samahuna.

Akisi 19:4

'Ejume Porura ijá 'iama Jonira ea samajaho emaapo puni sisea are'i kaivo ta'aro'avarono samai'i ijá 'iama Ea ka'ene nuni túna'i rouji nimaa ro'avara 'iamana. Ijaho Jesuna 'iamana.

Akisi 8:36

'Enareja pu 'unamutoi va'ari vaja kajino roe toa rori usevi'i Unikia kajara ijá 'wama Kama! Toa karena kaivo rakijara tanu'urihu'e na toa paapúsami'ena? 'wamana.

Akisi 8:38

Ea kajara 'waravume chariati nami'eme pu no'o Piripui ariha va'ume ea kajaho toi 'unamape apúsamana.

1 Koritia 12:13

'Enajihuna'e 'Avena nikwinu'ina vaja kajino nú maho'o samume 'urine haha nikwinu rejara. 'Ene nú Jua ho Kuriki ho pwea ho matauma oji'ina nú ijí 'Avena nikwinu'ina kaji apejara.

Epasasi 3:8

Na ea maho'o ka'ene nimaa roji'ina puni vaji túchamaa ijina vo ike maiji vwihani'inakaho na mihana. 'Ene Keriso oni vaji uneunecha mapoka mamaa ka'ene areri pamanura vene 'warahunijija Jenitaru naja'urono vajihana.

Taitasi 3:5

'Enarena Hu nú ni'ajúha jihuni maijaho núra uneunecha mamaa arira'e vejakame ijihuna'e ni'ajúhuna pana kaivo Huni numisaraa 'ee Huni 'Avena vajijino kú'o nahenu'e somuhume nú ea maiu'ina rejara.

1 Pita 5:5

Ja ea maiu'ine 'unama nikwinu'ina kajino ja ea mama'ina puni hari hi'avara 'ee masuani ajuarasahe hijujino ea kwinu kwino same hi'avara. Ijihuni maijaho Godiho ea ka'ene kehi kehi vejujija ninamauna. 'Enakaivo ea ka'ene masuani hijujija maiji vwihaniujaho vajihuna.