Matiu 28:18 - Godoni vuʼa maiuʼina

¹⁸ 'Ejumakame Jesura puni roarena Hu pu ijá 'iama Harura ka'ene mwe'akaki namuna 'ee kahi akúpi 'ahi namuna ijaho ni'aha kwinu Na mihana.

Matiu 28:18 Iomraidhean Croise

Matiu 11:27

'Enakaivo uneunecha mapokijija Amora Nuni ija tahi irechamana. Ijihuna'e eaka mapokijija Godoni Harihijaho hami pakama pahejura kaivo Amora huhusu hami hena kamuna. 'Eju'e eaka mapokijija Amoho hami pakama pahejura kaivo Hariahi huhusu hami hena kamuna. 'Enakaivo Hariahi ea irá ura renajiru Omaha'e nahume hu 'u'o Omaha hena kamuna 'wamana.

Matiu 16:28

Emaa Puni Hariha Hura 'ajohuni kwaijaho ea ka'ene ike namiju kijahija mai'o pakwamasa'eje roe kahuna 'iamana.

Matiu 26:64

'Ejumakame Jesu ijá 'wama A ni'warimu kajina. Ema Puni Harihijaho ka'eje ija mana'ini harurija'i asuma hine 'ee 'imitia vaji akúpa 'ahi rena rohuna 'wamana.

Ruku 10:22

'Enakaivo uneunecha ka'ene mapokijija Amora Nuni ija tahi irechamana. Ijihuna'e eaka mapokijija Godoni Harihijaho pakama pahejura kaivo Amora hena kamuna. 'Eju'e eaka mapokijija Amoho pakama pahejura kaivo Hariahi kama henuna. 'Enakaivo Hariahi ura renujiru Omaha najahuna 'wamana.

Joni 13:3

Amoho uneunecha mapoka Huni ija 'ahi irechame 'ee Hu Godi oni rena roana'omo Hu kú'o 'unama Godi oni vahunijaho nihena kamana.

Joni 17:2

A Hu harura ea mapoka asitahuna mahana. 'Enajihuna'e A ea ka'ene Hu vajahajija Hu pu majama hihuna mihuna.

Joni 3:31

Ea irara kahi akúpa 'ahi rena roajaho Hu niho'o ni'ima'ura. 'Enakaivo ea irara iki mwe'i rena roajaho hu mwe'a kehuna. Ijihuni hahi hu mwe'a kehuneru 'warahuna kaivo Ea irara kahi akúpa 'ahi rene roajaho Hu ni'ima'ura.

Joni 3:35

Omahi Hariaha oja maharena uneunecha mapoka maho'o Huni ija tahi vajahana.

Akisi 10:36

Hura Isureri oni harihijihi puna'e vu'a ka'ene ranamajaho matauhuniji Jesu Keriso oni vaji najahuna. Hu eaka mapokijihi puni Natohwa.

Akisi 2:36

Ijihuna'e 'warave ea mapoka ka'ene Isureri hijujaho niho'o hami hami he para'avara. Godira Jesu vejume Natohwa rene 'ee Keriso renana ka'ene jara icha 'ahi 'anaajina 'iamana.

Romani 14:9

Ikehuna'e Kerisoho kwama 'urinana. Ijihuna'e ea ka'ene kwamasahe 'ee mai'o hiju jihipuni Natohwa renana.

1 Koritia 15:27

Ijihuni maijaho Godira uneunecha maho'o vejume Keriso oni umora hari ro parajara. 'Ene Hu ika 'iamujihuni maijaho uneunecha maho'o Huni hari ro paranana 'iamujara najahujaho Godi ka'ene Keriso oni hari uneunecha maho'o irechamajara Huhusumano Keriso oni hara pahinu.

Korasia 2:10

'Ene Huni vaji ja maho'o ni areri renaana. 'Ene Hu ea maho'o 'ajohai'ine 'ee harura mapokijihi puni húmata.

Hipuru 1:2

'Enakaivo ike vea túchamaikaho Hu Huni Harihi jihuni vaji nú 'warumana. 'Ene Godira aachi'a maho'okaho Huna'e rehuna nahama 'waramana. 'Ene Huni vaji 'u'o mwe'a vene 'ee uneunecha maho'okaho vesihana.

Hipuru 2:8

Ara uneunecha maho'o Huni mumora hari irechamana 'wamana. Nú uneunecha maho'o 'wavujaho pina paasinavara rona 'wavura. 'Enakaivo nú mai'o uneunecha 'aho'a ka'ene Huni hara panavujija pakivura.

1 Pita 3:22

Hu akúpa 'ahi ni va'ana'omo iviamaa Godoni ija mana'inija'i hi'eju'e 'ona oji'ina 'ee mama'ina 'ee harura Huni hararu hiju.

Revaresiani 11:15

'E'eme Godoni 'ona oji'ina ka'ene iropu no'o ijara tauja hwasi'eme ira mapoka kahi akúpa 'ahi ijá 'wava Mwe'a kehuni 'ajohi'ini jihuni tinijaho núni Natohwa 'ee Huni Keriso'o rene mwe'akaho majama 'ajohuna 'wavara.

Revaresiani 17:14

Pu Remuijihi pu'úmo ajira vehuna vo Remuijara pu asitahuna. Ijihuni maijaho Hu natohwe puni Natohwa 'ee kini epuni Kinia. Ea ka'ene Hu hu'úmo rejajija iji pijihajine 'umenajine 'ee Hununa'i hami veji'inijina.

Revaresiani 19:16

'Ene huni ateha jopatu'ura 'aha 'ee Huni vuana 'ahijino iha ika'ina venana. Kini puni Kinijine 'ee natohwe puni Natohwajina 'wame venana.